ملتقى طلاب وطالبات جامعة الملك فيصل,جامعة الدمام

السلام عليكم ورحمة الله وبركاته..

كيف الحال أخ أنيس..

من كم شهر حلمت حلم اذا ممكن تفسره لي:

الحلم ماأدري هو كأنه جزئين بس كل حزء يختلف عن الثاني احسه ملخبط المهم بقولك اياه:

الجزء الاول:
حلمت أني بقاعة مؤتمرات للملوك وكان صف الكراسي حق الامراء بجنب بعض يعني على خط مستقيم وأنا مشيت من قدامهم من أول الصف وأنا أمشي بالنص لقيت كرسي فاضي ووقفت قلت في بالي مين الملك اللي مو حاضر وكل ملوك الدول الثانيه حاضرين كان فيني فضول أعرف مين ولما قربت من الكرسي شفت فوق الكرسي علم السعوديه وبعدين حبيت كتف الكرسي قلت في داخلي عيب أمر من قدام كرسي ملكنا وماأحبه أيش بيقولون المهم وعطيت بوسه لكتف الكرسي وكملت المشي لحد أخر الصف

الجزء الثاني:
لما خلصت مروري قدام الامراء مشيت داخل المكان كأن طلعت على محل هالمحل فيه فساتين وبدلات رقص وأنا كنت أبي بدلة رقص (أتوقع لونها أحمر) عجبتني وقلت للي تفصل أنها تفصلي نفسها ولما خلصت وجيت أقيسها لقيتها محتشمه يعني مو مثل اللي أخترتها (مثل بدلات الرقص المعروفه) لقيتها متغطي البطن ومره محتشمه أنا بالأول قلت يوووه مو مثل اللي أخترتها بس يالله حلوه علي وأقتنعت فيها..

أدري طولت عليك بس هالحلم له كم شهر وفي بالي قلت يمكن يكون له تفسير..

وشكرا جزيلا لك...:bye: