البواخر

[miss hendll]

السلام عليكم ورحمة الله وبركاته
أخي انيس النفوس عيدك مبارك من العايدين والفايزين انشاء الله
لقد رايت في منامي كنه في المعهد الي انا اشتغل فيه بس المكان جديد وواسع مرة وكان يبون يحطون مكتبي قرب مكتب المديره رفضت قلت ما ابي جنبها على شان ما تطلب مني طلبات كثيره وبعدها طلعت من المعهد وكان معي ابن اخوي الصغير وانا امشي معه في الطريق كان الطريق ما اعرف فيه شي وجلست اقوله لا تبكي اذا ما جا احد ياخذنا يمكن ننام في المعهد بعهدها اخذت تلفوني وكلمت صديقتي وقلت لها متى اني بتروحين قالت عشر قلت لا انا ابي قبل عشر اقول في نفسي انا كذا متاخرة وبعدها صرت في سيارة والسايق وهو خالي علي وكان في السيارة امي واخواتي معي وكان يسرع وكان اشوف امامنه مثل الهضبه مرتفعه شوي وجاء خالي مسرع وقلت له خلص وقف هنا وقف بسرعة ونزلنا من السيارة وجلسنا فوق الهضبة وكانت ملساء ولونها اخضر وكنت وافقه واشوف البحر قلت هذا بحر الثقبة وبحر الخبر وكان متصل البحر مع بعض بحر الثقبه والخبر وكنت اشوف فيه سفن وبواخر حلوه والبحر هادي في قايه الجمال والبحر صافي والدنيا منورة واقول هذا البحر يضم الثقبه والخبر وبعدها صرت في مكان ركبت الدرج وفي بيت الدرج الي يكون للستراحة شف بنات عمه امي الخمسة جالسين على الأرض سلمت عليهم وانا ادنع وابوسهم من الخمس الي سلمت عليهم ثنتين ما رضولي ابوسهم وقلت في نفسي اكيد هو مريضين والثنتين سلمت عليهم وبستهم وهم جالسين اما الخامسة وهي اصغرهم قامت وسلمت علي واسمها هياء وقلت لي تبين أمي ترى امي تعبانه نايمة قلت لها لا خليها ترتاح ( مع العلم انا عمت امي متوفيه ) ثم صعدت الدرج وكان معي بنت خالي وشكلها أصغر من عمرها الحالي وكانشعرها خشن مره اخذته وجدلته لها ( عشفته اثنين ) وحنا صاعدين الدرج
والله يعطيك العافيه

[أنيس النفوس]

و عليكم السلام و رحمة الله و بركاته ،،،


و كل عام و انتم بخير و الله يعوده عليكم بالصحة و العافية و تيسير الامور


هذا الحلم هو ،،،،،، اضغاث احلام ،،،،،و الله اعلم


و لك تحياتي ،،،،

[miss hendll]

هلا فيك وبارك الله فيك ويعطيك العافية