حلمين مستعجلين ..

[أعاندمن يسآيرني]

السلام عليكم ورحمة الله وبركاته ..

اتمنى تكون بتمام الصحة والعافية أخي أنيس النفوس ..

من فترة حلمت بحلمين والفتره بينهم متقاربه حوالي شهر ..

الحلم الأول ..

كأني كنت طالعة بروح اختبر .. وما عندي سياره توديني الاختبار ..
فجأة جا شخص من قرايبي وقال لي ركبي بوديك وشفت نفسي راكبة ورا .. ووصلني مكان الاختبار بعدها جا بيرجعني البيت .. وكأني كنت حاسه بجوووع مو طبيعي .. وقلت له انا جوعانه .. وظل يدوور بالشوارع يدور مطعم مده طووويييييييله جدا .. وانا تضايقت وقلت له ليه جالس تدور يا توديني البيت ولا تشتري لي اكل .. قال لي ما في مكان فاتح الحين .. بعدين وقف ونزل يجيب لي اكل وجاب لي كيس كبيييير وفيه اكل كثييييير وانحرجت منه .. بعدين قال لي انتظريني برجع وراح شوي ورجع وجاب معه بلوزتين وحده صفرا ووحده خضرا وهم زي بعض بالضبببببط بس الالوان تختلف .. وقال لي البسيهم بالعيد ..
بعدها كأنه رجعني البيت .. ورحت مع اختي السوق .. وشفت نفس البلوزه اللي جابها لي هذا الشخص .. وقلت في نفسي بشتريها .. واخذتها وحطيتها في كيس ولما جيت بحاسب طلعت فلوسي عند اختي وقلت للي تحاسب وكانت مره .. بس بروح بجيب فلوسي وبرجع ولما جبت الفلوس عافتها نفسي .. وقلت في خاطري بشتري غيرها مابيها .. ودورت لي بلوزه ثانيه وكان لونها اصفر وكانت متواضعه بس عجبتني وشريتها ,,

وبس .. للعلم .. قبل النوم كنت قاريه اذكار خاصه للحلم بخصوص شيئ معين ...


.
.

وحلمت بحلم كان في السنه الماضية في ليلة من ليالي القدر ..

اني رحت لأحد البائعين وطلبت منه خاتم خاص بي مكتوب عليه اسمي ..

وقال لي احنا ما عندنا بس بدلك على شخص يسوي لك .. وأشر لي على سياره ورحت للسياره وشفت فيها نفس الشخص اللي في الحلم السابق .. وعطاني خاتم من ألماس ومكتوب عليه اسمي واخذته وانا فرحانه فيه ..


.
.


ياليت القى للحلمين تفسير .. للعلم الحلمين كانو بالسنه الماضيه واحد في شعبان والثاني في رمضان ..

ولكم جزيييل الشكر ..

[أنيس النفوس]

و عليكم السلام و رحمة الله و بركاته ،،،


كلا الحلمين يدلان على ان هناك خاطب سوف يتقدم لك عن قريب و تتم الموافقة و يقدم لك مهراً كبيراً و هدايا
و يتم الزواج و الخاتم التي طلبت كتابة اسمك عليه هو خاتم الخطوبة ،، و الف الف مبروك مقدماً ،، و بالرفاه و البنين

و تقبلي مني عانية الزواج من هالحين



و نسالكم الدعاء ،،،،،،

[أعاندمن يسآيرني]

شكرا جزيلا لك أخي الكريم على البشارة ..

وأيضا على هديتك وكلامك اللطيف



لكن عندي استفسارين ..

هل نفسه الشخص الي كان بالحلمين سيكون الخاطب أم أنه قد يكون غيره ..؟

والحلمين مر عليهم فترة سنه ولم يحدث شيء .. بم تفسر ذلك ؟





وجزاكم الله بعملكم كل خير ,, ورحم الله والديكم ..

[أنيس النفوس]

[quote=أعاندمن يسآيرني;512419]

شكرا جزيلا لك أخي الكريم على البشارة ..

وأيضا على هديتك وكلامك اللطيف



لكن عندي استفسارين ..

هل نفسه الشخص الي كان بالحلمين سيكون الخاطب أم أنه قد يكون غيره ..؟

ليس بالضرورة ان يكون نفس الشخص لان ورود ذكره في الحلم يرمز إلى الخاطب و لا يرمز إليه شخصياً .

والحلمين مر عليهم فترة سنه ولم يحدث شيء .. بم تفسر ذلك ؟

الحلم لا يوجد له وقت محدد ليتحقق فقد يطول وقت تحقق او قد يقصر و الامر بيد الله سبحانه و تعالى إلى جانب أمور اخرى تتعلق بالرائي ،، فهناك بعض الامور يتأخر تحققها بسبب بعض الذنوب ،،، و الله اعلم

و لك تحياتي ،،،



وجزاكم الله بعملكم كل خير ,, ورحم الله والديكم ..

]