الحمامه

[سناعيس شمر]

رأيت أني وأنا أمشي بالكليه مع صديقتي شفنا بنتين من صديقاتنا وسلمنا عليهن أنا شد أنتباهي إن البنتين لابسات ثياب مخيطات عند الخياط وقماش الثياب عادي من الاقمشه القديمه والثوب قصير شوي صديقتي أعجبها لبسهن وتقول إن هذي الموضه ..
أما أنا أقول بنفسي لوكنت بمكانهن حتى بيتنا ما لبست هالثوب .. لفت علي صديقتي و قالتلي أمك جت للكليه سلمتي عليها طالعت بأمي وأبتسمت لها
وقالت لي أمي وهي تبتسم أنا جيت بس أبشوف البنات ولبسهن بالكليه بالله عليك هذا ينسمى لبس حنا لو كنا بمكانهن مالبسنا هذي الملابس صح أو لا و ناظرت البنات نظرات غريبه كأنها نظرات إحتقار
وقالت لي إذا احتجتي شي ترى أنا هنا ودخلت داخل مبنى بالكليه
طبعا صديقتي و البنتين اللي معاها واقفات بعيدات عني وأنا أتفاجاء إن صديقتي اللي معي كانت لابسه بلوزه تل والتل شفاف باين جسمها
وميتة من الضحك هي و البنتين بس البنتين يحاولن إنهن يغطنها عشان محد يشوفها مشيت وتركتهن لان تصرفاتهن ولبسهن ماعجبني
وأنا ماشيه كاني نسيت اللي صار وشوف كل البنات اللي حولي جالسات مجموعات بس مارتحت لجلساتهن وشكالهن وعلى ماجيت بتصل على صديقاتي إلا بنت تقولي ممكن اجلس عندك واللي تحاول تقرب مني خفت من هالبنات ومن المكان وماتكلمت مع أحد
و أنا أشوف ثلاثه من صديقاتي نازلت الدرج وثنين يتهاوشن (وحده منهن اللي كانت معي بداية الحلم) وبسرعه رحت لهن قلت وينكن من اليوم وأدور عليكن
وكان ردهن شفناك تاخرتي ورحنا سألنا الدكتوره سؤال وجينا
وقالت وحده خلينا نروح الكفتريا نشتري وافقت أنا على الفكره طبعا اللي راح معي الثنين اللي متهاوشات وكان في الطريق للكافتريا آثار بناء وخشب طايح والمكان كأنه مهجور وعلى اليمين مربع كبير محدد على الارض كان داخله نظيف وداخله بنتين
وفي حمام واقف بطريقنا وحنا كنا نمشي على الخشب ومادخلنا المربع قلت للبنات غريبه الحمام مايخاف مننا ؟؟
قالت صديقتي لان مافي أحد هنا عشان يخاف و يطير
وقلت بنات وش رايكن نرجع بصراحه الطريق يخوف والمكان مهجور
و أول مالفينا نبي نرجع إلا والحمام يطير كانه يصدم بحاجز ويرجع للمربع بشكل غير طبيعي
قالن صديقاتي يالله نهرب ونرجع بسرعه قبل ياكلنا الحمام ترى الحمام ياكل
أنا ماقدرت أهرب من الخوف خفت إني أمشي وأصدم بالحمام وفي حمامه كانت تطير من قدامي وخفت أمشي قدام وتاكلني وأنا بمكاني أحرك يديني عشان تطير الحمامه وتخاف وماتقرب مني
إلا صديقاتي واصلات قبلي وقفات عند أول الطريق اللي جينا منه ويقولن أمشي لاتخافين مراح ياكلك الحمام
وأنا أشوف وحده من البنات اللي بالمربع طايحه على الارض وتصارخ ماقدر ساعدوني والله ماقدر والحمامه واقفه على راسها
والحمامه اللي كنت خايفه منها طارت ووقفت تبي تاكل من راس البنت وأنا منصدمه إن البنت ماتقدر تقوم والحمامه بكبر الحمام العادي يعني ما كان حجمه كبير ..
وكأني صحيت من الحلم وأسمع صوت يقولي قصة البنت اللي الحمام واقف على راسها
إن البنتين اللي بالمربع كل مره يصيدن حمام بس هالمره صادن بنات
إستغربت وقلت وشلون
رد وقال صادن حمامتين وحبسنهن على بالهن حمام وهن أصلا ماسكات بنتين جنيات متحولات على شكل حمام
وكنت أقول بنفسي وشلون ياربي حمام صاد البنات أو البنات صادن حمام

وإنتهى الحلم

[أنيس النفوس]

يؤسفني أن أخبرك ... أن هذا الحلم هو مجرد أضغاث احلام ... و الله اعلم

[سناعيس شمر]

جزاك الله كل خير وأتمنى إنه يكون أضغاث أحلام...

لكن عندي سؤال لو قلت إني شفت هذا الحلم أكثر من مره لكن بتغير بعض الاحداث هل يكون من أضغاث الاحلام؟؟

[أنيس النفوس]

لا ... لكل حلم تفسير ... و قد تكون الاحلام الآخرى رؤيا صالحة ... فأذكريها و سوف انظر ... و شكراً لك