|
ليس البخيل من يبخل في ماله بل في معلوماته.
في البدايه السلام عليكم ورحمة الله وبركاته..
انا حاصل على شهادة دبلوم من كلية الدراسات التكنولوجية في الكويت في تخصص هندسة الميكانيكا .. وبتقدير عام امتياز اي 3.60/4 ... وأود أن اكمل دراستي في الجامعة لكي أحصل على البكالوريوس حيث أنني موظف في شركة سابك حاليا . وأطلب من الجميع التكرم بالاجابه على استفساراتي التالية: 1- هل في الجامعه نظام البارت تايم أي دراسه بعد الدوام. 2-هل الجامعه سوف تعادل شهادتي. 3-وكيفية التسجيل في الجامعة. أرجو أن لا أكون مصختها في الأسئلة لكن أملي بالله ثم فيكم كبير.... ولكم مني جزيل الشكر. |
رد: ليس البخيل من يبخل في ماله بل في معلوماته.
وعليكم السلام ورحمة الله وبركاته
مرحبا فيك أخوي بوفراج أنا مثلك أخوي موظف في شركة وسجلت في الجامعة عشان اكمل دراستي الثانوية.... خلنا نجاوب على اسئلتك 1- نعم يوجد نظام البارت تايم أو مايسمونه بالنظام الجزئي ، الدراسة تبدأ من الساعة 5 حتى الساعة 9 بالليل طبعا. 2- معادلة شهادتك ، لازم تروح لهم وتتفاهم معهم ، ماأعتقد احد يقدر يفيدك بهل الشغلة أكثر من الكلية ، و الله يوفقك 3- التسجيل في البداية عن طريق الموقع وبعدها تدق عليهم وتكمل اجرائاتك هذا هو موقع التسجيل http://www.pmu.edu.sa/enn/banneradmissionapp.asp طبعا انت جديد فلازم تدخل على First time user account creation حاليا التسجيل لازل مفتوح على كلام الموقع ، وأتمنى انك تعجل عشان مايطوف عليك السمستر الجاي لأنه يبدأ في 7 مارس أتمنى اني وفقت بالاجابة على اسئلتك ، أنا جديد على الكلية ويمكن أن اخطئ وإن شاء الله الشباب يصححوني ان أخطأت كل تمنياتي بالتوفيق لك |
رد: ليس البخيل من يبخل في ماله بل في معلوماته.
يعطيك العافية أخوي Fox Die
أنا دخلت الموقع مثل ماقلت لي ولقيت التسجيل بالشهادة الثانوية فقط. هل أسجل بالثانوية أو يوجد طريقة أخرى للتسجيل بالدبلوم؟؟؟؟؟؟؟. واذا اتكرم وتعطيني تلفون للجامعة !!!!!. وشكرا لك على تجاوبك السريع.............. وبالتوفيق انشاء الله. |
رد: ليس البخيل من يبخل في ماله بل في معلوماته.
أممم بالنسبة لشهادتك الدبلوم
بإمكانك ان تضع نتيجها في Test Scores شوف أخي العزيز التسجيل في الموقع مجرد وضع اسمك في قائمة المسجلين وعشان يكون عندهم معلومات أولية عنك أنت لما تروح لهم ، لازم ان تناقشهم بخصوص شهادتك رقمهم راح ارسله لك على الخاص ، ممكن ممنوع وضع الارقام في المنتدى |
رد: ليس البخيل من يبخل في ماله بل في معلوماته.
افضل شيء اخي الكريم انك تتصل على رقم الجامعة وان شاء الله يفيدونك
وطبعا في تكملة بكالوريس عندهم بشرط أن تكون دراستك باللغة الأنجلينزية علشان يعادلون لك المواد |
رد: ليس البخيل من يبخل في ماله بل في معلوماته.
يبدوا اني لااستطيع اني ارسل رسائل خاصة في الوقت الحالي حتى يصل معدل مشاركاتي الى 50
يعني توا الناس ، عموما انا راح اضعهم هنا وإن شاء الله ماراح تكون هناك أي مشكلة أرقامهم عبدالله السعادات 038499220 مسؤول تسجيل الطلاب راضي الخالدي 038499221 محلل بيانات الاثنين ان شاء الله يقدرون يساعدونك ، و الله يوفقك ملاحظة بسيطة: الطلاب عندهم Mid-Break هذا الاسبوع ولكن الموظفين الله العالم |
رد: ليس البخيل من يبخل في ماله بل في معلوماته.
اقتباس:
|
رد: ليس البخيل من يبخل في ماله بل في معلوماته.
اقتباس:
وترى مانستغني من فزعاتك اذا الله وفقنا وقبلتنا الجامعة... مع أطيب أمنياتي لك بالنجاح... |
رد: ليس البخيل من يبخل في ماله بل في معلوماته.
أحنا بخدمتك وكل اللي أقدر عليه راح اقدمه....
بالتوفيق...... |
رد: ليس البخيل من يبخل في ماله بل في معلوماته.
FoxDie :d5: كفيت وفيت... جزاك الله الف خير بوفراج اعذرني لأني مااافدتك... عشان ماكنت اشتغل ع الاب اليومين اللي فاتوا:c8: & Good Luck:g8: |
رد: ليس البخيل من يبخل في ماله بل في معلوماته.
اليوم رحت الجامعه (الموظفين موجودين) وقالوا لي اليوم او بكره اخر وقت حق دفع رسوم الجامعه اخوي انت دراستك بالعربي ولا الانجليزي انا خريج الكلية التقنية (اليوم اخذت معادلة الساعات ) 22 ساعة (هم يطالعون المواد اللي يعترفون فيها ) واهم شي ماتقل عن C |
رد: ليس البخيل من يبخل في ماله بل في معلوماته.
اقتباس:
وأنا الحين باتصل بالجامعة من المكتب وأشوف اذا اليوم ألحق عليهم أو لا؟؟!!! وعسى الله يوفقنا وياكم.. |
رد: ليس البخيل من يبخل في ماله بل في معلوماته.
اقتباس:
معذورة وراح نخليك للاشياء الكايده.. شكرا على مرورك. |
رد: ليس البخيل من يبخل في ماله بل في معلوماته.
أخوي foxdie بالنسبه الى الارقام ما في مشكله اذا كانت ارقام مكاتب تقدر تحطها عادي بالعكس ممكن يستفيد منها غيرك بس بالنسبه الى الجوالات ممنوع طبعا هنا. |
رد: ليس البخيل من يبخل في ماله بل في معلوماته.
الأخوة الأعزاء...
اتصلت الحين بالجامعة بالأخ راضي الخالدي وسالته عن موضوعي وهو معادلة شهادتي والقبول في الجامعة ورد علي بما هو اتي: 1-الأن لجنة المعادلات بالجامعة في اجازة. لذلك سوف تتاخر معادلة الشهادة. 2-يجب علي التسجيل الأن قبل يوم الأربعاء في الجامعة وبعد القبول ودفع الرسوم للجامعة يكون اللجنة قد عادلة شهادتي. وبذلك اذا لم يتم المعادلة المطلوبة للشهادة لا استطيع الانسحاب من الجامعة لان الرسوم مدفوعة والفلوس لا تسترجع. الأن ماهو رايكم ياشباب لأني أحس فيها مغامرة هل أسجل وأتوكل على الله والا أنتظر الترم الجاي. اللي عنده الافاده أو المعلومة يفيدنا.. وشكرا |
رد: ليس البخيل من يبخل في ماله بل في معلوماته.
اقتباس:
كل القصد اذا قدمة خطوه ماتقدر ترجع انا مثل ماقلتلك عطونا 24 ساعه وحنا طلاب الكلية التقنية بس لاتنسى حاجه احنا بالعربي وانت انقلش انت اتصل على راضي وقوله كم تقريبا راح يعادلون لك والله يوفقك اخوي |
رد: ليس البخيل من يبخل في ماله بل في معلوماته.
أنا ماأقدر افيدك لأني مادرست في الجامعة وماأدري كيف طريقتهم
ماأقول الا الله يوفقك وياليت تبشرنا بالنتايج |
رد: ليس البخيل من يبخل في ماله بل في معلوماته.
أخواني و أخواتي الأعزاء..
بعد التفكير والمشورة وأيضا الاستخارة قررت تاجيل التسجيل في الجامعة الى الكورس القادم لأنه كما خبرتكم من قبل لجنة المعادلات في الجامعة كانت في اجازة.:000: الأن لكي أستفيد من الوقت ودي اسجل في دورة English علشان اقوي لغتي ...:150: ودي تنصحوني أفضل مكان الواحد يسجل فيه ؟؟؟؟؟؟؟؟؟؟ وهل في الجامعة دوراة للغة لغير الطلبة؟؟؟؟؟؟؟؟؟؟؟؟؟؟ ياليت الي يعرف يفيدني........ وشكرا للجميع |
رد: ليس البخيل من يبخل في ماله بل في معلوماته.
ياجماعة شنو السالفة ما احد عبرنا لييييييييييييييييييييييييييييييه؟؟؟؟؟:bawling::baw ling:
|
رد: ليس البخيل من يبخل في ماله بل في معلوماته.
والله ياخوي بوفراج ، في العديد من المعاهد الزينة عندنا بس ماعندي فكرة عنهم كلهم
أخوي الصغير درس في معهد Direct English ويقول ان ممتاز ويستفاد منه بشكل كبير انتظر ان شاء الله الشباب عندهم اراء ثانية |
| All times are GMT +3. الوقت الآن حسب توقيت السعودية: 03:15 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام