السلام عليكم ورحمة الله ..
حلمت قبل اسبوع انّي واقفة على سطح البيت وأناظر السماء وفيها غيوم لونها مبين انه وقت غروب وكانت تتحرك بسرعة فقلت الحين راح يهب هوا قوي ، فهب الهوا وحرك ملابسي وبقيت واقفة وأقول اخوي (وأقصد اخوي الكبير) راح يبقى واقف مايتحرك لأن وزنه ثقيل ، فنزلت تحت وقالوا لي ان أبوي مات (وهو في الحقيقة متوفى منذ 10 سنين) فبكيت وقلت لهم لأ الحين بأتصل عليه واتصلت وردت عليّ بنت ومعها أختها أسمهم احلام وندى وكأنه معاهم عمي مع انه في الحقيقة ماله بنت اسمها احلام وقلت لهم ابغى أكلم ابوي فقال الرجال اللي كأنه عمي لأ المستشفى ما يرضون ، فجلست أبكي وجاني أخوي الكبير وقال ايش رايك نروح نشوف ابوي قبل ما ندفنه؟ فقلت له لأ وطلعت لغرفتي وأنا بالطريق لقيت أخوي نفسه ينزل من الدرج ومعاه أبوي مكفّن ولكن راسه مكشوف فقلت له شوف أبوي حيّ يحرك عيونه فما رد عليّ فقلت له شوف بشرته صافيه وأشوفه مره يبتسم ومره لأ فاتح فمه بس مو مبتسم ،وفيه فلجه بين السنين الأماميين بفكه العلوي ،فوقف أخوي على باب الشارع يبغى يناول أبوي لأخوي الأصغر وكان زوج عمتي واقف عند الباب بسيارته وهو مو لابس شماغ وله عوارض وشعر رأسه كثير ينتظر ياخذ أبوي مع أخوي الصغير ..
فأخذ أخوي الصغير الوالد وقام اخوي الكبير وقفل الباب وقال لي انت حتى لو رحتي المستشفى ماراح يقولون لك ايش فيك بس بياخذون تحاليل وما يقولون ايش فيك ..
ويعطيك العافيه مقدماً..
هذا الحلم .. يدل على أن هناك امر تنتظرينه من فترة و تتمنين ان يتحقق و لكنه تأخر عليك مما جعل الدنيا تسود في عينيك ، إضافة إلى ان تأخره يهيج عليك أحزانك كلها و منها فقدك لوالدك رحمه الله ، و هذا الحلم يبشر بأن هذا الامر سوف يتحقق لك عن قريب إن شاء الله و يدخل السعادة و الهناء إلى حياتك و السرور إلى قلبك من جديد ... و الله اعلم
و ألف ألف مبروك لك و اسئل الله الرحمة و الرضوان لوالدك رحمه الله
2009- 7- 7
