ملتقى طلاب وطالبات جامعة الملك فيصل,جامعة الدمام

صفحة 6 من 7

عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- منتدى كلية الآداب بالدمام (https://vb.ckfu.org/f63)

- - الحقوا اخر خبر !!!!؟؟ (https://vb.ckfu.org/t101571.html)

عشـقَ !

2010- 9- 28 02:52 PM

رد: الحقوا اخر خبر !!!!؟؟

اقتباس:

المشاركة الأصلية كتبت بواسطة أوراق (المشاركة 1625756)

سالفة ان الكتف أستر
هذا الشيطان قاعد يزينها في عقول البنات ويقول انها أستر :/
واللي يبغى يطلع عذر في عباية الراس قدر يطلع مئة عذر
تطير مع الهوا ومادري وش يصير فيها ؟!
الحمد لله يا بنات هذا احنا نلبسها وعايشين

عموماً , عباية كتف تفرق عن عباية كتف , و عباية راس تفرق عن الثانية
تجيك عباية كتف مزركشة والله تقولون جلابية :(
من جد أشك انها عباية
صراحة شي يحز بالخاطر

وتجيك عباية راس اللي أكمامها ضيقة ونفس الشي فيها زركشة
هذي بس اسم انها عباية راس !

الله يصلح أحوال البنات يا رب :"

محد يختلف على من يبي إلستر بيلآقيه
سوآء كتف أو رآس
ومثل مآقلتي مثل مآللكتف سلبيآت , للرآس سلبيآت

إللي قآهرني مو سآلفة ليييه ومآنبي رأس
هي كلهآ عبآيه إلبسيهآ وإطلعي للسيآره على بيتك

بس إللي يقهر إلتغييرآت إللي يسوونهآ
خصوصاً إذآ كآن على نآس ونآس :mad:

انسه فوشيا

2010- 9- 28 02:54 PM

رد: الحقوا اخر خبر !!!!؟؟

بنااات ترى من حقهم بهالنظام لانه نظام حكومي عبايه راس

كل الكليات الحكوميه كذااا

الا ترى كليتنااا مخلينا ع الكيف << يوم اقول للبنات بالرياض ان حنا نلبس كتف وتنوره ميد

استغربوااا قالوا احنا مستحيل حتى نص كم

يعنى هذاا نظام معروف

عسولة الشرقية

2010- 9- 28 02:59 PM

رد: الحقوا اخر خبر !!!!؟؟

اقتباس:

المشاركة الأصلية كتبت بواسطة don't be sad (المشاركة 1625363)

[align=right]
عشق

طيب هو من الاساس النظام عبايه راس ماتغير !!

وش تبونهم يثبتون عليه بالظبط ؟!

انتم اللي مغيرين على كيفكم ياحلوه :049:
[/align]

حبي انا ما حلل ولا احرم ولا اقول ذي العبايه ولا ذيك لكن خليني اقولك سر

انا طالبه لغه انجليزيه طالعه لسنه ثالث

يعني سنه اولى كنت بالكليه القديمه

وطبعا لو انتي كنتي بالكليه القديمه بتعرفين انهم بيمسكون البنات على عبايات الكتف عند البوابه القديمه

لكن انا كنت ادخل واطلع من باب الامن <------- يا اكون متاخره او اطلع بدري

وبعبايه الكتف

تدرين ليه ؟؟؟؟

لانه على اخر سنه بالكليه القديمه كانت الكتف مسموحه فقط لطالبات الانجليزي

اذا شافت الامن بطاقتك فيها خط وردي دخلتك بدون ما تقول شي :)

فهذا الشي متغير يا حبي

وبعدها مادري اذا سمحوا للكل على العام الي بعده

او انهم شافوا انها مالها داعي بس قسم الانجليزي

صراحه اي دونت نو

و اي دونت كير اذا كتف ولا راس اهم شي اخلص دوامي واطلع سواء لقسمي ولا لقسم غيري

لكن النظام تغير حبيبتي ومو معناته انك ما سمعتي بالخبر انه ماصار حبي

تحياتي

Blair

2010- 9- 28 02:59 PM

رد: الحقوا اخر خبر !!!!؟؟

ههههاي على كيفهم الامن هذول وربي انهم زلايب واكرهم اللي تعطيها وجه يحطونه ع راسهم واللي ماتعجبهم يستقعدون لها وابصم مليون بالميه ان ذا القرار من راسهم ماهو من الجامعه نفسها تلقين وحده فاضيه من الامن تفصفص حب وتشرب شاي قالت وراء مانمع الكتف وقالو يله قداام خخخخخخخ
ماراح البس الا كتف وكيييييفي هذا اذا قدرو يسيطرون على البنات اللي عباتهم كتف لاني اشوفهم مره كثيييييييير

c!nema

2010- 9- 28 03:04 PM

رد: الحقوا اخر خبر !!!!؟؟

ماااعندي عباااااااايه رااااااااااااس :(154):

واصلا مااعرف البسسها والله :(177):

يارب هالكلام مو صحيح :(154):

ابقولهم هاتو ثلاثميه ريال ابفصل عبايه راس :(164): <= آوت

LOlita ..

2010- 9- 28 03:09 PM

رد: الحقوا اخر خبر !!!!؟؟

الله ماكثر الانظمه والقرارات الفجائيه اللي تصدرها كليتنا الفاضله ههههه

بس بنات احتمال يكون كلام وبس وبعدين انتو داموا بعبيكم ولا صار الموضوع جد يصير خييير

بالله اش الفرق لمن البس عبايه راس وعبايه كتف !! بتتعدل اخلاقي مثلا

علينا كليه مدري وش تبي من الحياه .. ولا عمري سمعت كليه وجامعه تتحكم بعبايات البنات واوقات خروجهم والله انها خوووش جامعه

ليمونة 22

2010- 9- 28 03:41 PM

رد: الحقوا اخر خبر !!!!؟؟

ابغاكم تشوفون الفلاش تذكروا ماراح تنفعكم عباية الكتف إذا بتموتين بتموتين بكفن ابيض لاعباية كتف ولامزخرشة أستتروا وخلو عنكم بلبس عباية الفلانية وإلي بكم سعرها

http://saaid.net/flash/ba3dmawt.htm

اخت فجر

2010- 9- 28 03:41 PM

رد: الحقوا اخر خبر !!!!؟؟

جزاهم الله خير كنت ابغاها منهم من زمان لو البنات يلبسون عبايه الكتف زين ويتسترون ومو كل سيقانهم ويدينهم طالعه كان ما احد قالهم شي بس البنات متمادين بقله الادب والغطاوي الخفيفه والعبايات المزينه والملونه والمشكله ما يتفرج عليهم الا السكيورتي والسواقين :(177):بالله هل العبايات هذي عبايات امهات المستقبل اللي بيربون اجيال المستقبل؟؟؟؟؟؟؟

عقبال يمنعون التنانير القصيره و البلايز الضيقه...

اخت فجر

2010- 9- 28 03:45 PM

رد: الحقوا اخر خبر !!!!؟؟

ليمونه 22

جزاك الله خير وكثر من امثالك وجعل الفلاش في موازين حسناتك

LOlita ..

2010- 9- 28 03:52 PM

رد: الحقوا اخر خبر !!!!؟؟

البنات اللي مو مقتنعين بعبايه الراس ممكن يلبسون الراس عشان الامن بس بتظل حركاتهم اللي ننقد عليهم
يعني الغطا الخفيف ... اليد كلها طالعه .. السيقان مبينه

يعني ماراح يكون اختلاف واللي خلت عباتها الكتف مزينه ومزركشه وملونه ماراح يمنع انها لمن تفصل لها عبايه راس تخليها مزركشه وملونه وماراح يمنع انها تلبس غطا خفيف وتبين سيقانها .. الخ

السالفه سالفه خوف من الله وتربيه اذا غاب الخوف من ربي والتربيه ماتقدرين تعدلين البنت لو تسوين اللي تسوين ( انك لاتهدي من احببت ولكن الله يهدي من يشاء )

يعني وش الفايده لمن البس عبايه راس وانا مو مقتنعه صايره كأني انافق احسس كذا

ومشكوره ليمونه على الفلاش

All times are GMT +3. الوقت الآن حسب توقيت السعودية: 07:21 AM.

صفحة 6 من 7

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه