|
الله يحرم وجها من النار الي ترد
السلام عليكم بنات
شخباركم علومكم وش مسوين الله ييسر لنا جميعا التفوق والتخرج بااعلى الدرجات يااارب المهم ياحلوات انا سنة تحضيري ومحتاره شنو اتخصص بعد هالترم فياليت تساعدوني انا ودي بالانجلش بس خايفه من كلام البنات انه صعب انا مو بلبل بالانجلش ولا ني بقره ماافهم لالا افهم بس متوسطه يعني مستواي فيه وابغى رايكم حتى بنات الاقسام ال2 ردو ولو بدعوه ربي ينور دروبكم والله بدعي لكم تكفووون يالربع نخيتكم ربي يحقق لكم منااكم\ اختكم\ تحضيريه ههههههههه:hhheeeart4: |
رد: الله يحرم وجها من النار الي ترد
إذآ حـآبه الأنجليزي وتحسي نفسك بتصبرين عليه وبتذآكرين أول بأول مثل أيـآم المدآرس ..
فأدخليه .. إذا بداخلك أحسسـآس إن الجامعه يعني تخفيف الدرآسسه وو .. فمآ أنصحك فيه .. شوفي إنتي دآخلك وش يبي بالضبط .. ووش اللي يريحك وأدخليه .. لآ تخـآفي من كلام البنآت إن الأنجليزي ترى صعب ووو .. فعلآ هو يبي له وحده تذآكر حرف بحرف وأول بأول .. بس مآفي شي أسمه صعب إذآ الواحد عنده الطموح الكآفي .. عن نفسي أقولك مآحد رآح يحدد مستقبلك إلآ إنتي .. أجلسي مع نفسسك شويات وشوفي داخلك وش مستعد يدرس ووش يبي .. وتوكلي على الله .. موفقه .. وفآلك التفوق ي رب .. |
رد: الله يحرم وجها من النار الي ترد
اميييين يارب والله يحرم وجهك من النار انتي كمآن :106: ما عندي رد لـك ممكن يفيدك لأني مثلك تحضيريـه ولاني مااحب الانقلش :biggrin: بس إن شاء الله البآقي يفيدونـك و حبيت ادخل وادعي لك ربي يوفقك وينور دنيآك وعسـى تدرسين التخصص اللي تحبينـه :106: |
رد: الله يحرم وجها من النار الي ترد
فديتكم ربي يوفقكم
وييسر لكم كل خير الله يجزاكم خير تسلمون والله مدري كيف اشكركم بس تاكدو ماراح انساكم من دعواتي ابد سلمتم ودمتم :106: |
رد: الله يحرم وجها من النار الي ترد
اقتباس:
ماازيد على كلام الاخت الله يجزاها خير فعلا هذا هو القسم يبيله اجتهاد ومذاكره انا يوم دخلت ماكنت بلبل انجليزي مستواي نفسك متوسط والحمد لله ماشيه فيه زين الحين مع انو دراستنا صعبه الادب اكثر بس الحين كله لغه والادب شي بسييييط وبالتوفييق:106: |
رد: الله يحرم وجها من النار الي ترد
وشو اللي في بنات الانجليزي و تخرجو
و ما فيك؟ عندهم عقل ---- عندك عقل عندك مسؤوليه ---- امهات تخرجو قولي؟ لحد يقول الانجليزي صعب قولو : ما نحب اللغه لاننا ما قدرنا عليه و لا تخافين كلنا كنا نفهم البسيط من اللي يقولونه الحين ما نفهم العربي صار الانجليزي اسهل كل الدكتورات متعاونات و ينصحون و يعيدون و اذا حسو ان الطالبه معلقه معاها هذي المعلومه بالذات شرحوها لك بالعربي (لا تقولين لاحد) و كاش دكتورات يقولو لكم تابعو افلام (بس مو مترجمه) علشان يقوي السمع و تلقطين الكلمه و المعنى اسرع اذكرك ترا المنهج تغير النظام القديم كان هو اللي يخوف بس الحين نظام كليه التربيه (على الرغم من صعوبته) بس ما راح يجي لك 15 ماده ضاغطين كم ماده مع بعض علشان يكون اسمه 10 مواد و لا راح يكون عندك 11 ماده على السنه الاخيره صدقوني المنهج الجديد نعتبره (و اعذروني ) مزحه نتمنى منهجكم لاننا عارفين ان بالكرف اللي كرفناه راح نطلق متفوقات احمدي ربك و كل شي سهل بسسسسسس العمل فالعمل ثم العمل و صراحه كل الاقسام لها صعوبتها الخاصه فاذا انتي من النوع الانهزامي قعدي بالبيت احسن و لا تزيدين اعداد :oao: كاني خوفتك اكثر؟ :mh12: |
رد: الله يحرم وجها من النار الي ترد
كاني خوفتك اكثر؟ <<<
لبى روحك\لاوالله حسيتك تنصحيني من قللب ربي ييسر لك خلقه وتتخرجين وتلاقين الوظيفه الي ترضيك تسلمين ولا هانوا الخوات الي قبلك ربي يرضى عليكم شديتو من عزمي واهم شي الاستخاره قبل ان شاءالله:119: |
رد: الله يحرم وجها من النار الي ترد
استخيري حبيبتي ..
واذا تحسي ان ودك بالانقلش من قلللللب ادخليه وتوكلي على الله وبتمشين صدقيني .. اما اذا مثلا تبينه لان بسس مافي غيره عاجبك مثلا او تجربة فما انصحك ,, شدي حيلك وبتمشين فيه مثلك مثل غيرك الي نجح وتخرج :love080::106: موفقه ودعواتك ,, |
رد: الله يحرم وجها من النار الي ترد
ما عندي كلام ازيده على كلام الاخوات ..
الله يوفقك و يسهل لك أمرك .. كل قسم و له صعوبته و انتي بنفسك تقدرين تغيرين الصعب و تسهلينه .. الله يوفقك يا رب .. و أهم شي الاستخارة الاستخارة .. استخيري لآخر لحظة .. و الله يسعدك ياااااااا رب ياااااااا كريم .. أختك .. سويت .. |
رد: الله يحرم وجها من النار الي ترد
وعليكم السلام
حبيبتي مآ كو شيء سهل في الجامعه كل تخصص وله صعوبته .. إذا حسيتي نفسسك بتنجحين وبتذآكرين أول بأول أدخلي وبعدين كثير بنآآت أعرفهم من الثآنوي كآنو ميح بالأنقلش ودخلو وصدق عآنو في البدآيه لكن الحمدالله أوضآعهم مآشيه إستخيري ربك قلبي واللي فيه الخير ربي بيسرهـ لك |
| All times are GMT +3. الوقت الآن حسب توقيت السعودية: 02:05 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام