ملتقى طلاب وطالبات جامعة الملك فيصل,جامعة الدمام - حلم غريب..ممكن تفسير..جزاك الله خييييير..

حلمت انوا جدتي جايه من سفر و جابت لي هديه وكانت الهديه فار"فأر" و اعطتني ايه في كيس اسود طيب كنت مستغربه من الهديه بس خلاص انو من جدتي لازم اقبلها.. بعدين ركبت السياره وكان الفار معي بعدين تجمع على الكيس حشرات صغيره زي اللي تصير بالفواكه اذا كانت قديمه وخربانه...طيب
بعدين وصلت البيت وانا قرفانه من ه الحشرات اللي على الفار طيب اخذت الفار و حطيته على سور البيت وشلت الكيس ورميته على الارض وكان باقي على الكيس حشرات وناديت خادمتنا وقلت لها جيبي معك مبيد حشري عشان نموت الحشرات اللي على الفار ...بس الفار ما نبغي نموته لانه هدية من جدتي ..وكان في بعد حافظة ثلج قريبه من الفار كان فيها حوضين زجاجيان اطوال وداخلهم حليب .. انا كنت انظر لخادمتنا من بعيد وهي ترش المبيد الحشري على الفار وفهمتها اني ماابي الفار يموت لانه هديه.. وهي ترش المبيد وقع الفار داخل احد حوضين الحليب وبعدين قلتلها خلاااص اكيد الفار مات طبعا هو مات فعلا..طبعا الخادمه هي اللي موتت الفار..

بس ابي اقول بعض الاشياء جدتي عندها مزرعه وفيها بقر وتجيب لنا حليب بس في اواني تقليديه عاديه اللي تكون استيل.. مو زي اللي بالحلم .. بس طبعا في الحلم مدري اذا الحليب منها او لا..

علاقتي مع جدتي مررره كويسه و احترمها واحبهااا كثير وهي بعد تحبني بس يمكن انا مقصره في شي واحد ماازورها كثير ...

وحتى الخادمه انا طيبه في التعامل مع الخادمات بشكل عام و خادمتنا عمري ما زعلتها ودائما اراعي مشاعرها بس يمكن اتكلم من ورها بس والله مو كثير...

انا سمعت انو الفار في الحلم امراءه فاسده ... بس والله ما اتذكر اني سويت شي غلط يخليني اكون فاسده..

ربي يجزيك الخير و يحقق لك كل امنياتك... بس لوسمحت لا تنسى تفسر حلمي..