ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   منتدى الكلية الجامعية بالجبيل (https://vb.ckfu.org/forumdisplay.php?f=85)
-   -   الفحص الطبي و العيد (https://vb.ckfu.org/showthread.php?t=360516)

FoFii 2012- 8- 21 09:22 PM
الفحص الطبي و العيد
 
السلام عليكم

يا جماعة أنا انقبلت و لله الحمد ، بس الفحص الطبي مسويه لي مشكلة عويصة

جيت بسويه في العيد مسكرين ومايفتحون الا السبت اللي هو موعد مقابلتي عند الجامعية ، و ما أدري وش أسوي !!!!!!!!

أرشدوني الله يوفقكم يارب :sm18:

نـبـضّ 2012- 8- 21 09:49 PM
رد: الفحص الطبي و العيد
 
طيب ليه ماسويتيه من قبل ؟!

آممّم// بس ضروري تجين يوم الموعد لانو

لو مآحضرت يلغو قبولك وتروح عليك

آنـآآآ صرآحه آقترح عليك انك تحضري يوم الموعد

وتجيبي معك الاورآق الرسميه اللي طالبينها

والفحص ان شاءالله سويه يوم السبت اول ماترجعي

من الجامعه ماراح تطولين بس تعطينهم الاورآق

ويصورونكـ ... وفي الفحص عطيهم اذا بدأت الدرآسه

آتوقع‘ مآفي مشكللله ...آهم شيء لاتفوتين يوم المرآجعه حبيبتي

الله يوفقك حبيبتي ... آنآ كمآن يوم السبت يوم مرآجعتي :10111::rose:

fluffy puffy 2012- 8- 22 12:25 AM
رد: الفحص الطبي و العيد
 
مشكله والله
لان لازم تجيبينه اصلا لما تدخلين على ملفك اللي تطبعين منه ورقة الفحص اللي تودينها المستوصف بتلقين مكتوب الاشياء اللي لازم تجيبينها معاك يوم المقابله وعند الفحص كاتبين :
* نموذج الكشف الطبي موقع ومختوم من قبل المستشفى أو المركز الصحي ( عدم احضاره سيلغي قبولك)..

ف عندك حلين يا انك تشوفين مستشفى حكومي بالدمام او الخبر او اي مكان يفتح قبل ٧ شوال
او انك تروحين الساعه ٨ اول مايفتح المستوصف وتعلمين فحوصاتك وتقولين لهم يتعاونون معك ويخلصونها بسرعه وتودينها للجامعه بنفس اليوم بسرعه قبل ماتسكر اتوقع تسكر ٣ الظهر وتاكدي بعد .. وهو الحل الانسب

rashoon 2012- 8- 22 01:10 AM
رد: الفحص الطبي و العيد
 
آووبس :icon9:
إن شآء الله تساهيل :004:
خبريّ كلية الجبيل م فيهآ تخصصات صحية !
وشولهه الفحص !:Looking_anim:

Esc 2012- 8- 22 07:13 AM
رد: الفحص الطبي و العيد
 
مابياخذو أوراقك الا لما تكون كامله بس انتي روحي لهم وقولي لهم مشكلتك

FoFii 2012- 8- 23 11:02 AM
رد: الفحص الطبي و العيد
 
خلاص بروح السبت الساعه ٨ المستشفى و راح أحاول يخلصونها لي بسرعه و دعواتكم والله إني ميته من الخوف :icon9:

وشكراً على الرد كلكم :rose:

بس ابي اعرف الساعة كم يقفلون الجامعية و ماعاد يستقبلون مقابلات يوم السبت ؟

fluffy puffy 2012- 8- 24 03:38 PM
رد: الفحص الطبي و العيد
 
اقتباس:
المشاركة الأصلية كتبت بواسطة FoFii (المشاركة 7074246)
خلاص بروح السبت الساعه 8 المستشفى و راح أحاول يخلصونها لي بسرعه و دعواتكم والله إني ميته من الخوف :icon9:

وشكراً على الرد كلكم :rose:

بس ابي اعرف الساعة كم يقفلون الجامعية و ماعاد يستقبلون مقابلات يوم السبت ؟
انتي خليك عند المستوصف قبل 8 بحيث انهم 8 على طول يبدون لك تحاليل *ابدي بتحاليل المختبر* لان هي اللي تاخذ وقت .. والاشعه بعد اذكر الدكتوره قالت تطلع بيومين مدري عنها عاد شكله ماعندها سالفه

بعد ماتخلصين من المختبرات روحي للاشياء البسيطه اللي هو طول ووزن وفحص عيون اذا كنتي تلبسين نظاره خذيها معك يوم الفحص

بخصوص متى تسكر الجامعه البعض يقول انها تسكر 3 .. بس انتي خلي وحده تعرفينها صديقتك يكون موعدها نفس موعدك السبت تسأل لك لما تروح الجامعه نفسها وترد لك خبر


وبس..
اتمنى اني افدتك :rose:

FoFii 2012- 8- 24 06:19 PM
رد: الفحص الطبي و العيد
 
اقتباس:
المشاركة الأصلية كتبت بواسطة fluffy puffy (المشاركة 7077737)
انتي خليك عند المستوصف قبل 8 بحيث انهم 8 على طول يبدون لك تحاليل *ابدي بتحاليل المختبر* لان هي اللي تاخذ وقت .. والاشعه بعد اذكر الدكتوره قالت تطلع بيومين مدري عنها عاد شكله ماعندها سالفه

بعد ماتخلصين من المختبرات روحي للاشياء البسيطه اللي هو طول ووزن وفحص عيون اذا كنتي تلبسين نظاره خذيها معك يوم الفحص

بخصوص متى تسكر الجامعه البعض يقول انها تسكر 3 .. بس انتي خلي وحده تعرفينها صديقتك يكون موعدها نفس موعدك السبت تسأل لك لما تروح الجامعه نفسها وترد لك خبر


وبس..
اتمنى اني افدتك :rose:
الله يوفقك يارب ، و بسوي مثل ما قلتي و إدعي لي والله إني بس اصيح و ادعي .. والله إني متفائلة بس لازم هالخوف ، الله يوفقك يارب على ردك :rose:

fluffy puffy 2012- 8- 25 03:51 AM
رد: الفحص الطبي و العيد
 
والله اني حاسه فيك :(
بس مفروض الله يهديك استعجلتي ولا اجلتي الفحوصات من اول :(

الله يسهل عليك
وطمنينا :106:


All times are GMT +3. الوقت الآن حسب توقيت السعودية: 06:58 AM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه