|
مفاجأة استاذ يسمح بالغش في كلية حفر الباطن
اولا السلام عليكم ورحمة الله وبركاته ((نعم اخواني الطلبه هذا محصل امام شعبه كامله مدرس يقوم بالمجامله والعنصريه ويسمح لفئة بالغش واستعمال اي اداة للنجاح !!)) والله ياخوان هذا الكلام صحيح مليون بالمية % الاستاذ المحترم والموقر (( محمد الرميـح )) كلنا نعرفه بأخلاقه العاليه وتميزة بالابتسامه لكن خلف هذه الاخلاق والابتسامه رجل لايعرف الحق ولايخاف الله تخيلوا (( خمس طلاب جالسين يغشون في المحاضره ونحن في اختبار مهم من 10 درجات وهي مهمة لنجوح المتدرب او رفع معدله والمدرس يعطى الضوء الاخضر لمتدربين ( قروب كول ) << معروفين في الكلية :cheese: يعطي الضوء الاخضر للغش والتكلم وبعضهم يرفع الورقه للآخر << وبعض الطلاب المدرس يتكلم معهم بصوت عالي ويصرخ في وجه اي طالب طيب وش الحل معه !! ارسلنا لعميد الكلية وللحين ماجانا خبر تصدقون بعض الطلاب حاقدين عليه لدرجة ماتتوقعونها وعن الموضوع انا عندي دليل ومستعد اقدمة للعميد متى مايبي حرام الظلم وحرام الغش والتفرقه بين الطلاب يارميـــــــــــــــــــح (( اسف اخواني يمكن ضيقت صدوركم لكن ودي نتكلم ونقول اللي فينا انا شخص مارضى بالظلم ونقلت لكم الموضوع بدون كذب او تأليف لعل نجد قلب رحيم بنا )) اخوكم بردقـآ الشدح :119: |
رد: مفاجأة استاذ يسمح بالغش في كلية حفر الباطن
قروب كول >> اجل ورى ماسميتو نفسكم قروب هجوله يمكن يخليكم تغشون
حسبي الله ونعم الوكيل والله لو اني مكانك اني لاغش وفي امه خير يتكلم >>> امحق نصيحه استغفر الله الله يشفيه هذا انسان انتهازي >> وش دخل |
رد: مفاجأة استاذ يسمح بالغش في كلية حفر الباطن
[align=center]
قروب كول تدرين ليش (( شعورهم زي الكدش ويلبسون جنز ضيق يعني حركاات ماهي للرجال ابدا وسبايكي وقصات غريبة )) ثانيا احنا نذاكر ونتعب وغيرنا يغش ببساطة !! وينجح بدون تعب ماهو ظلم ؟ مشكلتنا نبي لها حل [/align] |
رد: مفاجأة استاذ يسمح بالغش في كلية حفر الباطن
افا عليك بس نعرف قروب كول مايحتاج
سؤال يسدح نفسه يابو عذاب قصدي بردقا .. انت يعني تذاكر >> وش دخل امك صدق مايصير احد ياخذ مجهود احد بدون اذن حسبي الله ونعم الوكيل على استاذكم قدموا شكوى عليه .. واكثر من صوت غصب عن المسؤلين بيستمعون لهم ... |
رد: مفاجأة استاذ يسمح بالغش في كلية حفر الباطن
اتوقع شكوتنا وصلت لشخص من جنسيته فهمتي !! يعني رموا الشكوى في سلة المهملات
حرام طلاب تركوا الماده الانجليزي وهم باقي لهم 15 درجة وباقي كثير على الاختبار !! أيس فيهم الله ينتقم منه |
رد: مفاجأة استاذ يسمح بالغش في كلية حفر الباطن
ماعليكم الحق يوصل لو غطوه سنين .. وراح يدرون المسؤلين مافي دخان من غير نار .. والطلاب ما اشتكو من فراغ
|
رد: مفاجأة استاذ يسمح بالغش في كلية حفر الباطن
وينك يابو جابر ووينك ياولد العديم وين الحق !! ولا كلام بس
|
رد: مفاجأة استاذ يسمح بالغش في كلية حفر الباطن
مرحبا اخوي
بقولك كلام انا اول واحد ضد قرارات الكليه عرفت ولا تحسب اللي بقوله لك اني انا من الاداره او احد مرسلني محمد رميح انا ادرس عنده وهو زميل لي عزيز والله يعملني مثل ما يعامل الطلاب ولو تنقصني درجه ما يزودني عشان المعرفه الرجال يمشي بالنظام ولا يعرف امه وابوه هذا الحق وهذا اللي انا شفته ولكن اذا عندك اي دليل مثل ما قلت ادخل على رايس القسم وامورك محلوله انشاء الله لك تحياتي |
رد: مفاجأة استاذ يسمح بالغش في كلية حفر الباطن
الدافور انا مثلك كنت ااحترمه واغليه والله العظيم لكن الرجل تغير المشكلة ماهو كلام نسمعه شفت بعيني ياخوي خمس طلاب حتى لو تاخروا 30 دقيقه يدخلون المحاضره ويضحك معهم بعد !!
وغيرهم 5 دقايق وبرى !! طيب ليش عيال خدامه هم وش هالعنصريه اللي سمعته انا وتقريبا متأكد منه ان الرميح عنده بنت مريضه شفاها الله المهم احد الطلاب يجيب له مواعيد قريبة للرميح يعني مسنعه بالمستشفى هذا الكلام اللي سمعنااااااه ياخي خله يسنعه ماعندنا مشكلة اما يغش وياخذ حق ماهو له لا ماانسكت وانا مستعد اوصلها للجرايد الالكترونية ومنتديات الحفر واكثر لو نحب !!! وبالصور بعد :) |
رد: مفاجأة استاذ يسمح بالغش في كلية حفر الباطن
[align=center]
UP [/align] |
رد: مفاجأة استاذ يسمح بالغش في كلية حفر الباطن
الله لايجيبه عندنا السنة الجايه بتخصصيه2
|
رد: مفاجأة استاذ يسمح بالغش في كلية حفر الباطن
هي جت على ابو رميح ..!
لبى ابو رميح والله ..~ وحب لنفسك ما تحبه لا آخيك .., المساعده مطلوبه من الجميع ., وما توقف على ابو رميح ., ومع آني مو مصدق وقلها بوجه اذا بغيت تثبت مو تقول عندي اثباتات ههههههههه قال ابو جآبر ياربي |
رد: مفاجأة استاذ يسمح بالغش في كلية حفر الباطن
والله تعيس الحظ اللي يدرسه رميح الترم الجاي
|
رد: مفاجأة استاذ يسمح بالغش في كلية حفر الباطن
اخي الغالي بردقا
اسمع يالغالي ترى مالك عذر نهائيا اذا عندك اي اثبات على كلامك باب استاذ ابورشيد مفتوح للكل لو تبي رح له يوم السبت الكلية فاتحه قابل العميد ووالله لن يقصر معاك نهائياً بالعكس اذا معك الحق راح يرجعه لك مهما صار استاذ ابورشيد لايرظى بمثل هذه الافعال كلنا نعرف انه نظامي ولايرظى بالزلل واذا تبي اروح معك انا مستعد . |
رد: مفاجأة استاذ يسمح بالغش في كلية حفر الباطن
[align=center]
والله يابو خلف تعبنا واحنا نتكلم :( ملينا ترى :( [/align] |
رد: مفاجأة استاذ يسمح بالغش في كلية حفر الباطن
مالك الى حقك والله ايش تامر فيه انا في خدمتك
تبغى نتواجه انا وانت ونقابل استاذ ابو رشيد مافيه مشكله اللي تبغاه انا حاضر بس اذا عندك اثباتات على كلامك بكون معك لين تاخذ حقك |
رد: مفاجأة استاذ يسمح بالغش في كلية حفر الباطن
وعليكم السلام ورحمه الله وبركاته
اخوي العزيز صاحب الشكوى اولا .. الشكوى لغير الله مذله ثانيا . ليه مو بنفس الوقت انكرت عليه او سويت شي جاي الحين تكلم وتقول صار كذا وصار كذا والطيور طارت بـ ارزاقها.. وبعدين انا مادرست عند محمد رميح الا محاضرة وحده وحذفت الماده .. ماعلينا بس الخوف ماهو من شكوتك الخوف انه راح يتغير لو يسمع بـ الكلام هذا والى راح يتأثر هم الى راح يدرسون عنده الترم القادم بعدين بتكلم معك بكل صراحه .. وقفت على محمد رميح يعني هههههه . ياما شفنا عجايب وسااااكتين اند ساااكتين ولا ننطق بهرج ... لانه بالعربي الفصيح .. خلص شغلك وامش خلك من ذا يغشش وذا يبشش . وقروب مدري ايش صار لى سنتين ادرس ماقد سمعت بقروب كول الى تقول عنهم .. مسوين كدش ومدري ايش .. اصلا انت عارف انه فيه قوانين صارمه بالنسبه لشعر كيف يسوي كدش ناس تطرد من الاختبارات بسبب الشعر الطويل وانت تقول مسوين كدش ... والله محمد رميح مابيني وبينه شي ولا صار بينا شي ولكن انا اتكلم بالواقع الى حاصل بالكليه.. خلك من كل شي وجاوبني ... انت نجحت ولا حملت الماده .؟ |
رد: مفاجأة استاذ يسمح بالغش في كلية حفر الباطن
ياخوي وين قروب الكول هذولا
والله ماشوف غير قروبات تماسيح بالكلية |
رد: مفاجأة استاذ يسمح بالغش في كلية حفر الباطن
انا ماراح احكم ع الدكتور الرميحي
لانو معذرة بس في طلاب يسون الاشياء هذي يمكن عشان حاقدين ع دكتور او قالهم كلمة وهم يحاولون يشككوا في ذمته عشان كذا ماراح اعلق ع الموضوع لين نسمع رده الرميحي ع هالموضوع واصلا لو انو احد غش منكم وشفتوه وغشيتوا اتحداه يكتب لكم محضر غش واتحداه يكتب لكم عنده في التقويم صفر اتحداه مافي حرامي بيخلي احد شافه يسرق يروح يتكلم عليه فالمفروض انو تحترم الشخص واذا انو هو ع كلامكـ خل ناس تغش خذه انت وكلمه ودام انه عزيز عليكـ المفروض هذا الحل الي سويته مو تجي وتشوه سمعته اعوذ بالله من هالتفكير الي عنده ادله واشياء تثبت ماراح ينشر الموضوع راح يثبت هالشي داخل اسوار الكلية وهذا ردي يمكن يعجبكـ ويمكن لا بس راح يعجب غيركـ لانو هذا الكلام المنطقي ونصيحة لكـ خله يحللكـ ع تشويه صورته طيب فمان الله....:praying: |
| All times are GMT +3. الوقت الآن حسب توقيت السعودية: 09:06 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام