ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   منتدى الرسوم و التصميم و الجرافيكس (https://vb.ckfu.org/forumdisplay.php?f=221)
-   -   مشروع ثيمات (https://vb.ckfu.org/showthread.php?t=572168)

شوية كلام 2014- 4- 8 06:56 AM

مشروع ثيمات
 
السلام عليكم ورحمة الله وبركاته

عندي مشكله اتمنى احد يفيدني
بديت في مشروع تصميم ثيمات كفرات للجوال الخ

مشكلتي بالمقاسات اللي تعرف كن مقاسات كفرات الجوال تخبرني هذا اول

ثاني عندي لمن اختار مقاس العمل اصمم وانتهي وأبي اطبع الطابعه تعطيني مقاسات
ويضيع شغلي كله يا تطلع كبيره يا صغيره ماعرفت لها أبد

كيف اخليها تطلع على مقاسات العمل نفسه ؟؟

بليز خبرتني الله يسعدكم حرام ابي مشروعي يمشي :Cry111::sm18:

شوية كلام 2014- 4- 19 07:27 PM

رد: مشروع ثيمات
 
محد رد علي

اين انتي يانصرون

قمر الهيلا 2014- 4- 20 02:38 PM

رد: مشروع ثيمات
 
والله م عندي معلومه في هالاشياء بس بسوي لكك ..

دعوه للأخت د. نصرون ...

وانشاء الله تساعدكك

Dr. nsroon 2014- 4- 20 11:20 PM

رد: مشروع ثيمات
 
وعليكم السلام ورحمة الله
العذر والسموحة منك شفت موضوعك من اول بس ماقدرت ارد
لانه لابي كان بالصيانه ولله الحمد طلع


عندي قوالب جاهزة لمعظم الجوالات راح ارفعها لك :004:

Dr. nsroon 2014- 4- 20 11:25 PM

رد: مشروع ثيمات
 
http://www.mediafire.com/?g5h1pt7vuvmdqwk

كائن غير طبيعي 2014- 4- 22 08:11 AM

رد: مشروع ثيمات
 
أختي شوية كلام ...
أحتاج معلومات منك أكثر ... لمساعدتك في الإجابة على سؤالك ..

البرنامج اللي تستخدمينه في التصميم ؟
نوع الجوال الذي تقومين بعمل ثيمات له ؟
هل تقصدين بالتصميم فقط الشكل الظاهر في الكفر أو الكفر كامل ؟
لماذا تطبعين التصميم .. هل تعنين طباعة على الكفر ..؟ أو طباعة للعرض فقط ؟

في أنتظار ردك وبأذن الله أفيدك


شوية كلام 2014- 4- 24 05:25 AM

رد: مشروع ثيمات
 
مشكوره نصرون ربي يسعدك يارب

كائن

استخدم الفوتوشوب
ابي لكل الجوالات ايفون جالكسي
ابي اصمم الغلاف اللي برى استكر ويلص عالجوال

كائن غير طبيعي 2014- 4- 24 11:58 AM

رد: مشروع ثيمات
 
بالنسبة لمقاس الجوالات
عشان تصممين شي لازم تعرفين مقاس الجوال بالضبط وهذا أمر سهل جداً
ما عليك إلا أنك تزورين الموقع التالي هذا الموقع تكتبين له أسم الجوال مجرد ما تكتبين أول حرف راح يطلع لك أقرب شي للي كتبتيه الين ما توصلي للموديل الخاص اللي تبين تشتغلين عليه اختاري نوعه وراح يعرض لك الموقع جميع المواصفات المتعلقة بهذا الجهاز اللي اخترته ومن ضمن الأشياء اللي راح يستعرضها حاجة أسمها " " هنا راح يكون المقاس حق الجهاز مثلاً جهاز Iphone 5s هذا مقاسه
58.6x123.8x7.6 mm
(2.31x4.87x0.30 in.)
لاحظي أنه المقاس مذكور بطريقتين بالملمتر .. والأنش .. وهذا سهل تحديد من خلال الفوتوشوب
لاحظي شغله عادة والمتعارف عليه في المقاسات .. أنه المقاس الأخير مثل (7.6 ) هو لسماكة الجهاز وهذا ما يهمك كثير اللي يهمك في تصميمك الأول والثاني.
وعنوان الموقع
http://mobiledevicesize.com/
بعد ما عرفتي المقاس تروحين الفوتوشوب وتفتحين صفحة جديدة للتصميم وتحطين فيها المقاس لاحظي حطيت الطول بالعرض مثل ما هو مبين عندك بالصورة التالية اللي هي المربعات الصفة وانا أخترت وحدة القياس MM ونفس الوحدة حددتها بالفوتوشوب

https://www.mediafire.com/convkey/f5...dv3941z86g.jpg

بعد كذا لاحظي المستطيل اللي بالأحمر ... لازم تكون الدقة 300 بدون هذي الدقة ما راح يكون تصميمك طباعته وصورة نظيفة لما تطبعينها .
بعد ما تفتح معك النافذة بالمقاسات حقك من خلال المسطرة الجانبية اللي انا مظللها بالصورة التالية باللون الأصفر أسحبي مؤشر المسطرة الأزرق وحددي فيها الصفحة اللي فتحتيها مثل ما هو واضح عندك بالصورة

https://www.mediafire.com/convkey/1f...l22l074l6g.jpg

بعدها روحي للأمر Image إذا كان كمبيوترك عربي في الأوامر اللي فوق باسم صورة بتلاقين الأمر Canvas image ما أدري ويش ترجمتها عندك يمكن قماش الصورة أو شراع الصورة حاجة زي كذا راح يطلع لك الصورة زي الصورة التالية زيدي على المقاسات اللي عندك خلينا نقول مثلا 1.5 سم بس يعني المقاس الأول 58.6 راح يصير 60.1

https://www.mediafire.com/convkey/62...fs369li66g.jpg

أيش الهدف من هذا الأمر حتى بعدين مع الطباعة لا جيتي تقصين الاستكر ما يطلع معاك فراغات بيضاء بالتصميم وتشوه شكل التصميم حقك ... فتزودين على المقاس الطبيعي والزيادة مع القص بتروح ... مع ملاحظة أن أي كتابة لازم تكون داخل حدود الإطار الأزرق بشوي يعني مو على خط الأطار الأزرق لأن حد الإطار الأزرق هو حد القص للورقة ..
شوفي كم المقاسات طلعت بعد ما أنا زودت 1.5 سم في كل المقاسين حسب اللون الأصفر الموضح بالصورة ... ممكن تحسبيها بالآلة الحاسبة ... ولاتنسي أنه الوحدة الحسابية تكون مطابقة للي فتحتيه سابقاً اللي هي MM .
اللي باللون البنفسجي تأكدي دائما أنه مؤشر بالنصف ... حتى تكون الزيادة من الجهات الأربعة
بعد كذا راح تكون الصورة مثل اللي بالأسفل لاحظ زيادة الأرضية البيضاء اللي بعد الخط الأزرق هذا راح ينقص بعد الطباعة

https://www.mediafire.com/convkey/40...an5ndakt6g.jpg

هنا حد الخط الأزرق ما راح ينطبع أجل كيف تعرفين حدود القص ؟ ... من خلال أداة التحديد نحدد المستطيل الأزرق الداخلي وبعدها نروح للأمر Edit وبنلاقي حاجة أسمها Stroke اختاريها مثل الصورة اللي بالأسفل القيمة خليها 1 واللون على حسب تصميمك لو غامق خلينا لون ابيض مثلاً ولو فاتح يكون لون رمادي غامق شوي والحد يكون من الخارج مثل ما هو محدد بالمستطيل الأحمر... هذا في الطباعة راح يطلع معاك خط رفيع على الصورة يسهل عليك تحطين المسطرة على الخط وتقصين الاستكر

https://www.mediafire.com/convkey/28...aolxunhp6g.jpg

أتمنى يكون كلامي واضح ومفهوم .. وبالتوفيق أن شاء الله


شوية كلام 2014- 4- 29 10:40 AM

رد: مشروع ثيمات
 
كائن جدا جدا شكرًا ربي يوسعلك يارب ويفرجها عليك

كائن غير طبيعي 2014- 4- 29 10:44 AM

رد: مشروع ثيمات
 
ابداً حاضرين بأي وقت
اي شي يخص الفوتو شوب والتصميم بالخدمة


All times are GMT +3. الوقت الآن حسب توقيت السعودية: 07:35 AM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه