ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   منتدى تفسير الأحلام (https://vb.ckfu.org/f159)
-   -   حلم المنزل (https://vb.ckfu.org/t52048.html)

@ سالي @ 2009- 11- 3 07:09 AM

حلم المنزل
 
بسم الله الرحمن الرحيم
السلام عليكم ورحمه الله وبركاته
رايت انني داخله بيت جديد وعلى انه توه جديد وتونا مخلصين بناء المهم دخلت المنزل كان في غايه الروعه وكان
في غرف كثيره لاتعد ولاتحصى وسيعه وحلوه وانا قاعده اتجول بالبيت واقول في نفسي الله مااحلى بيتنا وماتوقعته
يصير كبير واسع المهم قاعده اتجول في البيت غرفه غرفه وكنت ابغى احجز لي غرفه يعني غرفه تكون لي خاصه فيني
وكل الغرف محجوزه حاجزينها خواني كل غرفه على كثر الغرف مالقيت لي غرفه اخذها لي وبعدين صعدت الدور
الثاني ولقيت غرفه حجمها صغير تقريبا اعجبتني قلت الله باخذها خلاص هذي ملكي الا اختي الي اصغر من بثلاث
سنين كانت واقفه جنبي الا تقول لي لا هذي الغرفه محجوزه لبنت خالتي الصغيره وقالت اسمها بالمنام بنت خالتي
فلانه وبنت خالتي هذي عمرها سنه تقريبا انا زعلت مره تضايقت الا اقول ايش مابقى الا هي خالتي تاخذ غرفه
لبنتها ببيتنا وانا الى الان مالقيت غرفه بهالبيت مع اني انا اولى منها المهم اختي ماردت علي وبعدين نزلت لتحت
ابغى اخذ غرفه اشوي الا القى غرفه فاضيه قلت خلاص هذي غرفتي اشوي الا تقول امي لا هذي لاخوانك فلان وفلان
ثنين بنفس الغرفه قلت خلاص ومشيت وقاعده اقول لانفسي على كثر الغرف مالقيت غرفه خاصه فيني واستغربت ان
اخواني ثنين مع بعض بنفس الغرفه مفروض يتوزعون لان في غرفه ثانيه فاضيه المهم وامر على المجلس والمقلط
وكنت اطالع فيهم اخذه والا لا بعدين قلت لا هذي مجالس رجال اذا اخذتهم وين بيقعدون الرجال ومريت على الصاله
لاحظت ان فيها تغيير يعني مو نفس التصميم الي مصممينه بالواقع واستغربت انها غير اشوي الا القى غرفه قلت
خلاص اكيد هالغرف لي انا الا اقول لامي ابي اخذ هالغرفه قالت لي لااااااا هذي الغرفه لاختك فلانه الي هي اصغر مني
بثلاث سنين مع هنادي ( هنادي هذي وحده من جماعتنا متزوجه وعندها عيال وربه بيت) علشان اختك راح تدرس طب
وهنادي بعد داخله طب وعلشان كذا بيدرسون مع بعض في هالغرفه الا اقول لامي ماشاءالله هنادي داخله طب ومتزوجه
وعندها عيال كيف توفق بين دراستها والبيت الا اقول لامي ايه الحين عرفت ليه تهاني شعرها يطيح لان من دراسه
الطب وانا كنت اقول لامي هالسالفه وانا في غرفه الخادمه وكانت غرفتها جنب غرفه اختي وهنادي وكنت جالسه على
سرير الخادمه وقاعده اقول ماشاءالله حتى الخادمه لقت لها غرفه وانا لااااااااا ولا بعد عندها سريرين وغرفتها واسعه.
انا عازبه وطالبه ( واحنا بالواقع قاعدين نبني بيت ).واختي الي شفتها بالمنام طالبه عازبه
وسوري على الاطاله
وياليت تفسر لي حتى لو كان مو زين

أنيس النفوس 2009- 11- 4 04:08 PM

رد: حلم المنزل
 
و عليكم السلام و رحمة الله و بركاته ،،،


هذا الحلم هو ،،،، مجرد اضغاث احلام ،،، و الله اعلم

و لك تحياتي ،،،،


All times are GMT +3. الوقت الآن حسب توقيت السعودية: 01:54 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه