|
ملكتي على ولد خالي# و ولي امري كان اخوي =)
السلا عليكم ورحمة الله وبركاته.... أتمنى يا أخوي انيس النفوس تفسر حلمي:119:..وما تقول انه اضغاث احلام:119: حلمت أن كنت في بيت جدي (ابو امي) وكنت في بيتهم بس كان متغير شوي كنت في جهة مجلس الرجال وكان كبير مرررة وكان لونه عنابي او بنفسجي غامق بس شكله فخم كانوا يجهزونه ويرتبونه وكان فتر ة الصبح على القرابة الظهر وكان شكل الستار شكلها مرررة حلو وبعدين شفت اخوي مع خالي( اخو أمي بس مو شقيقها ) وكانت فترة المغربية يعطي اخوي حزمة فلوس 500 ريال في في ربطتين او 4 ربطات.. وكان يقول هذا المهر لأن ولده هو الي راح يتملك علي اسمه ( عبدالعزيز) وكانوا يتناقشون...في نفس المكان الي هو المجلس...ما كان من اخواني الا هو..ولا حتى ابوي كان موجود.. فصار هذا اليوم هو يوم ملكتي لأن بعدها دخلت على الصالة فقاموا خالاتي ومعاهم بنات خالتي دخلوني مجلس صغير في البيت نفسه ولبسوني فستان ابيض وقاعدين يحطون ماكياج ويضبطوني لأن اليوم ملكتي وكانوا متجمعين وحدة تضبط شعري وحدة مدري وش تسوي يعني كانوا يجهزوني... بعدها طلعت للحوش وشفت عيال وبنات الاسرة كلهم متجمعين ولما اقبلت عليهم قاموا يسوون حركات قدام ولد خالي عبدالعزيز ويقولون شف من جت هو يوم لف وشافني دار وجه عني للجدار كان مستحي مني وكنت اقول في نفسي ليش يستحي مني...وكان لابس ثوب رمادي او زيتي كذا اونه كان .. بس كان في الثوب لمعة... وبعدها فجأة حسيت كنه فاصل ....تغير المكان...صرت في غرفة مجلس في نفس البيت قاعدة على الارض عند قدام التلفزيون وماسكته في حضني ولد وخالي نفسه ابو عبدالعزيز جالس على الكنب جنبي يطالع التلفزيون وكان لابس ثوب بيت .... وقمت من النوم....... وقت الحلم كان من ثلاث سنين....كنت صف اول ثانوي وانا الحين اولى جامعة وحلمته فترة المغربية... ولد خالي اسمه عبدالعزيز..وهو اكبر مني بسنه !@#$%^&* طلب يا أخوي انيس النفوس:bawling:...أحس ان الحلم فيه نوع من الخصوصية:bawling:... اذا في تفسيرة شي خاص منا ولا منا... ارسل على الخاص تفسيرة او اذا كان عندك نوع من الاستفسار لو سمحت...طيب وشكرا:119: |
رد: ملكتي على ولد خالي# و ولي امري كان اخوي =)
و عليكم السلام و رحمة الله و بركاته ،،،،
أسئل الله سبحانه و تعالى أن يحقق مناك و أحلامك و أمانيك ... إنت طلبت أني ما أقول أضغاث أحلام .... طيب أيش اقول إذا كان هذا الحلم ليس من الرؤى الصالحة ؟؟؟؟ تحياتي لك .... |
رد: ملكتي على ولد خالي# و ولي امري كان اخوي =)
اقتباس:
جزاك الله خييير على هاذي الدعوة... آميييييييييييين :119: ولك مثلها يا رب... |
رد: ملكتي على ولد خالي# و ولي امري كان اخوي =)
اقتباس:
هههههههه ...لا أنا قصدي ان حسافة اني احلم واقعد أكتب في ذا الحلم ,,,وآخرتها يسير مش رؤيا صالحة.... عادي...عادي قولي نوع الحلم ما في مشاكل.. |
رد: ملكتي على ولد خالي# و ولي امري كان اخوي =)
اقتباس:
هذا النوع من الاحلام يسمى ... حديث نفس ... و هو عادة يحدث عندما نفكر في أمر ما بعمق فيظهر لنا ذلك الامر على شكل حلم ... و الله اعلم |
| All times are GMT +3. الوقت الآن حسب توقيت السعودية: 06:52 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام