ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   منتدى كلية الآداب بالأحساء (https://vb.ckfu.org/f171)
-   -   [ جميع الأقسام ] عن ايش يتكلم اختبار القبول للغهـ الانجليزيهـ ؟ (https://vb.ckfu.org/t151619.html)

Julia Brokter 2011- 2- 20 01:11 PM

عن ايش يتكلم اختبار القبول للغهـ الانجليزيهـ ؟
 
ابي احد ياجوبني ضرووووووري
:000:
بخصوص اختبار القبول بقسم الأنجليزي :biggrin:

عن ايش راح يكون الأختبار

وش الأسئلهـ اللي راح يجيبونها لنا ؟؟

هل عن قاعدات او اسئلهـ عامه( بحيث انهم يقيسون المستوى الانجليزي لدينا) ,,
اللي اختبر لايبخل علينا بالمعلومهـ .. بليزززز

والزائرات اللي شافوا الموضوع وعندهم (( خبر او يقدروا يفيدونا))

ارجو منهم ان يسجلوا عشان يخبرونا :119: لاهنتوا
:mh318:

Julia Brokter 2011- 2- 20 04:43 PM

رد: عن ايش يتكلم اختبار القبول للغهـ الانجليزيهـ ؟
 
:24_asmilies-com:

حكاية شوق 2011- 2- 20 06:35 PM

رد: عن ايش يتكلم اختبار القبول للغهـ الانجليزيهـ ؟
 
واللهى ماتذكر ألآ ... انو كل الاختبار اختياري

في عن القرمر واخر سؤال قطعه
وانو كم فقره فهمته ام الباقي اول مره يمرون عليّ هههههه
والوقت غير مناسب مع كمية الفقرات
أم غير كذا ماتذكر
الله يعينكم :000:
موفقين :love080:

jody=) 2011- 2- 20 06:38 PM

رد: عن ايش يتكلم اختبار القبول للغهـ الانجليزيهـ ؟
 
تفزلي يمكن هالموضوع يفيدكـ بّإذن الله ....:cool:

http://www.ckfu.org/vb/t140711.html


j_otaibi 2011- 2- 20 08:30 PM

رد: عن ايش يتكلم اختبار القبول للغهـ الانجليزيهـ ؟
 
أنا سمعت انه فيه كثير

من القرآمر من كتب الثانوي ,, ويتكون من 70 فقرة

والله يسهل علينا وندخله

Julia Brokter 2011- 2- 21 01:34 PM

رد: عن ايش يتكلم اختبار القبول للغهـ الانجليزيهـ ؟
 
فددددديتكم

على الردود وربي يوفقنا ويوفقكم اجمعين :119:

حلوة ودلوعة 2011- 2- 21 07:04 PM

رد: عن ايش يتكلم اختبار القبول للغهـ الانجليزيهـ ؟
 
انا راح اتكلم عن تجربتي يمكن اقدر افيدكم بشئ علشان تتفادون الاخطاء اللي وقعت او وقعوا اصدقائي فيها
طبعا اول مادخلنا القاعات ربكه ومافي شئ منظم ناس يقومونهم ناس يجلسونهم بالقاعه وصراخ ومافي هدوء والوقت جالس يعدي
توترت مره لما شفت هيك الوضع :Cry111: طبعا اتكلم فوضى من ناحية التنظيم ومن ناحية المسؤولات يصارخون ومعصبين ووجووهم يمامي المهم قلت اتحملي وصبري كله في سبيل الانجليزي ههه
المهم بعد جهد جهيد بدا الاختبار واو شفت الاسئله تحطمت كلمات واجد غريبه تحطمت اكثر الاسئله صعبه مره
والكل قال نفس الكلام طبعا وقت كافي مافيه تخيلي المفروض الوقت 45 دقيقه تقريبا هم ماخلونه شئ بسرعه تونا جالسين نحل الا قالو لنا نزلوا الاقلام وانو اللي مابتنزل القلم راح يلقى الاختبار عاد انا هنا اشتغل العقل قمت شسويت قمت اختار وبس اهم شئ اني مااترك ولاشئ فاضي شفت ورقة الاسئله انها تقريبا 55 فقره قمت اخترت بورقة الاجابه الى رقم 55 اختيار عشوائي وهي تقول نزلوا الاقلام وانا ولاعلي منها ههههه يعني اللي ابي اقوله لا تخلون شئ فاضي اذا شفتوا الوقت بينتهي اختاروا عشوائي لانه صديقتي انتهى الوقت ولا كملت اختيار الفقرات وماطلع اسمها هذي تجربتي كلها انا قلتها مو علشان تخافي لا بالعكس علشان لاتشوفي الوضع جديد عليك وتكوني عارفه الوضع علشان لا ترتبكي وتنصدمي فريحي اعصابك وخلي كل شئ ورا ظهرك روقي ع الاخر لاتسوي مثلي انا كنت متفاجاه بالوضع بس انتي الان صارت عندك فكره يعني رييحي قد ماتقدري
وبالنسبه للمذاكره ذاكري القرمر وفالك يطلع اسمك انا كل اللي سويته ذاكرت القرمر وبس وع العموم ذاكرتي كويس او ماذاكرتي بتشوفي الاسئله شئ مبهم وغريب يعني فيها صعوبه بس نصيحه لا تخلين شئ فاضي وسوي اللي عليك ذاكري قد ماتذكري القرمر وسلامتكم كاني هرجت واجد ههه بس حبيت افيدك علشان يصير الوضع ايزي عندك وماتتفاجاين بشئ وعلشان تتفادين الاخطاء اللي وقعنا فيها
تشاو ياحلو بالتوفيق:love080:

احتواء 2011- 2- 21 07:25 PM

رد: عن ايش يتكلم اختبار القبول للغهـ الانجليزيهـ ؟
 
اقتباس:

المشاركة الأصلية كتبت بواسطة حلوة ودلوعة (المشاركة 2850056)
انا راح اتكلم عن تجربتي يمكن اقدر افيدكم بشئ علشان تتفادون الاخطاء اللي وقعت او وقعوا اصدقائي فيها
طبعا اول مادخلنا القاعات ربكه ومافي شئ منظم ناس يقومونهم ناس يجلسونهم بالقاعه وصراخ ومافي هدوء والوقت جالس يعدي
توترت مره لما شفت هيك الوضع :Cry111: طبعا اتكلم فوضى من ناحية التنظيم ومن ناحية المسؤولات يصارخون ومعصبين ووجووهم يمامي المهم قلت اتحملي وصبري كله في سبيل الانجليزي ههه
المهم بعد جهد جهيد بدا الاختبار واو شفت الاسئله تحطمت كلمات واجد غريبه تحطمت اكثر الاسئله صعبه مره
والكل قال نفس الكلام طبعا وقت كافي مافيه تخيلي المفروض الوقت 45 دقيقه تقريبا هم ماخلونه شئ بسرعه تونا جالسين نحل الا قالو لنا نزلوا الاقلام وانو اللي مابتنزل القلم راح يلقى الاختبار عاد انا هنا اشتغل العقل قمت شسويت قمت اختار وبس اهم شئ اني مااترك ولاشئ فاضي شفت ورقة الاسئله انها تقريبا 55 فقره قمت اخترت بورقة الاجابه الى رقم 55 اختيار عشوائي وهي تقول نزلوا الاقلام وانا ولاعلي منها ههههه يعني اللي ابي اقوله لا تخلون شئ فاضي اذا شفتوا الوقت بينتهي اختاروا عشوائي لانه صديقتي انتهى الوقت ولا كملت اختيار الفقرات وماطلع اسمها هذي تجربتي كلها انا قلتها مو علشان تخافي لا بالعكس علشان لاتشوفي الوضع جديد عليك وتكوني عارفه الوضع علشان لا ترتبكي وتنصدمي فريحي اعصابك وخلي كل شئ ورا ظهرك روقي ع الاخر لاتسوي مثلي انا كنت متفاجاه بالوضع بس انتي الان صارت عندك فكره يعني رييحي قد ماتقدري
وبالنسبه للمذاكره ذاكري القرمر وفالك يطلع اسمك انا كل اللي سويته ذاكرت القرمر وبس وع العموم ذاكرتي كويس او ماذاكرتي بتشوفي الاسئله شئ مبهم وغريب يعني فيها صعوبه بس نصيحه لا تخلين شئ فاضي وسوي اللي عليك ذاكري قد ماتذكري القرمر وسلامتكم كاني هرجت واجد ههه بس حبيت افيدك علشان يصير الوضع ايزي عندك وماتتفاجاين بشئ وعلشان تتفادين الاخطاء اللي وقعنا فيها
تشاو ياحلو بالتوفيق:love080:



السلام عليكم ورحمة الله وبركاته ..
ربي يوفقك كل بنت ويعطيها على قد نيتها .. حبيت بس ارد عالموضوع بما انه انقلش :tongue:
اختي الغالية حلوة ودلوعه ..
بما انك اختبرتي وربي سهلها عليك وتقولي انو الاختبار صعب ومفردات غريبة ..
انتي من خلال معلومات ودراستك السابقه . والانجليزي بالنسبة لك صعب سابقا !!
والااختبارات السابقه سواء كانت ثانوي او متوسط , او الانجليزي العام في الكلية .
كنتي تاخذين فوول مارك . هل كنتي تفهمين الدكاترة.. بس حبيت اعرف مستواك بالانقلش :tongue:
لأن البنات اللي معي يقولون مو صعب كثيير . اللي يصعّب الاختبار رهبته فقط واذا كان مستواك ممتاز فبتدخلين
بسهوله .. هذا والله أعلم . .
حنّا بنقدّم اختبار والله يستر ومتفائلين كثيير . . .


حلوة ودلوعة 2011- 2- 21 08:31 PM

رد: عن ايش يتكلم اختبار القبول للغهـ الانجليزيهـ ؟
 
انا مستواي حلو باالانجلش وابشرك صديقتي بلبل انجلش طبعا الان هي تدرس بفيصل تعرف وحده اجنبيه قبل لاتنقبل بفيصل من معهد وكله تتكلم معها

وماشاء الله منطلقه في الكلام ودارسه معهد ب نيوهورايزن وشاطره مره ومع ذلك لما قلتلها مامداني الوقت حليت وبس قالتلي ومن قالك اصلا انه انا يومها حليت ع معلوماتي اصلا مافي وقت تفكرين غير انه الاسئله يبيلها وقالتلي اهم شئ ماتركتي شئ فاضي قلتلها لا قالتلي خلاص الباقي على الله وبتجربي انا مااقول مستحيل مره وصعب بس اتكلم عن اغلب الاسئله فيها غموض انا ماانكر انه الوقت والرهبه عامل بس هم الاسئله يبيلها اذا شفتي الاسئله بتفهمين قصدي ارجع اكرر مافي شئ صعب ومااقول كذا علشان اخوفكم بالعكس انا اقول كذا علشان تتاهبون وتستعدون وترا اغلب الطالبات حتى الشطار قالوا صعبين واتحدى اغلب الطالبات جاوبوا وهم جازمين انه اغلب اجاباتهم صح اغلبه عشوائي هذا وجهي اذا حلوا متاكدين

حُلمْ ! 2011- 2- 21 08:40 PM

رد: عن ايش يتكلم اختبار القبول للغهـ الانجليزيهـ ؟
 
آلله يعننا يارب ويوفقنآ ..

مشكووره حلوة ودلوعه ع ذكر تجربتك افدتيينا ..

حلوة ودلوعة 2011- 2- 21 09:39 PM

رد: عن ايش يتكلم اختبار القبول للغهـ الانجليزيهـ ؟
 
العفو طالبه جامعيه ولو خوات نعين ونعاون
بس حبيت اضيف شئ نسيته انه الاسئله تتبدي سهله وتقوم شوي شوي تصعب يعني اول مابدات حليت لي كم سؤال بس بعدين بدت تصعب وكل ماصعبت حسيت نفسي ضايعه يعني الاسئله تدرج وثاني حاجه حتى لو وحده شاطره مره على هالوقت مايمدي لانهم كثير55 فقره بس اهم شئ الخوف ارميه ورا ظهرك مهما كان يعني كل اللي عليكم تسونه تذاكون قرمر اهم شئ وتقوا الانجلش عندكم ودخلي الاختبار وانتي مطمنه والباقي على الله لانك سويتي اللي عليك علشان حتى لو ماطلع اسمك ماتلومي نفسك

ارتـــواء. 2011- 2- 21 09:43 PM

رد: عن ايش يتكلم اختبار القبول للغهـ الانجليزيهـ ؟
 
اقتباس:

المشاركة الأصلية كتبت بواسطة احتواء (المشاركة 2850308)
السلام عليكم ورحمة الله وبركاته ..
ربي يوفقك كل بنت ويعطيها على قد نيتها .. حبيت بس ارد عالموضوع بما انه انقلش :tongue:
اختي الغالية حلوة ودلوعه ..
بما انك اختبرتي وربي سهلها عليك وتقولي انو الاختبار صعب ومفردات غريبة ..
انتي من خلال معلومات ودراستك السابقه . والانجليزي بالنسبة لك صعب سابقا !!
والااختبارات السابقه سواء كانت ثانوي او متوسط , او الانجليزي العام في الكلية .
كنتي تاخذين فوول مارك . هل كنتي تفهمين الدكاترة.. بس حبيت اعرف مستواك بالانقلش :tongue:
لأن البنات اللي معي يقولون مو صعب كثيير . اللي يصعّب الاختبار رهبته فقط واذا كان مستواك ممتاز فبتدخلين
بسهوله .. هذا والله أعلم . .
حنّا بنقدّم اختبار والله يستر ومتفائلين كثيير . . .

أولا أنا مع كلام أختي : حلوة ودلوعة باللي قالته لأن فعلاً ما كان في تنظيم وكان توتر وإزعاج وكل شوي تدخل أستاذة وتقولنا تعليمات وتطلع واللي تدخل تهاوش يعني يمكن ربع أو نصف الوقت راح على هاالأشياء غير أن الوقت فقط 45 دقيقة على تقريبًا 60 سؤال آخر شيء منها كان قطعة. طبعًا بعد كل هالأشياء يعني يوم جيت أبدأ أحل طالعت الساعة إلا ما بقى إلا نصف ساعة وقدامي 60 سؤال! وبغض النظر عن سهولة أو صعوبة الأسئلة الوقت غير كافي. في البداية سميت بالله وبدأت أحل وأغلب الكلمات كان فيها صعوبة مع أن اللي أحله كان قرامر يعني شيء مايقيس المفردات, وأنا أحل إلا يقولون الوقت قرب يخلص أنا انصدمت لأني باقي أوراق كثير ما أدري كم عددها فضلاً عن القطعة اللي في النهاية طبعًا ما قرأتها, أخذت أحل أي شيء بس عشان أسلم الورقة, يعيني الحين أنا ما أقدر أحكم على الامتحان لأن نص الأسئلة ما قرأتها لكن الأشياء اللي قرأتها فعلاً كان فيها صعوبة ويمكن التوتر صعبها زيادة., وطلعت من الاختبار وأنا مصدومة كليًا..
أقول هالكلام مو لأني مو شاطرة في الانجليزي أو يعني بالعكس أنا كنت شاطرة فيه في الثانوي جبت فيه 100 والمواد العامة الثلاثة كلها جايبة فيها a+ وبالراحة بعد,وأفهم على الأستاذات بسهولة في مواد الأنجليزي العامة حتى الحين يوم تخصصت ما أشوف أنه صعب, وللعلم قبل الاختبار اختبرت نفسي من اختبار في النت حق اللي بيدخلون أرامكو وكان 60 سؤال وجبت فيه 50 من 60 يعني أنا دخلت الاختبار وأنا واثقة,حتى أستاذتنا إنجليزي يوم ناقشناها في الاختبار قالت أنا أطلعت على الأسئلة وفعلاً كانت المفردات صعبة, يعني الاختبار ما كان على مستوى الطالبات. أنا ما أبي أخوفكم لكن هذا اللي صار وأهم شيء حلو جميع الأسئلة..
وعذرًا على الإطالة,, بالتوفيق لكم..

احتواء 2011- 2- 21 09:53 PM

رد: عن ايش يتكلم اختبار القبول للغهـ الانجليزيهـ ؟
 
الله يعييينا . ويوفقنا . وانشاءالله يسهلوو الاسئله شووي .. انا عنددي كتاب انجليزي للانقلش العام اسمه
نورث ستتار وللعلم ومو هذا الكتاب اللي درسناه غيرووه ...
ينفع اذاكر منه قرامر وهالاشياء اللي داخل :106: ؟؟؟

حلوة ودلوعة 2011- 2- 21 10:07 PM

رد: عن ايش يتكلم اختبار القبول للغهـ الانجليزيهـ ؟
 
trustful girl ثنكيوو من جد هذا اللي صار حتى الكل قال انه مو على مستوى قدراتنا هذي الاسئله لناس متمكنين ويالله يحلوهم لا تخافوا ترا حظ خخخخخ بس سوا اللي عليكم ذاكروا والباقي اللي ماتعرفونه اختاروا وبس

احتواء ذاكري من المواقع فيه شرح للقاعدات الان مايحضرني اسم المواقع بس اذكر اني راجعت اغلب القواعد من المواقع مره فادني وبعدين رجعت للكتب اذا قدرتي توفري كتاب نيو هورايزن ل لفل ون تقريبا فيه اغلب القواعد المهمه وشوفي كتب المدارس بعد فيها اشياء مهمه راجعي بس القواعد فيهم اتمنى افدتك

بالتووووفيق:119:

احتواء 2011- 2- 21 10:40 PM

رد: عن ايش يتكلم اختبار القبول للغهـ الانجليزيهـ ؟
 
طب حبيبتي من وين آخذه كتاب نيو هورايزن ل لفل ون

حلوة ودلوعة 2011- 2- 21 10:49 PM

رد: عن ايش يتكلم اختبار القبول للغهـ الانجليزيهـ ؟
 
شوفي احد دارس اخذيه من عنده انا لو بعده عندي كان عطيتك اياه من عيوني بس عطيته بنت عمتو وضيعته
شوفي ااذا ماحصلتيه اعتمدي بالمركز الاول على المواقع وحتى كتب الثانويه تفي بالغرض ولا تضيعي افكارك بالكتاب اللي عندك ذاكريلك من شئ يركز على الاشياء الرئيسيه والمهمه بالقاعدات
ان شاء الله اذا شفت المواقع اللي ذاكرت منهم راح اضيفها هنا:119:

ارتـــواء. 2011- 2- 21 11:06 PM

رد: عن ايش يتكلم اختبار القبول للغهـ الانجليزيهـ ؟
 
اقتباس:

المشاركة الأصلية كتبت بواسطة احتواء (المشاركة 2851843)
الله يعييينا . ويوفقنا . وانشاءالله يسهلوو الاسئله شووي .. انا عنددي كتاب انجليزي للانقلش العام اسمه

نورث ستتار وللعلم ومو هذا الكتاب اللي درسناه غيرووه ...
ينفع اذاكر منه قرامر وهالاشياء اللي داخل :106: ؟؟؟

هذا هو نفسه كتابنا حق الانجليزي العامة, ممكن يفيدك, لكن الصراحة أنا راجعت بعض كتب الثانوي وبعض المواقع التي تعطي نماذج حق اختبارات, لكن صدقيني أحس كل هذا ماله فايدة ماأدري لكن في وقت الاختبار ما أحس في وقت للتفكير أو تذكر بعض الأشياء.
بالتوفيق,,

ارتـــواء. 2011- 2- 21 11:15 PM

رد: عن ايش يتكلم اختبار القبول للغهـ الانجليزيهـ ؟
 
هذا موقع يفيدك :
http://www.englishjet.com/english_co...test_level.asp


موقع آخر:

http://www.englishforarabs.com/quizesmenu.html

موقع اختبار:

http://www.nadialsalam.com/?act=artc&id=2566

Julia Brokter 2011- 2- 22 01:39 PM

رد: عن ايش يتكلم اختبار القبول للغهـ الانجليزيهـ ؟
 
يااربي يسعدكم على تجاربكم ونصايحكم :119::119:

والمواقع الحلوهـ اللي انشالله راح استفيد منها


فديت كل من رد علي وبرد قلبي :119: انشالله نحل الاسئلهـ :mh318:
ونتخصص اللي نبيهـ :biggrin:



:106:


All times are GMT +3. الوقت الآن حسب توقيت السعودية: 12:04 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه