حلم عمتي .. يارب خير !

[ريناد.~]

السلام عليكم
حلم خاص بعمتي
أرجو تفسيره ولكم صادق الود

*
*

السلام عليكم
انا في عمر الثلاثين .. غير متزوجه .. لاأعمل
حلمي ليوم الخميس في الصباح وكنت على وضوء
حلمت اني بالمدرسه بالثانوي ومنحرجه لاني رجعت اكمل وانا كبيره
المهم انو معاي بنات كانو ماشين معاي .. قالو في توزيع هدايا قومو خذو وبعض البنات خذو
رحنا ويوم دخلنا وصفينا في الدور .. قالو لنا خلص مافي الا للاولاد
قلت لهم المدرسه ذي مختلطه ؟ !
طلعت وكانت عندي هديه بس مااتذكر هم عطوني وكنت كأني شايلتها لاحد غيري مو لي
مشيت ورى البنات ياالله دليت الفصل وكان فيه تصوير فيديو غطيت وجهي قلت وين الاسماء خل اشوف اذا اني هنا او لاء
قالت لي وحده انا المعلمه تعالي اجلسي خليني اشوف اذا اسمك موجود هنا
خذت اسمي ودخلت ثم اطلعت قالت لي موجود .. وفي يدها الزياره .. مني متأكده هي للامام الحسين أو للسيده زينب .. عليهم السلام
وقامت تقراهم لي وبعدين خلتني اكمل
وانا وقتها اطالع في جزمتي (حذائي) اول نظره له كان عدل ومافيه شي .. قمت اطالعه بعدين الا هو ممزق من اطرافه
ومن ورا مشقوق
قمت احاول اجمعه بيدي وانا جالسه ازور وماسكت بس يدي تحورف فيه ونفسي يتعدل
وعلى فكره يعني وانا احلامي كانت على طول اني مضيعه جزمه وامشي حافي .. وهالمره يويم شفت جزمه انشقت ..

بعدها سمعتهم يتكلمون عن سطيح داخل بغرفه جنبنا
قلت خل اروح اشوفه
دخلت وشفته بس راس واللي تداريه زوجة اخوي وتعطيه اكل .. وكانو جالسين على سفره طعام
لفيت عشان اجلس يمهم شفت له جسم صغير وماعليه ملابس وهو حجم اللعبه ونفس البلاستيك حقين الالعاب
شفته خفت قلت اللهم صل على محمد وال محمد
هو خلاص قام يطالعني وماحرك عيونه مني .. انا خفت وقمت اكرر الصلوات
قالت زوجة اخوي ماشفنا هاللعبه الا صارت تتحرك وصار فيها روح
وتتكلم
مره ضربه اخوي .. قلت فخاطري يمكن هذا سبب الحالات اللي تصيب اخوها زي الصرع
بس ماحبيت اقول لها واحرجها
قمت باطلع قال لي انتي تحبيني ؟
قلت له ايييييه احبك حيل لانك مؤدب وحليو .. انا من خوفي منه قلت كذا هههه
هو فرح وانبسط وقام يقوم ويجلس وهو يضحك ..

وطلعت من يمهم ....

هذا حلمي الطويل .. حشى روايه مو حلم هههه

ارجو تفسيره ولكم خالص ودي

[الشيخ ابو عبدالرحمن]

ان شاء الله سوف تتزوجين رجل فقير
والله اعلم