ملتقى طلاب وطالبات جامعة الملك فيصل,جامعة الدمام

السلام عليكم ورحمة الله وبركاته

يعطيك العافيه أخ أنيس...

أناحلمت حلم بس جزئين يعني مختلف الجزء الاول عن الثاني بس كلهم (بنومه وحده)..

جزء1:

كنت بمحل فساتين وفيه عرض أزياء يعني يعرضون الفساتين الموجوده وعجبني فستان أحمر فيه طبقات من تحت ولبسته وأنا بالمحل عشان أشوفه علي وعجبني كثير بس أختي كأنه مو عاجبها الفستان لانها قالت فيه طبقات كثير (يعني مو ناعم=دفش) بس ماأهتميت برايها وأخذته لان كنت مقتنعه فيه.

جزء2:

راكبه عربه بحصان يقودها يعني(حنطور)وكانت معي أحد من أهلي(أتوقع أمي)جالسه من جهتي اليمين,,والحصان كان يقود العربه من غير أحد يقوده والطريق اللي ماشين فيه كان ضيق وكان الحصان متحكم من القياده رغم ضيق الطريق مشينا مسافه بعدين طاح الحصان وأنفصلت العربه وأنا بسرعه نزلت منها وذهبت للحصان كنت خايفه عليه(حتى نسيت أمي كان أهم شي الحصان كنت خايفه عليه حتى أكثر من نفسي) ومسحت يعني طبطبت على الحصان بحنان عشان يقاوم وينهض مره ثانيه وكنت أنظر فيه وأنا أمسح بيدي عليه (أتوقع على جسمه من بعد الراس لان كنت أطالع في وجهه وأشوف الالام واضحه بتعابير وجهه وكان عندي ثقه انه من لمستي بيقوم بسرعه)وبالفعل أستجاب لي ورجعت العربه نفس ماكانت وتوليت أنا قيادته(قلت ماراح أخليه هالمره لحاله أنا اللي بسوقه عشان مايطيح مره ثانيه طبعا من خوفي عليه)

معلومااااات:
أنا أخاف أقرب من الحصان بالحقيقه \وأنا أنسه وطالبه جامعيه

وبس وسلامتك,,