|
تنبيه للجميع الكلية تلغي الجداول إلي تم توزيعها أمس ..!
السلام عليكم ورحمة الله وبركاته
ولازال مسلسل التخبطات في كلية التقنية بالنسبة للجـداول .. اليوم .. ألغـوا الجداول إلي تم توزيعها صباح أمـس .. وتوزيع جــداول جديدهـ للطــلاب إبتدأ التوزيع الســاعــه 10:00 صباحـاً .. وماجاني الخبر إلا الحيــن .. ولما رحت الصراحه انصدمت بالجدول كانوا قبل حاطين لي اربع مواد والحين مادتين !!! الصراحه ماعندي تعليق على هالموضوع .. طيب وإلي مايدري وش ذنبه على الأقل ارسلوا من أمس لجميع الطلاب بأنهم ألغوا الجدول إلي وزعوه ..! الله يكون بعوني وبعون الجميــع .. |
رد: تنبيه للجميع الكلية تلغي الجداول إلي تم توزيعها أمس ..!
من جد الله يعينكم
|
رد: تنبيه للجميع الكلية تلغي الجداول إلي تم توزيعها أمس ..!
ماااقول الي حسبي الله ونعم الوكيل فيهم:Cry111:
|
رد: تنبيه للجميع الكلية تلغي الجداول إلي تم توزيعها أمس ..!
نعم الكلام صحيح
لكن انا نفس جدولي ماتغير ولما سألت المدرس اللي خذته منه قالي ان هناك جداول فيها اخطاء وتم تعديلها وانا ان شاء الله السبت من 7:30 انا عندهم وبشوف وش سالفة الإضافة ويارب ان اقدر اضيف اللي ابي |
رد: تنبيه للجميع الكلية تلغي الجداول إلي تم توزيعها أمس ..!
انا ابغى اعرف وش السالفه
اعتقد والله اعلم ان كل الطلاب اللي عندهم اربع مواد خلوها لهم مادتين بس مدري وش السالفه ياليت احد يقولنا وش المشكله وكيف نظام الإضاة والحذف يوم السبت يعني هل هناك مواد معين يمكن اضافتها او تقدر تضيف اي مادة تبي |
رد: تنبيه للجميع الكلية تلغي الجداول إلي تم توزيعها أمس ..!
ياجماعة انا رحت ابي احذف مادة مارضى برناوي يقووول لانك تاخذ مكافاة لازم تدرس ع الاقل 14 ساعة
هل اقدر احذفها من المدرس او لا ؟؟ ياليت احد يفيدني |
رد: تنبيه للجميع الكلية تلغي الجداول إلي تم توزيعها أمس ..!
نظام الإضافة والحذف اخوي aa2aa ... راح ينزلون مواد محددهـ يوم السبت أو الأحد ...
وتقدر إنك تضيف ماده غير موجوده ضمن المواد إلي طرحوها إلي هي انك تقدم خطاب لرئيس القسم مكتوب عليه الماده إلي تبغى تضيفها + لازم يكون معك مجموعه من الطلاب يبغون نفس الماده يضيفونها + توقيع الطلاب والأرقام الأكاديمية لكل طلاب .. |
رد: تنبيه للجميع الكلية تلغي الجداول إلي تم توزيعها أمس ..!
اقتباس:
عذر غير مقنع من رئيس القسم برناوي .. طيب انا جدولي مجموع الساعات 5 ساعات وفيه طلاب غيري عندهم مادة وحده ..! للأسف ماتقدر تحذفها من عند المدرس لازم من عند برناوي ,, لكن لاتخليه رح له يوم السبت أو الأحد لأن الأسبوع الجاي حق الإضافات والحذف وإن شاء الله تتسهل أمورك يارب ... |
رد: تنبيه للجميع الكلية تلغي الجداول إلي تم توزيعها أمس ..!
الله يهديك
الناس تبي تضيف وانت تحذف الا اذا كان المدرس مب شيء شيء ثاني لكن الله يعينا ويصبرنا لين السبت وان شاء الله احصل المواد اللي ابيها واوقاتها ماتتعارض لكن هل اقدر اضيف 3 مواد؟ |
رد: تنبيه للجميع الكلية تلغي الجداول إلي تم توزيعها أمس ..!
يمكن تقدر تضيف 3 مواد ويمكن لا .. لأنها تعتمد على سعه الجدول من ناحية التعارض في الأوقات !!
وإن شاء الله تقدر تضيف المواد .. لأني والله مثلك حاب اضيف ثلاث مواد .. والوعد يوم السبت بحط خيمه عند مكتب برناوي ,,, :cheese: |
| All times are GMT +3. الوقت الآن حسب توقيت السعودية: 06:05 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام