هي المشكلة في النّظام وعند كثير من الطالبات ،
بعد توفيق الله الحلّ المؤقت حاليًّا ، إن المشرفات يدخلون على حساباتهم ويباشرون الطلبات اللي وصلتهم ، بكذا تنحل المشكلة بإذن الله ..
لكن وين المشرفات ؟!
طلبي معلّق له 4 أيّام قيد الدّراسة !
وشعبي تسكرت 7 شعب :/
لازم يوسعون الشعب ، التسجيل بهذي الطريقة فيه ظلم وإجحاف ..
وبعد أتمنّى عمادة القبول والتسجيل تنزل قرار يفيد بأن الصّيفي إجباري لكل المستويات ..
لأن بعض الناس تلعب على حساب غيرها ، على أي أساس الصيفي للسنة العامّة بس ؟!
الصّيفي حقّ لكل طالب جامعي ، خصوصًا للخطّة الجديدة بعد ما صارت المواد متطلّبات لبعض ..
الخطة القديمة ما كان فيه شيء اسمه متطلب ..
وبهذا الخصوص المفروض مع نزول القرار الإلزامي للمتطلبات يرتبط فيه القرار الإلزامي للصّيفي .
طيّب مثلًا أنا ما أبغى أسجل المادة الفلانية لأسباب ، أضطر أسجلها عشان وراها متطلّب :/
حالتنا في كلية الآداب يُرثى لها ..
الله المُستعان .