ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   منتدى كلية الآداب بالدمام (https://vb.ckfu.org/f63)
-   -   [ السنة التحضيــرية ] : الطالبات المستجدات وطموحاتكم خلينا نمشي خطوة للمستقبل (https://vb.ckfu.org/t209793.html)

qamr 2011- 9- 3 09:08 AM

رد: الطالبات المستجدات وطموحاتكم خلينا نمشي خطوة للمستقبل
 
اقتباس:

المشاركة الأصلية كتبت بواسطة صدى الياسمين (المشاركة 4293362)
الله فـله بصرآحـه نتجمع :119:
أخآف بس نخرع النآس <× برآ

وان شاء الله ربي يسسرهـآ

والله يسسهل علينـآ

هههههههههههههههههههههههههههههههههههههه:hahahahahah :

من ناحيه بنخرع بنخرع لا مفر<< اي تجمع يقولون شسالفه ويش صاير:biggrin:

ويارب ييسرها على الكل ويوفقنا امين :106:

qamr 2011- 9- 3 09:17 AM

رد: الطالبات المستجدات وطموحاتكم خلينا نمشي خطوة للمستقبل
 
اقتباس:

المشاركة الأصلية كتبت بواسطة آموولهـ..! (المشاركة 4295198)
السسلام عليكم ..

ربي يوفقك قموووووره ع كلام الجممممييل جعله في ميزان حسسسناتك :106:

كلامك ير ر ر يــــح كثير :love080:

جزآككم الله خيير كل من قدم نصصيحه لنآ

أستفدت منه :119: يعطيكم العآفيه .

ومششكورين
انآ الحممد الله معي صصقيقآتي كلهم :53:
بس كلنآ خآيفين من جوو الكليه :biggrin:
ان ششاء الله نمششي أمورنا أووول يووووووم :(204):


ربي يوفق الجمممممميـــــع :love080::love080:


وعليكم السلام
منورة حبيبتي
انتي الاجمل حبيبتي

الخوف<<كلنا بنمر بهالشعور عشانه جديد علينا والتوتر لابد منه
كل مراحلنا الانتقاليه مرينا بهالخوف وتعديناه بعد كم يوم

ربي يوفقكم يارب وتتسهل باذنه كل الامور:(204):
شكرررررررا لتفاعلك وتنورينا:106:

qamr 2011- 9- 3 10:05 AM

رد: الطالبات المستجدات وطموحاتكم خلينا نمشي خطوة للمستقبل
 
سلااااااااااااااام بنات:53:

حبيت اضيف معلومات تفيد كل بنت مستجده وعندها استفسارات مالقت لها رد او ماتعرف وين تروح تسال بخصوص البدايه في كل شي
:106:اولا: ورقه البريد الممتاز تروحين فيها اول يوم ضروري للدخول للكليه

:106:ثانياً: الدوام بيكون 12 شوال اي يوم السبت الموافق 10 -سبتمبر

:106:ثالثاً: الدوام يبتدي من الساعه 8 صباحا حتى 12 ظهراً اول اسبوع

:106:رابعاً: الدوام للدراسه والجد يبتدي الاسبوع الثاني 19 شوال السبت الموافق 17 سبتمبر
وبيكون الدوام على حسب محاضراتك بالجدول مع العلم ان الدوام يبتدي من 8 صباحا
والخروج يكون على حسب جدولك اما 12 ظهراً او 2 ظهراً

:106:خامساً:جميع الطالبات المستجدات ياخدون جداولهم من الكليه باول اسبوع للفصل الدراسي الاول

:106:سادساً: باول اسبوع لما تداومين بيكون في حفل استقبال خاص للطالبات المستجدات منها التعرف على الانظمه والتعليمات للكليه ومنها تتعرفين على الكليه والبنات

:106:سابعاً: الرقم الجامعي تحصلين عليه من الجامعه بالاضافه الى يوزر نيم وباسورد ايميليك الجامعي<< اللي عن طريقه تقدرين تشتركين بمنتدى الجامعه الرسمي اللي بموقع الجامعه

:106:ثامناً:الزي الرسمي للجامعه ... التنانير طويله او ميدي طويل .. اللون اسود او كحلي ابعدي عن السترش والضيق ولو فيها فتحه حاولي ماتكون كبيرة والجينز مسموح فيه .... البلايز والاقمصه كل الالوان مسموحه وممكن كم ونص وربع كم بس لا يكون كات ولا شفاف ولا فيه فتحه كبيرة

:106:تاسعاً: جوالات الكاميرا ممنوعه والابتوب للضرورة لازم تاخدين تصريح له من المسؤولين.. جوالات البيبي والاي فون والاي بود >> الافضل تجنبها حتى لو نشالت الكاميرا او كسرت البعض يتعرض له الامن والبعض لا << ليش مادري بس اول يوم اكيد بيطرحو هالموضوع

:106:عاشراً: المواد اللي بندرسها 18 ماده للسنه كل سمستر بندرس 9 مواد والتخصص لازم يكون ماينزل معدلك عن 3| 5وماتكوني راسبه بمواد كثيرة

:106:احدى عشر:مواد التحضيري
السمسترالاول 9 مواااد
مبادى الاداره <<ماده دسمه ويبيلهامذاكره اول بأول وفيها معلومات كثيره
فقهالسيره <<ماده تتكلم عن سيرة الرسول وحياتهواصحابه وفيها قصص
تقنيه المعلومات<<مادة حاسب آلي نظري وبصراحه سهله موصعبه
الصحه واللياقه<<ماده تتكلم عن الصحه والرياضه وفيها معلومات صحيه
النحو التطبيقي1<<هذينحو طبعاً ويبيله شدة حييييل ياكرهي له
الانجليزي عام <<يشبه حق الثانوييعني قاعدات وكلمات تحفظينها
مهاراتالتعلم والتفكير<<تتكلم عن طريقة التفكير وحاجهزي كيذا
الثقافه الاسلاميه<<تتكلم عن الاسلام وفيها بعد قران تحفضينالجزء30 كله
تحريرعربي <<يتكلم عن علامات الترقيم والمقال والتلخيصويعني نفس التعبير
..................................
السمستر الثاني 9مواااد
علمالاجتماع <<نفس مادة علم الاجتماع بالثانوي بساعمق شوي
مبادئالاحصاء <<يشبه الرياضيات بس اسهل وممتع صراحهوسهل
الانجليزي كتابه<<هو انجليزي كله كتابه تعابير كل درس تكتبون عنه بسحلو
الانجليزي قراءه<<يتكون من قطعه وعليها اسئله وفيه كلمات تحفظونها
والاختبار بستذاكرون الكلمات ويجيبون قطعه من برا ويبيله شدة حيييييل
النحو التطبيقي2 <<هذاتكلمه للاول ونفس الشي نحوو وفيه صعوبه شوي
التذوق الادبي <<تتكلم عن الشعروالنصوص الادبيه ومافي اختبار نهائي بس بحث
القراءه والمحادثه <<ماده تتكلم عنالقراءه السليمه وانواعها ومافيها اختبار نهائي
يعني تجين عند الاستاذه لوحدكوتعطيك نص وانتي اقريه وبتسألك فيه وبتقيم قراءتك
برامج الحاسب المكتبيه<<هذي حاسبعملي ومررره تجنن وسهله
التلاوهوالتجويد <<يتكلم عن التجويدوالقراءت وانواعها وفيه قران حفظ اخر 5سور من الجزء 29


:106: اثني عشر: التخصصات المتوفرة لغه عربيه .. جغرافيا .. دراسات اسلاميه.. تاريخ ..English..علم اجتماع .. مكتبات..
:106:بالنسبه اللي تبي تروح بباص الكليه في موضوع مطروح بعنوان
[ جميع التخصصات ] : هاااااااااااااام جداًاًاًاًاً للي حابه تساعد

فيه طرح للباصات ومواقفها للمناطق..

عسى اني مانسيت شي ولو فيه اي استفسار حاضرين للاجابه والبنات مابيقصروا
موفقين يارب :106::love080:

لحظه جنون 2011- 9- 3 10:15 AM

رد: الطالبات المستجدات وطموحاتكم خلينا نمشي خطوة للمستقبل
 
قمممر كلامممك صووح يسلمووو :biggrin:

qamr 2011- 9- 3 10:25 AM

رد: الطالبات المستجدات وطموحاتكم خلينا نمشي خطوة للمستقبل
 
اقتباس:

المشاركة الأصلية كتبت بواسطة لحظه جنون (المشاركة 4298239)
قمممر كلامممك صووح يسلمووو :biggrin:

منوررررررررررة لحظه الك وحشه حبيبتي:53:

لحظه جنون 2011- 9- 3 10:28 AM

رد: الطالبات المستجدات وطموحاتكم خلينا نمشي خطوة للمستقبل
 
بنات شدووو حيلكممم وجيبوو معدلات مرتفعه ععششان تفتكوون من اتحوويل من قسم لقسسم مثل حالي اللحين :bawling:انتم جيبو فوق 3 وان شاء الله كل الخيارات والتخصصات مفتوحه لكم :106:

لحظه جنون 2011- 9- 3 10:29 AM

رد: الطالبات المستجدات وطموحاتكم خلينا نمشي خطوة للمستقبل
 
:mh318: مايوحشك غالي :love080:

لولوة الحلوة 2011- 9- 3 08:11 PM

رد: الطالبات المستجدات وطموحاتكم خلينا نمشي خطوة للمستقبل
 
:d5::53::71:
يــآآآآ رب تسسسهل علينــا وعليهههم

مشـتاقة للكليه :love080:
يــآآآآ رب:106:

qamr 2011- 9- 3 08:37 PM

رد: الطالبات المستجدات وطموحاتكم خلينا نمشي خطوة للمستقبل
 
اقتباس:

المشاركة الأصلية كتبت بواسطة لولوة الحلوة (المشاركة 4299683)
:d5::53::71:
يــآآآآ رب تسسسهل علينــا وعليهههم

مشـتاقة للكليه :love080:
يــآآآآ رب:106:

اميــــــــــــــن
انا كمان مشتاقه لها من ايام قياس ههههههههههههه:biggrin:

اتعبني احساسي* 2011- 9- 4 06:40 AM

رد: الطالبات المستجدات وطموحاتكم خلينا نمشي خطوة للمستقبل
 
صباح الخير بنوتات
انا اختكم من الهفوف:mh318:
ومقبوله بكلية الاداب بالدمام
وخايفه ومرتبكه من اول يوم:mh12:
وبيني وبينكم شايله هم السكن:Cry111:
اول شي حابه انضم لقروبكم اذا ممكن؟؟:g2:
وثاني شي حبيباتي اللي عندها معلومه عن سكن طالبات تقولي بلييييييييييز
لاني الى الان مو لاقيه سكن والروحه والجاية يوميا صعبه علي:000:
ويعطيكم الف عافيه


All times are GMT +3. الوقت الآن حسب توقيت السعودية: 11:15 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه