احلم لاول مرة
 

بسم الله الرحمن الرحيم

اول مرة في حياتي احلم
يجوز احلم بس انسى

لكن هالحلم اول حلم اعيشة
ابسرد تفاصيلة وابي تفسير
واللي يقول اضغاث احلام الف شكر له

حلمت اني رايحة لبنات عمي اللي انا وهم مثل الخوات
دخلت بيت عمي وسلمت الا اشوف بنت واقفة وهم يتفحصوها
سلمت وسالت وش صاير
قالوا قررنا نخطب لاخونا
جيت بجلس قالوا خلك واقفة نشوف كان تصلحي له
انا كل انواع الاندهاش
انا طويلة وهم كلهم قصار
واصلا ما عندهم ولد عزابي
وبعدها جلسنا نسولف
قالت بنت عمي الكبيرة ها وش رايكم منو نخطب له منهم
اصغر وحدة من بنات عمي قالت اول وحدة
قصيرة ومزيونة قسم تصلح له
انا قلت هو كم وحدة شفتوا
قالوا ثلاث
قلت اوصفوا ونشوف اسنع وحدة له
الاولى وصفوها وبما انها قصيرة مثلهم قلت هاي حطوها بالمقدمة
ووصفوا الثانية
وطلعت انا الثالثة وشلون لهم عين يحطوني تبع اللسته
قلت الاولى يعني الاولى ماكو احسن منها له
الا بنت عمي الكبيرة تقول بس بالصفات الداخلية انتي افضل شريكة له
ماعليكم من الطول
نلبسة كعب


وسولفنا ولما رجعت البيت لقيت امي مع حريم
قلت لها وش السالفة
قالت لي فلانة جاية تخطبك لولدها فلان
أنآ تقريبا ما تفاجات لان اخت الفلان هذا كانت دايم تتكلم لي عنه
وقلت خليني افكر

اليوم اللي بعده بيت عمي جايين عندنا يكلمون امي
انا قلت لهم لا يعي لالا
وش هالهبال بذمتكم ترا اول وحدة اسنع وحدة له
من جدكم بتوهقوه فيني


يقولوا مدة الحلم 6 ثواني
ما اتوقع
انا عشت مسلسل بحلمي
وكمان يقولوا ان موضوع الخطبة بالحلم مرض موت مصيبة
والله خايفة على نفسي
فسروا لي هالحلم
لان اول مرة بحياتي احلم
صدق حلم ما ينقال

رد: احلم لاول مرة
 

و عليكم السلام و رحمة الله و بركاته ،،،


هذا الحلم هو رؤيا صالحة و هو يدل على أن هناك اكثر من عائلة تخطط لطلب يدك من اهلك لتزويجك من أحد ابنائها و سوف يتحقق لك هذا الامر في وقت واحد و سوف تحتارين من تختارين من الخطاب و في الاخير يستقر رأيك على احدهم و تتم الخطبة و الزواج ،،، و الله اعلم

و الف الف مبروك على هذه البشارة ،،، و تقبلي مني هذه الهدية البسيطة بمناسبة الخطبة و الزواج ،،،،،

http://www.alamuae.com/gallery/data/media/123/0481.gif

http://up2.up-images.com/up//uploads...1ac0330e54.png