نصيحه لكم كلكم... لا وظائف للإنتساب بعد التخرج

[ابو غيداء]

ولد انت زوجتك ما كانت تدرس معنا


لايكون فصلت بس

[Sulaiman]

المشاركة الأصلية كتبت بواسطة b-h-s

كثير اللي توضفوا في تخصص علم اجتماع بشهادة ( انتساب )

عادي الرزق عند الله خل العالم تدرس ولا تحبطهم بكلامك هذا حتى لو انك منصح .

[lavender faris]

يعني تخصص اللغة الانجليزية ممكن يدرسون ؟؟؟ يعني مقبولة شهادتهم ؟؟!
علما اني ما افكر بالتدريس .....
بس ارجو الافادة

[chicago]

للمعلومية جميع تخصصات الانتساب لاتقبل فالتعليم الحكومي

الانجليزي كان استثناء لحد العام السنه هذي الانجليزي مثله

مثل غيره ما ابي احطم احد لكن اعتقد اللي خريجين انجليزي السنه هذي

اللي سأل منهم يعرف هالمعلومه

انا ضد هالشيء اكيد المفروض يوضع اختبار او مقابله لتحديد فائدة الخريج العلميه والعمليه

انتساب او كان انتظام عاد هالحين من زين مخرجات تعليم الانتظام عندنا على اساس

وانا مؤيد لنقطة البحث عن تخصصات تهم سوق العمل مثل ادارة الاعمال

احترامي

[فوق]

حظّك متخرج من جامعة الملك سعود


من ناحية الاعتراف من عدمه ترى الدراسة اللي بس هدفها الوظيفة مو لنا

لأن أغلبنا أما موظف والا أنقرض من عالم البشرية التعليمية ويحاول يرجع وينمي الذاكرة وينفض عنها

غبار الزهايمر وفيه جزء بسيط يمكن يبون وظايف أنا عني أدرس علشان كان تحدي بيني وبين نفسي

نفسي اللي تحب تسوي مثلك وتقول ماللدراسة هدف ولا فايدة وأنا أقول أقطعي واخسي

[FaHoOoDe]

بالنسبه لي الحمدلله متوظف وع مرتبه رسميه جيده

لكن خذتها يكون عندي افضليه بترقيه او تقييم ومن هذا القبيل

مع العلم ام القطاع الحكومي الي اعمل فيه يتجه للخصخصه ويكون شركه حكوميه

واكيد راح تنفعني كثير

[بتال راشد]

اخوي اللي يقول ادارة مستشفيات غير مصنفه من الهيئة....تراني ادور الاجر والثواب من الله بس....ارجوك الاف القراء يقرون كلامك..لاتكتب الا انت متأكد من كلامك....ادارة مستشفيات مصنف من هيئة التخصصات الصحيه. ...واللي موظف شي ممتاز له يكمل دراسته عشان الترقيه.....لاكن ماهي هنا المشكله. ...المشكله اللي م اتوظف. ......الله يرزقه بوظيفه فوق احلامه....بس انتبهو ترئ الجامعات صارت تجارة...ولاتحطون فلوسكم الا بعد دراسة الموضوع. ..يعني روحوا اديوان الخدمه المدتيه واستفسروا عن كل شي

[بتال راشد]

قسم بالله انا اخصائي وموظف واموري اشكر عليها الله عز وجل وحده......قصدي انتبهو......عندكم اباء وامهات ينتظرون تخرجكم احر من الجمر. ..اتمنئ تفرحون بتخصص تتوظفون فيه وماتكونوا في صف الانتظار........تذمرون سالفة الدبلومات الصحيه....حتى أوامر الملك تجاهلوها المسئولين

[بتال راشد]

اعذروني اراسلكم من الجوال

[عسل بالليمون]

ذبحتونا في المواضيع هذي ولا عشرين الف موضوع
بالنهايه انت تدرس وتتعلم والارزاق بيد الله سبحانه
واظن قبل كم شهر صدر قرار من المحكمه بالزام وزارة التربيه والتعليم بالسماح للمنتسبين للمنافسه على الوظائف التعليميه اللي حاب يتأكد يرجع للمواضيع بالمنتدى قبل شهر او اكثر ويشوف الروابط
ورجاء مواضيع مثل هذه لافائده منها خاصة من يقول ان الجامعه هدفها الفلوس
مع العلم ان الفلوس هذي تذهب لوازرة التعليم العالي يعني الجامعه تفتح برامج الانتساب بعد ماتسمح لها الوزاره
من اول مستوى لي قرأت مواضيع كهذه وبكثره ولكن بالنهايه الرزق بيد رب العالمين ولا احد يضمن الضروف والتغيرات القادمه وحتى لو ماتوظفت تقدر تكمل دراستك للماجستير والدكتوراه يعني باذن الله ماراح تخسر من شهاده درست وتعلمت وتعبت حتى اخذتها
لذلك الله يرحم والديكم اتركوا المواضيع اللي تحطم وتهبط من عزيمة وطموح طلاب العلم

صاحب الموضوع اعتذر منك