|
دعواتكم وأبغى مساعدتكم
بسم الله الرحمن الرحيم الحمدلله رب العالمين والصلاة والسلام على رسول الله محمد صلى الله عليه وسلم طبعاً انا عضوة جديده ماسجلت إلا للضروره ومعكم بمستوى ثاني وكنت استفيد من المخلصات وكل شي من صديقة طفولتي صدى الأحزان طبعاً أبقولكم خبر مؤسف جداً اولاً صديقتي صدى الأحزان بالأمس دخلت المستشفى وسوت عملية والآن هي محتاجه دعواتكم .................................... ثانياً طلبت مني إني ابلغكم أنكم تسامحونها وتعذرونها إذا قصرت معكم ............................................ ثالثاً تعتذر منكم بأنها سوف تنسحب بدون سابق علم وبكل صراحه أبي طريقه اني ااجل دراستها او اني اسوي لها انسحاب من الدراسه طلبت مني هالطلب هذا اول ماوصلت المستشفى وانا ماودي اسحبه ودي انها تكمل معنا لكن! مصره انها تطلع وماتكمل وأنا محتاره والله كلمت اهلها اليوم قالوا لي حالتها مره صعبه وودي مشورتكم وخايفه مااسوي انسحاب لها وتزعل علي وانا والله مااقدر على زعلها صديقه طفولتي من يوم ماكنا بالابتدائي الى الان عمرنا 21 سنه واذا زعلتها علي والله ماانام الليل طلبتكم ساعدوني |
رد: دعواتكم وأبغى مساعدتكم
الله يشفيها وياجرها لاباس طهور ان شاء الله لها دعوانتا. نصيحتي سوي لها تاجيل حرام انها تنسحب
وان شاء الله تكون بخير وترجع للدراسه معنا لذلك لا تسوين لها انسحاب سوى اعتذار هذا الترم ويارب يشفيها |
رد: دعواتكم وأبغى مساعدتكم
اعتذار عن الترم ولعل الله يحدث بعد ذلك امرا
|
رد: دعواتكم وأبغى مساعدتكم
اولا اللهم يارب الارباب ويامنشي السحاب ويامنزل الكتاب وياهازم الاحزاب تشافي اختنا في الله صدى الاحزان
من مرضها وتعافيها عاجلا غير آجلا اللهم تمدها بالصحه والعافيه وتعجل بعافيتها يارب العالمين. ثانيا انتي حاولي بقدر امكانك تسوين لها تأجيل لأن اذا مانفعها مارايح يضرها الانسحاب لها مو زين واذا زعلت عليك انتي اختها وتبين لها المصلحه وهي الان مريضه وماهمها غير عافيتها واذا درت بعدين وقالت مو مكمله عادي تنسحب لآن عندها عذر وهي العمليه. انا انصحك تأجلين لها.. |
رد: دعواتكم وأبغى مساعدتكم
عزيزتي .. الله يقومها بالسلامه .. وماتشوف شر لكن من الأفضل أحد أقاربها هو اللي يقدم لها أعتذار وليس انسحااااااب.. عشان يتحمل المسؤليه .. هذا من رائي.. ويعطيك العافيه .. |
رد: دعواتكم وأبغى مساعدتكم
اقتباس:
مشكوره اختي على مرورك لكنها وصتني اني انسحب عطتني رقمها وعطتني كل شي وانا الى الان ماقلت لاهلها اخاف ردة فعلهم وهي يارب تقوم بالسلامه حالتها مرره صعبه الدكتور يقول المفروض اليوم الصبح تصحى لكنها ماصحت وهذا اللي موترني اننها قبل ماتسويها ودعتني وداع ماراح ترجع منه الله يشفيها ويوفقك |
رد: دعواتكم وأبغى مساعدتكم
اقتباس:
كيف الطريقه اخوي ؟ لاني ماعرف شي هي كانت تسوي لي كل شي دخلتني ادرس معها بس عشان نكون مع بعض |
رد: دعواتكم وأبغى مساعدتكم
اقتباس:
آميين يارب مشكور اخوي على مرورك ان شاء الله اقدر بس ياريت اعرف الطريقه وهل مسموح التاجيل الحين |
رد: دعواتكم وأبغى مساعدتكم
اقتباس:
امين يارب يعطيك العافيه على مرورك اهلها لو دروا ماراح يرضون بيخلونها تكمل دراستها وانا مابيها تاجل او تسحب ابي انا اسوي كل شي عشان اذا طلعت بالسلامه تراجع وتذاكر بس والله ابي مشورتكم |
رد: دعواتكم وأبغى مساعدتكم
مشورتنا انتظري لبكرا ان شاء الله وهي اللي بتقرر يمكن كانت نفسيتها تعبانه عشان العمليه ولاتسوين شيء الا بعلم احد من اهلها عشان محد يلومك ع الاقل لاختها او امهاا وإذا اضطريتي سوي اعتذار وهي إذا طلعت بسلامتها تقرر الانسحاب او تكمل وطمنينا عنهاااا:16: |
| All times are GMT +3. الوقت الآن حسب توقيت السعودية: 04:05 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام