حلمي
 

السلام عليكم

رايت اني
امشي في شارع بيتنا وكان ليل وادور على اخي الاصغر سلطان واسأل من في الطريق عنه وقالو
انه في الممر الذي في اخر الشارع قبل لا ادخل الممر وجدت ابن خالتي مشعل نايم في الرصيف على سرير
فوقه سرير ثاني وقام وسلم علي وقلت لمنو هالسريرين قال لفايز وفواز ثم دخلت الممر وكأنه ممر مستشفى وفيه كل الناس ياكلون بيض ولقيت سلطان وجا دكتور يسأل فيه (اقز) بالانجليزي بعدين قال عجه عجه واخذت خبزه صغيره
وحطيتها على شارب اخي اللي عمره 17 وقلت ليش مايطلع شعر وابسم وقال مافيه شعر واكر العمليه وهو يبتسم
وبعدين اخذت سلطان ابي اطلع من هالممر وعلى طريقي لقيت ابن خالتي ضاري وطلعنا على شاطئ البحر والناس زحمه اللي يسبح واللي يلعب كان يشوف سلطان شي بالبحر قال بروح اجيبه قلت لا ماتروح وكل الناي يطالعون على اللي يبي يجبه سلطان ويبونه وقلت لا ارجع ماسمع كلامي ودخل فجأه صار الموج ياخذه وصار البحر عميق عقب ماكان هادي ولحق به ضاري ودخلت اجيبهم ومسكت سلطان بصعوبه وقلت حاول تمسك ضاري امه مو معنا الحين شلون اذا صار له شي انا اصير المسئوله
المهم مسكت اخوي وضاري ما قدرت لانه بعيد حيل عني وصحيت مفزوعه

رد: حلمي
 

اسفه حطيت اسماء لان اعتقد الاسماء تفيد

رد: حلمي
 

و عليكم السلام و رحمة الله


يؤسفني أن ابلغك بان هذا الحلم ... هو مجرد أضغاث أحلام ......... و الله اعلم

رد: حلمي
 

السلام عليكم مفسرنا جزاك الله خير


استاذي الحلم اللي تحس انه شر تقول اضغاث احلام عشان تطمنا
انا خايفه من هالحلم كثير


وشكرا لك على اي حال

رد: حلمي
 

و عليكم السلام و رحمة الله و بركاته ،،،،

شكراً لك على حسن ظنك بي ،،، و في الحقيقة ما ذكرته غير صحيح لأن يتنافى مع الأمانة في تفسير الاحلام و نقل معناها كما هي ،،، لكن بعض الاحلام التي أحس ان فيها بعض الأمور التي لا ينبغي أن تقال ،، فلا أقول فيها شيئاً بل أعتذر عن تفسيرها بشكل واضح و صريح ،، و حلمك ليس من ذلك النوع و هو بالفعل اضغاث احلام


و الشكر لك مرة اخرى على حسن ظنك بي ، و اسئل الله أن يوفقك و يقضي حوائجك في الدنيا و الآخرة .