[كلك يمين]

المشاركة الأصلية كتبت بواسطة بـسـمـه

السلام عليكم ورحمة الله وبركاته ..

اخوي كلك يمين ..

احب اقولك استحملني لاني بضغط عليك شوي .. حسيت الي فوق كلهم كانو مره حليوين معك .. والنصح يبي له شده نوعا ما ..

المهم .. طبعا اول ماشفت المواد اللي انت رسبت فيهم انا انصدممت لانه من اسهل المواد .. تراني ادبي .. ومن جنبها مانيب دفره مررره بس لطمت بي الجامعه اول كم ترم لين صحيت وعرفت اضبط اموري .. فحابه افيدك ..


اذا كانت مساله الحسا مسببه لك ازمه حول الدمام فتره التاهلي واذا جا البكالوريس روح الله يعينك الحسا .. لانه اغلب الشباب الي من الدمام ويروحون الحسا يصيرون كانهم في سجن .. مايصدقون يشمون ريحة الويكند الا وطيران على الدمام وطلعات ووناسه وباي باي دراسه .. مالومهم من الكبت .. بس الواحد لازم يفكر بالمستقبل ..

اذا تقدر تحول التاهيلي في الدمام خير وبركه .. ماتقدر جايتك بالحكي ..

انا اكتشفت المفتاح السحري لل a+ والتفوق ..
قبل كنت مسكينه مافهمت شي اسكت واروح الاختبار عندي 1000 سؤال ماعرف ل جواب .. وضااايعه ..

لكن صحيت وعرفت كيف انظم وقتي ..

في شي اسمه ساعات مكتبيه اي شي يوقف معاك روح للدكتورر علطول .. ==طبعا مو تروح يشرح لك المنهج لا كم سؤال ..

اذا حالتك في الماده مو شي زي مثلا الرياضيات ..

فالحل السحررري .. مدرس خصوصي .. انا من يوم شفت المدرسين الخصوصيين شفت الخير وبدت تهل علي الاي اااات ..

مدرس يمسك لك الماده كامله يفصفصها فصفصه .. بحيث انك تفهم كل شي منه .. والي يوقف معاكم روح للدكتور حق الماده للتاكيد وطبعا الدكتور بكذا بييحس باهتمامك .. هذي شغله ..

طبعا لاتسوي زي بعض الطلاب مدرس يروح له هو في وادي والمدرس في وادي ويقول رسبت او جبت دي !!

لااااااا المدرس له فنووون .. لازم قبل يجيك او تروح له تكون مطلع عالماده تكتب في ورقه استفساراتك .. ومعاه تخلص كل شي .. والي يوقف معاك انت وياه ترجع فيه للدكتور .. يعني لازم يكون فيه اهتمام عشان بعد ماتصيع فلوسك على الفاضي ..

المواد الي زي اداره اعمال واقتصاد وقانون .. مواااااد حفظ
يعني تعتمد عليك 100 بالميه .. لا تقولي فاهم والا مو فاهم ..

انا درستهم اساسا حتى لوفهيت بالمحاضره بس فتحك للمحاضره والكتاب راح تفهم كل شي يعني انت المذنب الاول والاخير لانها تعتمد على تقسيم وقتك والتركيز في المذاكره ..

انا اشوف نفسي مو شاطره قد ماانا مجتهده مررره اعاني لين احفظ ..
بس ابدى قبل الاختبار بيومين او 3 واول شي اقسم الماده على عدد الايام بحيث ماضغط على نفسي ..

طبعا انا كل الي كتبته نصايح كيف تمشي .. لاحظ اني ماقلت لك انسحب .. لانه تاكد انك راح تندم على قد شعر راسك .. يكفي انك متاخر سنه ماسجلت اول ماتخرجت ووقفت ترم .. حرام عمرك يروح مابين رسوب وانسحاب وتدوير تخصصات ..

ومن اطلاع .. ترا كليتنا من اسهل الكليات في جامعات المملكه .. يعني لا تضيع نفسك وتطلع لانك صدقني بتقعد تتخبط ..

لانك راح توصل لنتيجه وحده مافي شي سهل!!!

كله بالمثابره والطموح والعمل .. لا تنام طول الترم وتقولي صعب ماقدرت ..انا معاي بنات في الثانوي ادبي وفي 80 بالميه !!

وتخرجوو جيد جدا مرتفععععع .. تقولي معدلك !.27!!!!! هذا مو كلام .. انت لسا شباب وش وراك .. اتعب 4 سنوات وبعدين ترتاح ..

احسن مايروح العمر وتشوف الي تخرجو معك من الثانوي مراكز ووظايف زي الناس .. حتى لو مو وظايف شهادات ومراتب علميه .. وتتحسر على نفسك وتقول وش كان ناقصني ..

خلي الي راح ورى ظهرك وابدى ترم جديد بصفحة جديدة .. خذ كبدايه 4 مواد ولا تقول كثيره وصعبه بالعكس هذا الحد الادنى المعقول .. حط في بالك انك بتجتازها بسهوله كونها عدت عليك .. وخل عندك ثقه بنفسك ..

صدقني لما الواحد يؤمن بنفسه وبقدرته راح تشوف نتايج مبهره ..

انا كنت اشوف اني مو سريعه بديهه ولا افهم بسرعه زي بعض البنات وكنت اقول انا كذا .. بس يوم بديت طريقه جديدة غيرت نظامي .. سويت لي اجنده اعمال مو بس للجامعه كل شي بحياتي .. لما يصير عندك نظام بدراستك حياتك اساسا بتتنظم ..

الله يوفقك اخوي وييسر امورك واتمنى انك ماتزعل علي .. بس انا مريت بتجرب طويله في الجامعه وتخرجت الحمدالله .. وعدت علي انواع تجارب من البنات والاقارب .. حسيت بقيمة الوقت وانه مافي مجال للتراجع او التردد ..

اختك ..
بسمه

ربي يعطيكي ألف عافية اختي
بجد كفيتي ووفيتي والباقين كفوا ووفوا مثلك ..
وماقصرتي واشكرك على نصحك وصادقه بكل كلمة قلتيها ..
وان شاء الله بشد حيلي واهتم واركز وربك ييسر
الف شكر لك