ساعدوني ضروري

[فواز 55]

يا جماعة انا طالب وقبلوني كلية الجبيل الجامعية

الوالد الله يحفظه يشتغل في الجبيل وعلمته اني بدرس في كلية الجبيل الجامعية

قالي ان المعيشة في الجبيل الصناعية غالية جدا يعني المكافئة الي راح تستلمها من الكلية

ممكن ما راح تكفيك وغير عن كذا انا دقيت عليهم بخصوص السكن الصراحة قهرني ردهم مايعرفون يردون لا سلبيا ولا اجابيا الرجال الي رد علي قالي حاليا غير متوفر لكن اذا جيت راح نوفره قلت له كم يبيلكم يعني علشان الواحد يعرف كيف يصرف نفسه قالي مدري

يعني لا خذت منه لا حق ولا باطل كلمت كذا شخص قالي ان في حي البحر القريب من الكلية الجامعية يأجرون غرف للطالب

بغيت اسألكم كم اجار هذي الغرف..؟
وسمعت ان حي البحر وسخ وكله مشاكل هل صحيح هذا الكلام..؟

وايضا هل المكافئة الي نستلمها من الكلية راح تكفي تمشي الواحد شهر من ناحية الغدا والعشا والفطور ..؟

يعني الواحد لو بيعصر نفسه ويصرف 30 ريال كل يوم يقدر..؟

الي عايش طالب عزابي في حي البحر ياليت يجاوبني ويعطيني كيف ضع الحي .؟

وكيف وضعه هو من ناحية المعيشة اكل واجار والنت كيف الخ ..؟

يعني الواحد كم ريال يكفيه عشان يقدر يعيش في هذه المنطقة


الصراحة الوالد ماهو راضي ان اروح ويقولي المنقطة زفت وانا المشكلة درجاتي والحمدلله عالي

قبلوني كلية المجتمع بالدمام وانا كانت فكرتي اني ادرس فيها واجيب درجات عالية في الرياضيات والانجليزي ومن ثم في نصف الفصل اطلب نقل الى جامعة البترول

بس الاغلبية قالو لي ان اذا طلبت نقل ماهو مضمون يعني في احتمال كبير يرفضون ينقلون لك الى جامعة البترول حتى لو جبت a في الرياضيات1و2 و a في الانجليزي

وانا ماودي اقعد بها دبلوم من المجتمع ويضيع مستقبلي

والله اني محتار اتمنى انكم تساعدوني

[فواز 55]

25 مشاهدة ولا رد..!!

لاهنتم ضروري احد الطلاب يفيدني..

[AhMaD.11]

السلام عليكم
مبروك لقبولك بالكلية
بخصوص المعيشة بالجبيل مافيه فرق بينها وبين الدمام
المكاقأة تكفيك وتزيد بأذن الله والامر يرجع لك طبعا كيف التحكم فيها
من ناحية السكن اذا انت من الدمام او ماجورها تتظر لما يفتحون السكن
وهذي تعتمد من سنة لسنة يعني ممكن اسبوعين ويعطونك سكن وممكن تتأخر اكثر
بخصوص اجار غرف البحر ماسمعت عنها
وسكن الصناعية افضل من البحر والغالب طلاب الجامعية ساكنيين بالصناعية
اتمنى جاوبت عليك وشكرا