ملتقى طلاب وطالبات جامعة الملك فيصل,جامعة الدمام

- منتدى تفسير الأحلام (https://vb.ckfu.org/f159)

- - كنت في الثانوي وشاب يدرسني (https://vb.ckfu.org/t37027.html)

كنت في الثانوي وشاب يدرسني

السلام عليكم ورحمة الله وبركاته
أتمنى ما يكون تفسير حلمي : أضغاث أحلام:011:

انا طالبة جامعيه
عازبة
18 سنه
وقت الحلم من سنتين... وكنت توني مخلصة اول ثانوي و كان في صيفية الي بعدها دخلت ثاني ثانوي علمي:119:
طيب

الحلم هو :
اني كني ادرس في صف ثاني علمي وكنت جالسة في الصف الاوسط آخر صف
على يمين صديقتي وهي من الطايف أصلها المالكي وعلى يساري بنتين كلهم قحاطين الجنوب
وكانت حصة دراسية وانا المشكلة ادرس مادة البلاغة وانا قسم علمي والي يدرسني اياها شاب

مواصفات الشباب: كان لابس بنطلون اسود وتيشيرت اسود وحاط شال اسود على رقبته وشعره قصير وله سكسوكه
ملامحة كانت مقبولة

كان يقول ان راح امتنحنكم لأنكم ما فهمتوا الدرس او يقول ليش ما فهموا الدرس وكان زي الي يناقشنا وكان في المقابل البنات الفصل كلهم مو مركزين معاه من جمالة الي سحرهم ... لدرجة انه لما يتكلم كانوا مبتسمين ضحكات من الوناسه زي السكارا بس ضحكات بهدوء ...سحر كل بنات الفصل الا انا ما تأثرت ما شدني وكنت مستغربة ليشش ما شدني زي البنات ولما كنت اكلم صديقاتي الي جنبي ما كانوا يردون كانوا كلهم مسحورات من جماله وقمت من النوم..

اضافات:
الشباب لو اشوفه في الطبيعه في الواقع كان شدني بس في الحلم لا
انا كانت درجتي في البلاغة في اول ثانوي 97 من100
انا فيني صفة اني لما اتكلم في مكان يقولون لي اني اجذب الي حولي بأسلوبي من يومي صغيره...مدري يمكن لها دخل في الحلم....كلام جميل في البلاغة

وشكرا