ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   منتدى طلاب و طالبات جامعة الأمير محمد بن فهد PMU Forum (https://vb.ckfu.org/f78)
-   -   بدء التقديم لمنح الابتعاث الداخلي بجامعة الأمير محمد بن فهد (https://vb.ckfu.org/t17397.html)

علي المطر 2008- 8- 13 03:38 AM
بدء التقديم لمنح الابتعاث الداخلي بجامعة الأمير محمد بن فهد
 
بدء التقديم لمنح الابتعاث الداخلي بجامعة الأمير محمد بن فهد

http://www.alyaum.com/images/12/12841/607132_1.jpg
برامج متنوعة لطلاب جامعة الأمير محمد بن فهد

سعد الغانم - الخبر
بدأت جامعة الأمير محمد بن فهد استقبال طلبات ترشيح الطلاب والطالبات في المنح الدراسية المجانية ببرنامج الابتعاث الداخلي بتمويل من وزارة التعليم العالي والذين تنطبق عليهم الشروط للاستفادة من مشروع المنح الدراسية لطلاب وطالبات التعليم العالي للعام الدراسي المقبل. واوضحت الجامعة طريقة التقديم للمنح الدراسية المخصصة بالجامعة لأفضل 30 بالمائة من الطلاب والطالبات حسب المعدلات التراكمية وعلى أن لا تقل عن تقدير جيد جداً وذلك حسب تقديرات نهاية السنة الدراسية من العام الماضي في البرامج المؤهلة للحصول على المنح الدراسية فقط وفق الضوابط والتخصصات المؤهلة للمنح ، بالاضافة إلى ان المنح تشمل الطلاب المستجدين بالجامعة ، والتسجيل عن طريق عمادة شؤون الطلاب بقسم المنح الدراسية بمقر الجامعة ، يذكر ان الوزارة قدمت 220 منحة دراسية للعام الماضي 1428هـ لجميع الطلاب والطالبات الملتحقين بالجامعة .

http://www.alyaum.com/issue/article....1&I=607132&G=2

Senorita 2008- 8- 15 02:00 AM
رد: بدء التقديم لمنح الابتعاث الداخلي بجامعة الأمير محمد بن فهد
 
طيب كيف نسجل؟؟

دنيتي قلبك 2008- 8- 16 01:37 AM
رد: بدء التقديم لمنح الابتعاث الداخلي بجامعة الأمير محمد بن فهد
 
الوووووووووووو ممكن احد يرد على السؤال السابق

غزل الحب 2008- 8- 17 09:09 PM
رد: بدء التقديم لمنح الابتعاث الداخلي بجامعة الأمير محمد بن فهد
 
سمعت إن المنحه راح تكون بس على أول سنه
صحيح هالكلام أو لا

محمد المدلوح 2008- 8- 24 01:46 PM
رد: بدء التقديم لمنح الابتعاث الداخلي بجامعة الأمير محمد بن فهد
 
أختي مظلومات و دنيتي قلبك:

التسجيل راح يكون عن طريق موقع الوزارة تدخلين علية وتسجلين والتسجيل راح يبتدي يوم 1 سبتمبر.

أختي غزل الحب:

المنحة سنوية يعني كل سنة تقدمين

! Hope 2008- 8- 26 05:10 AM
رد: بدء التقديم لمنح الابتعاث الداخلي بجامعة الأمير محمد بن فهد
 

يااااااااااااااااااااارب

تتسهل أمورنا وننقبل بـ هالمنحه


مشكور ع الخبر


والله يكتب الي فيه الخير :praying:

hayoo 2008- 8- 30 06:00 PM
رد: بدء التقديم لمنح الابتعاث الداخلي بجامعة الأمير محمد بن فهد
 
طيب في تخصصات معينه للمنحه ؟؟

والا اي تخصص اختاااره ؟؟

وانا مستجده اقدر اقدم على منحه ؟؟

و التقديم يكوون عن طريق موقع وزارة التعليم العالي ؟؟

:119::119: وشكر على الخبر

نور البتول 2008- 9- 2 04:39 PM
رد: بدء التقديم لمنح الابتعاث الداخلي بجامعة الأمير محمد بن فهد
 
طيب انا طالبة مستجدة هل في المنحة اقدم منحة على السنة التحضيرية؟؟
لو اقدر اختار التخصص اللي انا ابيه؟؟
افيدوني
مشكورين .. والله يعطيكم العافية:119:

لمبه 2008- 9- 2 10:11 PM
رد: بدء التقديم لمنح الابتعاث الداخلي بجامعة الأمير محمد بن فهد
 
اكيد تقدرين تقدمين بأي تخصصكل التخصصات تشمل المنحه حتى السنه التحضيريه

وانتي مستجده يعني تقدمين على السنه التحضيريه

والله يوفقك وان شاء الله ننقبل بالمنحه :g8:

ورديه 2008- 9- 3 05:25 PM
رد: بدء التقديم لمنح الابتعاث الداخلي بجامعة الأمير محمد بن فهد
 
هلا
بيكم

ابغي اعرف النسبه القدرات من 100
هل تخص القدرات فقط لو نسية الثنويه العامه
وتحصيلي او كيف؟؟؟
ممكن تفيدوني بشي:064:.

fatee 2008- 9- 3 09:12 PM
رد: بدء التقديم لمنح الابتعاث الداخلي بجامعة الأمير محمد بن فهد
 
الي اعرفه انهم يبون بس القدرات مايبون التحصيلي:mh19:

ورديه 2008- 9- 4 01:52 PM
رد: بدء التقديم لمنح الابتعاث الداخلي بجامعة الأمير محمد بن فهد
 
الخبر اكيد

بس القدرا ت

ابغى خبر اكيد هل القدرات فقط او شنو:g8:

بـــو أحــمــد 2008- 9- 5 11:26 PM
رد: بدء التقديم لمنح الابتعاث الداخلي بجامعة الأمير محمد بن فهد
 
ورديه
هاذي الخبرية .. شوفيها :
http://www.ckfu.org/vb/showpost.php?...&postcount=150

بس ما ذكروا شي بخصوص أستفسارك :g2:
عادي .. لو رحتوا و استفسرتوا منهم

القلب النابض 2008- 9- 6 05:33 PM
رد: بدء التقديم لمنح الابتعاث الداخلي بجامعة الأمير محمد بن فهد
 
طيب الحين انا قدمت على المنحه
والمنحه تشمل كل سنوات الدراسة او بس
السنة الاولى ؟

لمبه 2008- 9- 6 07:09 PM
رد: بدء التقديم لمنح الابتعاث الداخلي بجامعة الأمير محمد بن فهد
 
لا سنه وحده بس وكل سنه تقدمين على منحه مره ثانيه هع ماقصروا الحكومه هع هع :lllolll:

القلب النابض 2008- 9- 6 11:09 PM
رد: بدء التقديم لمنح الابتعاث الداخلي بجامعة الأمير محمد بن فهد
 
متاااااااكده اختي
من المعلووووومة

اوكي هل يوجد سكن داخلي ؟ واذا مافي سكن هل هو قيد الانشاااء او لا ؟يعني بيكمل مع بداية الدراسة او لا ؟

لمبه 2008- 9- 6 11:24 PM
رد: بدء التقديم لمنح الابتعاث الداخلي بجامعة الأمير محمد بن فهد
 
اذا على المنح اي متأكده

بس السكن اتصور انو ماخلص انتي اسألي وشوفي انا ماعندي خبر

Chocolate Cake 2008- 9- 7 12:16 AM
رد: بدء التقديم لمنح الابتعاث الداخلي بجامعة الأمير محمد بن فهد
 
السكن للحين ما خلص ويبي له وقت بعد ..

بس المهم انه قيد الإنشاء ..

بنااااات .. الجامعه خاصه .. واللي بتقدم على المنحه احتمال صغير انها تنقبل لأن العدد قليل ..

انا ما احبطكم .. بالعكس قدموا وانشالله خير ..

بس اللي بتدخل الجامعه على امل المنحه ماعتقد انه من صالحها .. لأن يمكن تطلع لها سنه والسنه اللي بعدها ما تطلع ..

وحرام تضيع سنين من العمر ..

انا اول مره اسمع منحه لمدة سنه وحده بس !!! :no2:

لمبه 2008- 9- 7 12:28 AM
رد: بدء التقديم لمنح الابتعاث الداخلي بجامعة الأمير محمد بن فهد
 
انا مادريت عن المنح الا بعد ماسجلت ودفعت لهم الدفعه الاولى

بس يقولون العام قبلوا 220 على المنحه !! والله اعلم؟

اكيد محد بيدخل على امل المنحه :lllolll:

بس حلوه سنه وحده بس هع :lllolll:

..RORY.. 2008- 9- 7 12:30 AM
رد: بدء التقديم لمنح الابتعاث الداخلي بجامعة الأمير محمد بن فهد
 
شلون يعـني المنحة لمدة سنه وحده بس تدفع الرسوم والسنه اللي بعدها لازم اقدم على منحة جديده ويمكن يقبلوني ويمكن لا؟؟؟
والسنه اللي درستها طيب

لمبه 2008- 9- 7 12:36 AM
رد: بدء التقديم لمنح الابتعاث الداخلي بجامعة الأمير محمد بن فهد
 
ايييييوووووه بالضبط هو كذا

والله مدري عنهم يمكن عشان يبون الفرص تزيد للبنات يعني :g2:

Chocolate Cake 2008- 9- 7 12:58 AM
رد: بدء التقديم لمنح الابتعاث الداخلي بجامعة الأمير محمد بن فهد
 
السنه اللي درستيها تروح عليك .. إلا اذا بتكمليها في مكان ثاني ..

بس في شي بالجامعات اسمه معادله .. يعني تروح عليك حوالي نص الساعات اللي درستيها ..

بالعربي .. يروح تعبك ..

انا اعرف وحده دخلت اول سنه على حسابها .. وبعدين اهلها عجزوا يدفعوا الرسوم علشان اختهم تدرس برا بعد ..

ولما قدمت للمنحه ما قبلوها .. وسحبت اوراقها بهالإجازه .. وقدمت بجامعة بالبحرين علشان ارخص ..

تخيلوا ان ما قبلوا إلا ربع الساعات اللي درستها .. كأنها بدت من جديد ..

لمبه 2008- 9- 7 01:09 AM
رد: بدء التقديم لمنح الابتعاث الداخلي بجامعة الأمير محمد بن فهد
 
يووووووووه من جد قهر !! :bngo12:

انا اعرف وحده درست سنتين على حسابها

وهالسنه بتكمل على حسابهم :mh001:

انتي وحظك !؟

Chocolate Cake 2008- 9- 7 01:14 AM
رد: بدء التقديم لمنح الابتعاث الداخلي بجامعة الأمير محمد بن فهد
 
دام السالفه فيها حظ .. اجل انا ما بيطلع لي ولا سمستر .. هههههههههههههههههههه

اصلا انا ما قدمت على المنحه .. مالي خلق ادخل واسجل معلومات وعواار راس وانتظار واحرق اعصابي ..
وإما يقبلوني وإما لا ..

أحس نفسي أطر من عندهم ههههههههههههه

حتى جامعات ما قدمت غير جامعة محمد بن فهد وارامكو ..

لمبه 2008- 9- 7 01:18 AM
رد: بدء التقديم لمنح الابتعاث الداخلي بجامعة الأمير محمد بن فهد
 
اي بس ترى التقديم مو سالفه

انا قدمت مع اني فكرت : الحين انا دافعه لهم اول قسط شلون يعني؟

مدري اذا بيقبلوني او لا

بالذات اني حطيت تخصصي على طول مع اني يمكن اروح تحضيري

ييعني سالفتي مخربطه

ومدري شسالفه:lllolll:

Chocolate Cake 2008- 9- 7 01:22 AM
رد: بدء التقديم لمنح الابتعاث الداخلي بجامعة الأمير محمد بن فهد
 
1- الحصول على الشهادة الثانوية بمعدل لا يقل عن جيد جداً .
2- اجتياز اختبار القدرات (العام + الخاص) بنسبة لا تقل عن 65% .
3- وكذلك للدارس في الكلية الذي أنجز فصلاً دراسياً وبمعدل لا يقل عن (جيد جداً) – منحة دراسية كاملة في التخصصات التالية:
أ:- تخصصات: الطب، وطب الأسنان بمقدار ( 100% ) من الرسوم الدراسية بحد أقصى وقدره ستون ألف ريال ( 60.000 ) ريال للدارس سنوياً.
ب:- تخصصات: الصيدلة، العلوم الطبية التطبيقية، التمريض بمقدار ( 100% ) من الرسوم الدراسية بحد أقصى قدره خمسون ألف ريال ( 50.000 ) ريال للدارس سنوياً.
ج:- تخصصات: الهندسة، الحاسب وتقنية المعلومات، التخصصات العلمية التطبيقية الأخرى بمقدار
(100%) من الرسوم الدراسية بحد أقصى قدره أربعون ألف ريال ( 40.000 ) ريال للدارس سنوياً.
د:- تخصصات: الإدارة والمحاسبة والقانون بمقدار ( 100 % ) من الرسوم الدراسية بحد أقصى قدره عشرون ألف ريال ( 20.000 ) ريال للدارس سنوياً.
هـ:- تخصصات أخرى مستجدة يحتاجها سوق العمل يوافق عليها من مجلس التعليم العالي.


بنات وشباب ..

كل الكلام اللي قلتوه غلط ..

المستجدين ما يسجلوا حسب الشرط الثالث .. لازم يكون درس عالأقل سمستر واحد ويجيب تقدير مو اقل من جيد جدا ..

واللي تخصصها هندسه .. مثلي انا يعني :cheese: الرسوم 45 ألف .. وهم حاطين حد اعلى 40 ألف .. يعني انا ادفع 5 آلاف..

والمصيبه اللي تخصصات ادراة اعمال .. تدفع حوالي نص الرسوم ..

شوفو القوانين .. من الموقع ..

لا تعتمدوا على كلام أحد ..

لمبه 2008- 9- 7 01:34 AM
رد: بدء التقديم لمنح الابتعاث الداخلي بجامعة الأمير محمد بن فهد
 
اي طيب هذا الكلام قريته بالموقع

هذا بالنسبه للي دارسين

اما المستجدين بعد يقدرون حسب الشرطين الاولين

والثالث خاص بالدارسين بالجامعه

لأن الدارسين مايهمهم ياخذون نسبة الثنوي لا ياخذون معدلهم التراكمي

واما المستجدين ياخذون نسبة الثنوي مع القدرات

ويسجلون منحه للسنه التحضيريه

عرفتي كيف

Chocolate Cake 2008- 9- 7 01:40 AM
رد: بدء التقديم لمنح الابتعاث الداخلي بجامعة الأمير محمد بن فهد
 
طيب وكيف يعني الخاص ؟؟

حركات والله 65% .. يعني الكل بيسجل .. وهالسنه بعد الأغلبيه نسبهم 90 وفووق ..

لمبه 2008- 9- 7 01:53 AM
رد: بدء التقديم لمنح الابتعاث الداخلي بجامعة الأمير محمد بن فهد
 
ايش تقصدين الخاص؟

Chocolate Cake 2008- 9- 7 02:04 AM
رد: بدء التقديم لمنح الابتعاث الداخلي بجامعة الأمير محمد بن فهد
 
القدرات العام والخاص ..

اول مره اسمع بعد فيه قدرات عام وقدرات خاص ..

لمبه 2008- 9- 7 02:09 AM
رد: بدء التقديم لمنح الابتعاث الداخلي بجامعة الأمير محمد بن فهد
 
اي اتوقع يعني :

اختبار القدرات العام هو اللي اختبرناه كلنا بعد المدارس

اما الخاص: يعني الاختبار الخاص بالجامعه نفسها واللي تسويه للطلاب المتقدمين لها عشان يحدد قبولهم بالجامعه او لا

اتوقع انو كذا قصدهم لأن هذا التفسير المنطقي اللي ببالي..

**كفاح** 2008- 9- 7 02:10 AM
رد: بدء التقديم لمنح الابتعاث الداخلي بجامعة الأمير محمد بن فهد
 

بنات دحين انا قدمت عالمنحة وقرات في الخبر حيستمر التقديم الين شوال ...

السؤال اللي يطرح نفسه : في شوال حتعلن أسماء المقبولين للمنحة ولا ممكن قبل شوال ؟طيب وحتكون لهذه السنة ولا اللي بعدها ؟؟
؟؟

القلب النابض 2008- 9- 7 02:34 AM
رد: بدء التقديم لمنح الابتعاث الداخلي بجامعة الأمير محمد بن فهد
 
صرااااحه كلامكم تحطيم مو تشجيع
يعني انا سجلت السنة تبع المنحه
واذا انقبلت
يعني احتمال السنة الجااية
ما انقبل يعني تضيع سنة من عمر مجانا
كيف هالكلام
؟
طيب مدة الدراسة بالجامعه كم سنة
للعلم انا سجلت هندسة حاسب

Chocolate Cake 2008- 9- 7 02:42 AM
رد: بدء التقديم لمنح الابتعاث الداخلي بجامعة الأمير محمد بن فهد
 
مو كأن مكتوب بالشروط .. ان المنحه كامله .. يعني مو سنه وحده بس !!

:017:

الله يعين ..

لمبه 2008- 9- 7 03:25 AM
رد: بدء التقديم لمنح الابتعاث الداخلي بجامعة الأمير محمد بن فهد
 
مع اللتخضيري خمس سنين

القلب النابض 2008- 9- 7 02:33 PM
رد: بدء التقديم لمنح الابتعاث الداخلي بجامعة الأمير محمد بن فهد
 
تشكررررين اختي

لمبه 2008- 9- 7 06:53 PM
رد: بدء التقديم لمنح الابتعاث الداخلي بجامعة الأمير محمد بن فهد
 
العفو :g8:

القلب النابض 2008- 9- 7 07:12 PM
رد: بدء التقديم لمنح الابتعاث الداخلي بجامعة الأمير محمد بن فهد
 
عندي سؤال لك
اختي لمبة انتي مسجلة على حسابك او منحه ؟
يعني انا سمعت اذا انقبلت سنة اولى منحه وجبت معدل 3 ونص
اخذ منحه من الجامعه تلقاائي واكمل البااقي هلى هالكلام صحيح

لمبه 2008- 9- 7 10:01 PM
رد: بدء التقديم لمنح الابتعاث الداخلي بجامعة الأمير محمد بن فهد
 
والله هالكلام ماعمري سمعت فيه ؟؟ :mh19:

انا اللي اعرفه ان تقدمين على المنحه كل سنه وبس؟؟

ان شاء الله بدق على الجامعه وبتأكد اوكي :g8:

القلب النابض 2008- 9- 8 08:03 PM
رد: بدء التقديم لمنح الابتعاث الداخلي بجامعة الأمير محمد بن فهد
 
ممكن تعطيني رقم الجاامعة

جامعة 2008- 9- 8 10:58 PM
رد: بدء التقديم لمنح الابتعاث الداخلي بجامعة الأمير محمد بن فهد
 
هذا رقم جامعة الأمير محمد بن فهد
8964554
نسألكم الدعاء في الشهر الفضيل

القلب النابض 2008- 9- 9 12:28 AM
رد: بدء التقديم لمنح الابتعاث الداخلي بجامعة الأمير محمد بن فهد
 
يعطيج العاافية اختي
عسااك على القووة

دنيتي قلبك 2008- 9- 10 12:02 AM
رد: بدء التقديم لمنح الابتعاث الداخلي بجامعة الأمير محمد بن فهد
 
طيبطريقة التسجيل كيف نسجل سنة تحضيري ولا اختار تخصص على طووووول؟؟

just crazy 2008- 9- 10 12:18 AM
رد: بدء التقديم لمنح الابتعاث الداخلي بجامعة الأمير محمد بن فهد
 
اذا كنتي بتدرسي سنه تحضيريه .. تقدمي على سنه تحضيريه ..

لمبه 2008- 9- 10 02:05 AM
رد: بدء التقديم لمنح الابتعاث الداخلي بجامعة الأمير محمد بن فهد
 
لمن تجين تسجلين بالنت تحطين القسم اللي انتي تبينه

وبعد مايقبلونك بيسوون لك اختبار وهو اللي يحدد اذا تحتاجين تحضيري ولا بتتخصصين على طول

بالتوفيق:g8:

دنيتي قلبك 2008- 9- 10 06:52 PM
رد: بدء التقديم لمنح الابتعاث الداخلي بجامعة الأمير محمد بن فهد
 
طيب المنحة لسنةة وحدة بس



مو مكتوب انه لسنة واللي فهمته من الاعضاء ان التقديم لسنة وكل سنة نقدم من جديد؟؟؟؟؟؟؟ظ

Mia 2008- 9- 10 08:22 PM
رد: بدء التقديم لمنح الابتعاث الداخلي بجامعة الأمير محمد بن فهد
 
ايه كلامك صح كل سنه تقدمي ع المنحه
يعني اذا وحده تبغى تضمها كل سنه تشد حيلها وتجيب معدل مرتفع :g8:
ان شاء الله احنا قدها :praying:

القلب النابض 2008- 9- 11 04:21 PM
رد: بدء التقديم لمنح الابتعاث الداخلي بجامعة الأمير محمد بن فهد
 
بس اذا ما انقبلت السنة اللي بعدها تروح عليها السنة
ابد مو شيء هالنظااام

Mia 2008- 9- 11 08:43 PM
رد: بدء التقديم لمنح الابتعاث الداخلي بجامعة الأمير محمد بن فهد
 
ايه النظام بالمررره مو شي لكن انا سمعت من البنات وما ادري اذا الكلام صحيح ولالأ ان اذا جبتي معدل مرتفع الجامعه نفسها تعطيك منحه
بدون ما تقدمي عليها والله اعلم
لكن كذا كويس بالعكس يعطي دافع للبنت انها ما تتساهل وتجتهد اكثر :119:

Chocolate Cake 2008- 9- 11 10:11 PM
رد: بدء التقديم لمنح الابتعاث الداخلي بجامعة الأمير محمد بن فهد
 
طيب متى ينتهي التقديم للمنحه ؟؟

افكر اقدم عليها

**كفاح** 2008- 9- 12 02:57 AM
رد: بدء التقديم لمنح الابتعاث الداخلي بجامعة الأمير محمد بن فهد
 
اللي انا قراته في الخبر مستمر الى شوال التقديم وهذا الرابط
http://fap.edu.sa/

سمو الشيخة 2008- 9- 14 06:30 AM
رد: بدء التقديم لمنح الابتعاث الداخلي بجامعة الأمير محمد بن فهد
 
هلا اختي ينتهي التقديم 22-9-1429هـ
بس قدمي من اليوم عشان ما تنسين
والله يوفقك

محمد المدلوح 2008- 9- 14 09:13 AM
رد: بدء التقديم لمنح الابتعاث الداخلي بجامعة الأمير محمد بن فهد
 
أختي سمو الشيخة

التقديم ينتهي في 22 شوال مو رمضان

فقط للتوضيح.

Chocolate Cake 2008- 9- 14 05:25 PM
رد: بدء التقديم لمنح الابتعاث الداخلي بجامعة الأمير محمد بن فهد
 
التقديم ينتهي في شوال .. حسب المكتوب في موقع الوزاره ..


All times are GMT +3. الوقت الآن حسب توقيت السعودية: 08:42 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه