بسمه تعالى
اللهم صلي وسلم على محمد وال محمد الطيبين الطاهرين

السلام عليكم اخوي انيس كيف الحال ان شالله بخير
يعطيك ربي الف عافيه عالوقت اللي ناخذه منك ونعطلك عن اشغالك

اخوي انيس.... حلمت ان واحد من قرايبنا جاء يشوف اختي اللي اصغر مني (نظره شرعيه) وشافها واعجبته وقال اوكي يبيها للزواج وانتهى موضوعهم... وفي اليوم الثاني بيجي اخوه اللي اكبر منه بيشوفني أنا (نظره شرعيه) عاد قبل مايجي انا مرتبكه واعفس في الدولاب اشوف وش البس ...لبست خالع ماعجبني وغيرت ولبس بنطلون وبلوزه وماعجبني>>>>هذا بس نظره وسويت كذا.....
المهم وبعدين سمعت ان خلاص جاء اللي يبي يشوفني مع ابوه ودخلاهم المجلس وقمت بسرعه بسرعه لبست العباه الواسعه (الزينبيه)ولفيت الغطايه (تحجبت) ونادتني امي ودخلنا المجلس الغريب انا المجلس زحمه في اهو الرجال وابوه وامي وابوي وانا وزوجت اخوي وعيالها >>>وش دخلها في السالفه ماادري
المهم خلاص شافني وماعجبته الظاهر:011: قالها في وجهي مايبيني بط شبدي ومشو من بيتنا
وبعد مااطلعو نقهرت انا قمت اصيح وامي قامت تصيح تقول ان مايصير يعني اختها اللي اصغر منها تتزوج قبلها...وبس انتهى الحلم

مع العلم ....
1/ان اختي اللي اصغر مني مخطوبه والزواج محدد خلاص..
2/وان اللي جاء يشوفني متزوج..


اسفه عالاطاله
:119: