[Rwary ~]

السلام عليكم
المستوى : الثآلث ~
التخصص : English

1- مبادىء الإحصاء
أ/ جواهر الزريق شرحهآ حلو وآسلوبهآ حلو وأسئلتهآ سهلة كثير بالكويز والمدترم محآضرتها كانت خفيفة ماكنت أحس بإن مادة الاحصاء غثيثة مثل مايقولون + تعطينا واجبات
أعطيهآ 8 من 10

2- اللغة الإنجليزية العامة
د/ رويدآ الميسآوي تشرح من قلب وتفهم كل شي وتحل وتحدد الأشياء المهمة وتركز عليها وتعيد وتزيد عالاشياء المهمة ~ حبيتهآ في الانقلش العآم بس ماحبيتها في الريدينق ( انقلش قراءة )
كوزاتها واسئلتها من السهل الممتنع يعني يبي لها تركيز وشوية دقة
+ تضيف 3 درجات اضافية لكل كويز او مدترم لكن بشكل عام تصلح للشطآر بالانقلش فقط ! + تعطي واجبات
أعطيهآ 9 من 10 بهالمآدة ( للشطار بالانقلش فقط ) < لآحد يقول وهقته وكذا

3-العقيدة الإسلامية والمذاهب
د/ محمد عبدالدايم ويآليت كل الدكآترة مثل د/ محمد عبدالدايم
محترم كثير واسلوب وشرح والمام بمحتوى المادة بشكل
اختصر لنا حفظ جزء 30 إلى 3 سور سهلة اسئلته سهلة كثير ويعطي الطالبة حقها وأكثر + يطلب بحث
أعطيه 10 من 10

4-النحو التطبيقي (1) + النحو التطبيقي (2)
درستهم عند د/ فايز تركي ، شرحه جميل واسلوبه حلو مع البنات المحاضرة حلوة وكريم بالدرجات لكن اسئلته مقالية وشوية موضوعية ، عموماً اسئلته يبي لها تركيز وشطارة + يطلب بحث ويعطينا واجبات
9 من 10

5- التحرير العربي
أ/ هاجر الجغيمان ، بالغالب تاخذ وقت المحاضرة كله وهذرة كثير لكن الشرح جميل واسئلتها حلوة ، بين المقالية والموضوعية لكن المقالي السهل وبقوة وآخذت عندها درجة جميلة مآكنت أتوقعها
تحب البنت الهادئة بالمحاضرة + البنت اللي تشارك وتزيد درجات بآخر السمستر اذا كنتي هادئة وتشاركين ~ + تطلب نشاطات وواجبات
10 من 10

6-القراءة والمحادثة
د/ سعاد بالطيور شديدة شوي ، ودقيقة عطتنا المادة كلها تقييم مش تحريري مثل ماسوو بعض الدكاترة
بس عموماً ما انصح فيها لأنها غير منصفة بالدرجات
فيه دكتورات ثانيات أفضل منها يدرسون المادة
4 من 10

7-مبادىء علم الاجتماع
المادة غثيثة
بالبداية درستني د/ سلوى المهدي ~ هي حليوة وكذا بس غيروها جآبوا لنا د/ سماح لطفي
آعوذ بالله تخوووف دآيم تصرخ وتروح المحآضرة عالفاضي وتطلب اشياء كثير للنشاط واخر شي ماتاخذهآ
وضغطتنا آخر شي شرحت 5 فصول بمحاضرة وحدة ومآندري لوين الاختبار بالضبط
عموماً ماحبيت اسلوبها ابداً + مآتعطينا درجات المدترم وتأخرت كثير بدرجات الفاينل ونزلوآ لنا فيهم غلط وصححتهم بعد فترة
أعطيهآ 2 من 10

8-الصحة واللياقة
د/ أماني البطراوي ، رهيبة هالدكتورة تشرح من قلب وتحب البنات كلهم يشاركون معاها محاضرتها ممتعة وتحاول قد ماتقدر تساعدك بالدرجات + تطلب نشاط بسيط
10 من 10

9-مهارات التعلم والتفكير
د/ جوهرة الصقر حلوة بالمحاضرة بشوشة وتضحك وتمزح وتحب البنات كلهم يشاركون معها ، الملزمة حقتها سغنونة واسئلتها سهلة + تطلب نشاط ووآجب + نشاطات داخل الكلاس انتي وقروبك
بس صدمتنا بالدرجات بالنهائي نااازلة كثير بالنسبة للاسئلة السهلة
أعطيهآ 7 من 10 !

10- مدخل الى تقنية المعلومات
أ/ نورة المظفر ، المحاضرة عندها حلوة وخفيفة وتخلص بسرعة ، تسولف وتضحك وتمزح رغم انها جدية حبتين اسئلتها جداً سهلة بالمدترم وبالكويز ~ تطلب نشاط انتي وقروب بنات ( شرح - عرض - بروشورات ..الخ ).
عادلة جداً بالدرجات
9 من 10

11-التلاوة والتجويد
أ/ لطيفة المغنم ، ياجمالهآ بس
المادة سهلة ووخفيفة بالحيل ، قيمتنا تقييمين بسورة البقرة + الاختبار التحريري كان سهل جداً جداً ، حتى لو كنتي ناقصة درجات كثير تزيدك !
الدرجات جداً جميلة الله يسعدها
10 من 10

12- النظام الاجتماعي في الإسلام
د/ محمد العودات
المادة طويلة لكن سهلة كنهآ فقه ثآنوي ، الدكتور اسلوب واخلاق توب ، اسئلته أغلبها من الشرح ! يعني يبي لك تكتبين كل حاجة يقولها حتى لو ماجابو لها طاري بالكتاب تجاوز لنا عن حفظ السورة واعطانا كلنا 10 بالحضور والمشاركة + درجتين هدية والفاينل نفس اسئلة المدترم بالضبط بزيادة كم فقرة بس !
9 من 10

13- اللغة الانجليزية كتابة
أ/ عبدالله الملحم ، أتوقع غني عن التعريف
شرحه جميل ويصلح للشاطرة والكسلانة بالانقلش لانه تقريبا يترجم كل حاجة عربي + اسئلته سهلة لكن دقيق بالتصحيح عموماً ماقد شفت أحد يذمه والشعب عنده دايم مليانة ماشاء الله
9 من 10 < يسحب ومايعطينا خبر ويضيع القاعة دايم هههههه

14-اللغة الانجليزية قراءة
أخذتها عند د/ رويدا الميساوي برضو لكن أبداً ماحبيتها بهالمادة مثل الانقلش العام !
تركز ع بنات معينين فقط والباقي مهمشين وبقوة ماتعطي الكل فرصة بالقراءة ولا بالمشاركة
ماتحملتها وحذفت المادة وثلاث ارباع بنات الكلاس حذفوها
مقدر أقيمهآ لان ماكملت المادة معاها

15-التذوق الأدبي
د/ عائشة الجندي ، يمدحونها كثيييييير بس مدري ليش مارتحت لها هذرة هذرة هذرة هذرة مش طبيعية وتاخذ وقت المحاضرة كله تطلعنآ 12:55 دقيقة بالضبط وبكل محاضرة تعيد وتزيد بكلام ماله داعي وماله دخل بالمادة يقولون اسئلتها سهلة كثير ! الزبدة انا ماقدرت اتحملها وحذفت المادة بعد
ومقدر اقيمها عشان ماكملت معاها المادة

تقييمي للدكاترة من وجهة نظري الشخصية + على حسب اسلوب الدكتور/ة بكل مادة ، كثير دكاترة يكونون مو كويسين بمادة ، لكن ممتازين جداً بمادة ثانية

^ كيفني وأنا أقيم الدكاترة بس