ملتقى طلاب وطالبات جامعة الملك فيصل,جامعة الدمام - جميع التخصصات بناات التاريخ تفضلوو

هلا فيك وحياااك الله
اول شي ترى التاريخ اذا كانت رغبتك فيه يعني اذا انتي ترغبين بالتاريخ بيكون حلو لك اذا تحبينه بتلقينه سهل وخاصة مواد التخصص يعني المواد التاريخيه شوفي التاريخ القديم راح تدرسينه اول شي هو حلو وممتع بس الاسماء صعبه لانها قديييمه يعني ركزي واجتهدي
تاريخ العصور الوسطى حلوووو وممتع بس دسسسم يبيله تركيز حلو ورائع
بالنسبه لي التاريخ حلو فيه سهووله وفيه صعوبه يعني تجيك مواد صعبه من ناحية وتجيك مواد سسسسهله مثل الاندلس البيزنطيه ..تاريخ العلوم ..والحضارات تاريخ الدوله الفاطميه العباسيه واوروبا العصور الوسطى والحروب الصليبيه الايوبيين والدوله الامويه تراها سهله وممتعه عندك بعد علم التاريخ عند المسلمين حلو وتحسينه خفيف امممممم باقي المواد ماتحضرني
وانا توني مادرست التاريخ الحديث لانه بسنه برابع
وع فكره سنه اولى وثاني تاريخ حلوه سهل ممتنع اما ثالث شوي دسسم ويبيله تركيز ..

انا المعدل ماعندي خلفيه عنه
وبخصوص الانقلش كونك نظام تحضيري ما اعتقد تدرسينه بس الله اعلم لانك نظام جديد ودرستوه عام بالتحضيري لانه شامل ما اعتقد تدرسينه
حياك الله بقسمنا والله يوووفقك ان شاءالله
اتمنى اكون افدتك >>> دعواتك