ملتقى طلاب وطالبات جامعة الملك فيصل,جامعة الدمام

حبايب قلبي خواتي طالبات الدراسات المستوى السابع انا بقول لكم شي وان شاء الله يارب اقدر اخدمكم بحاجه واساعدكم فيها

انا زيكم طالبه انتساب

الكل يعرف ان كتبكم ومناهجكم هي نفسها كتبنا ومناهجنا

الفرق الوحيد بينا وبينكم الدكاتره

يابنات لو تبون اساعدكم باسئله تلخيص والله من عيوني اقلها تذاكرون معي ونلخص على بعض ونسوي جدول

ولاجا وقت التخطيط والتأشير النهائي كلن ياخذ من كليته لان مو اي دكتوره تدخل سطور الكتاب كلها
وبعض الدكاتره مايعترف بالكتاب اصلا يطلب ان حنا نكتب وراه

الكثير منكم مستغرب يقولون كيف طيب انتي بالنعيريه واحنا بالاداب

انا عارفه حبايب قلبي لكن اقلها نذاكر سوا دام هو نفس الكتاب ونفس المنهج وش المانع نذاكر سوا ونبدا نشجع انفسنا وننزل نماذج اسئله نهائيه
الكل متخوف يوم قلت كذاا الكل يقول وين تجي دامك تدرسين بالنعيريه اكيد يختلف

ياحلوين ربي يوفقكم اللي يختلف بسسس هو التخطيط في الملزمه والتاشير النهائي

المذاكره انا زيكم ابذاكر نفس الكتاب ونفس المنهج

واذا تبون مساعده اكثررر نزلو لي اسم كتاب مع المؤلف وانا بنزل لكم نموذج اسئله نهائيه ترا تفيد جدااااا تفيد

وعلى فكره ثانيه انا كنت اذاكر من نماذج اسئلتكم انتو النهائيه

بتقولون طيب كيف يازين الكون دكتورنا غير عنكم؟؟

ابقول لكم اي صح يختلفون الدكاتره في طريقه الاسئله ولكن الكتاب هو نفسه والمنهج نفسه مايختلف علي الا طريقه الاسئله

استفدت من الصح والخطا

استفدت من الاسئله المقاليه

اذا خلصت مذاكرتي خير شر وصحيت الفجر امسك الاوراق والنماذج حقتكم وحقتي وابدا اراجع لنفسي فقط

وانا استفدت من هالحركه كثيررر

اللي عاجبه كلامي وحاب اني انزل نماذج يقول لي اسم الماده والكتاب والمؤلف وانا انزلهاااا لكم