[بـسـمـه]

المشاركة الأصلية كتبت بواسطة كلك يمين

بسم الله الرحمن الرحيم ..

مساء الخير ..

طبعاً بعد ما ضاقت فيني الدنيا وحسيت اني تحطمت قلت مالها الا ملتقى طلاب جامعة الملك فيصل وابناء وبنات تخصصي الكرام :) ..

بخش دغري بالموضوع .. >> انا دخلت الجامعه في بداية السنة

طبعاً العلوم الادارية والتخطيط ( بالأحساء)

رغم اني من سكان الدمام .. بس كله في سبيل الدراسه والعلم >>> اتعب انا يا فيثاغورس
لكن مستأجر بالاحسا يعني مستقر بالأحساء بس اخر الاسبوع يالبى الدمام سيده ارجع >>> خلاص يبوي بتشرح قصة حياتك انت ...!

المهم اخترت اربع مواد بس كثير قالوا لي ليش تاخذها بعد ماجبت العيد طبعاً

انه قالوا كل مادة انت حاطها يبيلها ترم لوحده اصلاً ..

كانت المواد 1- رياضيات1
2- قانون
3 - اقتصاد جزئي
4 - مبادئ إدارة الأعمال

المهم رسبت في3 مواد جبت f

ونجحت في القانون d ومعدلي صار 1,27 >> :(

انتهى الترم الأول ودخلنا بالترم الثاني .. حسيت اني مابقدر وتحطمت قمت وقفت الترم قلت اريح واستجمم :) ..

وكنت ناوي اسحب ملفي خلاص لأني بجد ضاقت فيني وقلت ياولد تلاحق عمرك واسحب نفسك .. ( بس ترددت كثير ) :(:cry111:
وعلى فكره انا متخرج من سنتين .. يعني المفروض انه انا مخلص السنة الثانية بالجامعه ..

بس السنة اللي تخرجت فيها مادرست .. وقدمت السنة هذي اللي احنا خلصناها ..

ابيكم تشورون علي وتنصحوني انا ودي اكمل وارجع وربي حاس اني اقدر ابدع بس مادري وين المشكله

رغم إن معدلي بالثانوية مو طايح .. نسبتي بالثانوية 88% وقياسي 77 .. ( أدبي ) :s12:

وعلى فكره ايام اول ثانوي كانت الرياضيات عندي تمام .. بس مادري وش صابني في الجامعه احس فيه شي خرب علي .. :cry111:

كل اللي أبيه منكم انكم تساعدوني يابنات وشباب الادارة .. شوروا علي

وش اضيف من مواد ابي ابدأ من جديد وافتح صفحه جديده .. علموني وش احط مواد للترم الجاي بحيث اني ارفع معدلي وماتكون علي صعبه يعني اقدر اتجاوزها اذا شديت عمري

>>> وآسف لو طولت لكن قاعد اشرح معاناتي واحس اني ببكي :cry111: >>> اما ابكي امزح امزح .. بس والله تحسون مالها داعي الحين الثانوية ماتنفع وانا انسان طموحي عالي يعني خاطري اكمل دراستي وان ربي وفقني اكمل ابي اخذ ماجستير .. بس الحين خلنا نجيب البكالوريوس ويجيب الله مطر بعدها ...

المطلوب منكم تساعدوني >>> خلاص دروا للمره السبعين قلتها هههههههههههه

وش اضيف مواد للترم الجاي ومين الدكاتره بعد لو تعرفون دكاتره طيبين ويعترفون بالدف والمساعده هع :)

كان معكم من قلب الحدث

.. كلك يمين

السلام عليكم ورحمة الله وبركاته ..

اخوي كلك يمين ..

احب اقولك استحملني لاني بضغط عليك شوي .. حسيت الي فوق كلهم كانو مره حليوين معك .. والنصح يبي له شده نوعا ما ..

المهم .. طبعا اول ماشفت المواد اللي انت رسبت فيهم انا انصدممت لانه من اسهل المواد .. تراني ادبي .. ومن جنبها مانيب دفره مررره بس لطمت بي الجامعه اول كم ترم لين صحيت وعرفت اضبط اموري .. فحابه افيدك ..


اذا كانت مساله الحسا مسببه لك ازمه حول الدمام فتره التاهلي واذا جا البكالوريس روح الله يعينك الحسا .. لانه اغلب الشباب الي من الدمام ويروحون الحسا يصيرون كانهم في سجن .. مايصدقون يشمون ريحة الويكند الا وطيران على الدمام وطلعات ووناسه وباي باي دراسه .. مالومهم من الكبت .. بس الواحد لازم يفكر بالمستقبل ..

اذا تقدر تحول التاهيلي في الدمام خير وبركه .. ماتقدر جايتك بالحكي ..

انا اكتشفت المفتاح السحري لل a+ والتفوق ..
قبل كنت مسكينه مافهمت شي اسكت واروح الاختبار عندي 1000 سؤال ماعرف ل جواب .. وضااايعه ..

لكن صحيت وعرفت كيف انظم وقتي ..

في شي اسمه ساعات مكتبيه اي شي يوقف معاك روح للدكتورر علطول .. ==طبعا مو تروح يشرح لك المنهج لا كم سؤال ..

اذا حالتك في الماده مو شي زي مثلا الرياضيات ..

فالحل السحررري .. مدرس خصوصي .. انا من يوم شفت المدرسين الخصوصيين شفت الخير وبدت تهل علي الاي اااات ..

مدرس يمسك لك الماده كامله يفصفصها فصفصه .. بحيث انك تفهم كل شي منه .. والي يوقف معاكم روح للدكتور حق الماده للتاكيد وطبعا الدكتور بكذا بييحس باهتمامك .. هذي شغله ..

طبعا لاتسوي زي بعض الطلاب مدرس يروح له هو في وادي والمدرس في وادي ويقول رسبت او جبت دي !!

لااااااا المدرس له فنووون .. لازم قبل يجيك او تروح له تكون مطلع عالماده تكتب في ورقه استفساراتك .. ومعاه تخلص كل شي .. والي يوقف معاك انت وياه ترجع فيه للدكتور .. يعني لازم يكون فيه اهتمام عشان بعد ماتصيع فلوسك على الفاضي ..

المواد الي زي اداره اعمال واقتصاد وقانون .. مواااااد حفظ
يعني تعتمد عليك 100 بالميه .. لا تقولي فاهم والا مو فاهم ..

انا درستهم اساسا حتى لوفهيت بالمحاضره بس فتحك للمحاضره والكتاب راح تفهم كل شي يعني انت المذنب الاول والاخير لانها تعتمد على تقسيم وقتك والتركيز في المذاكره ..

انا اشوف نفسي مو شاطره قد ماانا مجتهده مررره اعاني لين احفظ ..
بس ابدى قبل الاختبار بيومين او 3 واول شي اقسم الماده على عدد الايام بحيث ماضغط على نفسي ..

طبعا انا كل الي كتبته نصايح كيف تمشي .. لاحظ اني ماقلت لك انسحب .. لانه تاكد انك راح تندم على قد شعر راسك .. يكفي انك متاخر سنه ماسجلت اول ماتخرجت ووقفت ترم .. حرام عمرك يروح مابين رسوب وانسحاب وتدوير تخصصات ..

ومن اطلاع .. ترا كليتنا من اسهل الكليات في جامعات المملكه .. يعني لا تضيع نفسك وتطلع لانك صدقني بتقعد تتخبط ..

لانك راح توصل لنتيجه وحده مافي شي سهل!!!

كله بالمثابره والطموح والعمل .. لا تنام طول الترم وتقولي صعب ماقدرت ..انا معاي بنات في الثانوي ادبي وفي 80 بالميه !!

وتخرجوو جيد جدا مرتفععععع .. تقولي معدلك !.27!!!!! هذا مو كلام .. انت لسا شباب وش وراك .. اتعب 4 سنوات وبعدين ترتاح ..

احسن مايروح العمر وتشوف الي تخرجو معك من الثانوي مراكز ووظايف زي الناس .. حتى لو مو وظايف شهادات ومراتب علميه .. وتتحسر على نفسك وتقول وش كان ناقصني ..

خلي الي راح ورى ظهرك وابدى ترم جديد بصفحة جديدة .. خذ كبدايه 4 مواد ولا تقول كثيره وصعبه بالعكس هذا الحد الادنى المعقول .. حط في بالك انك بتجتازها بسهوله كونها عدت عليك .. وخل عندك ثقه بنفسك ..

صدقني لما الواحد يؤمن بنفسه وبقدرته راح تشوف نتايج مبهره ..

انا كنت اشوف اني مو سريعه بديهه ولا افهم بسرعه زي بعض البنات وكنت اقول انا كذا .. بس يوم بديت طريقه جديدة غيرت نظامي .. سويت لي اجنده اعمال مو بس للجامعه كل شي بحياتي .. لما يصير عندك نظام بدراستك حياتك اساسا بتتنظم ..

الله يوفقك اخوي وييسر امورك واتمنى انك ماتزعل علي .. بس انا مريت بتجرب طويله في الجامعه وتخرجت الحمدالله .. وعدت علي انواع تجارب من البنات والاقارب .. حسيت بقيمة الوقت وانه مافي مجال للتراجع او التردد ..

اختك ..
بسمه