|
جــيــتــكم..ابي مساعده....!
الســـلام عـــلــــــــــــيــــــــــــــــــكم
جيتكم وانا كولي امل فيكم ياويلي بمووت ابي يقبلوني في كليتكم او جامعتكم<<<<خوش متخرجه من ثانوي المهم ماعلينا ابي اعرف متى مواعيد التسجيل ومتى نهايتها محسوبتكم خبيله في هالاشياء مابي يروح علي التسجيل لاني مابي الا قريب ولاابي ادخل معاهد مادري ليش رافضه فكرت المعاهد من صغري وانا اتمنى ادخل جامعه وادري ان مجتمع الجامعات فيه جد واجتهاد اكثر وهادى الي ابيه وبالنسبه لتخصص علم اجتماع>>مطفوقه صحيح صعب اسمع ناس وايد يقولوا انه صعب وانا ادري ان كل انسان وقدراته وشطارته جننتكم ادري بس معاناه والله يلا ردن علي لاتخلوني بروحي الله يخليكم:Cry111: |
رد: جــيــتــكم..ابي مساعده....!
حبيبتي مواعيد التسجيل موجودة ع موقع الجامعة راح تلقين كل شي :wink:
وبالنسبة للتخصص لا تفكرين فيه من اللحين لسى بدري لين تنقبلين ان شاءالله وتدرسين سنة كاملة تحضيري بعدها تقدري تحددي رغبتك بالقسم اللي تبينة وتميلين له :004: موفقة :rose: |
رد: جــيــتــكم..ابي مساعده....!
انا علم اجتماع واقول لك مو صعب
شوفي الخطة الدراسية حق جامعات الرياض وتعرفين ان دراستنا لعب :cheese: بجد حسيت خطتنا سهلة و موية :bawling: المواعيد موجودة بموقع الجامعة يفتح القبول للطالبات الاربعاء 7-8-1433هـ عاد كملي الباقي من الموقع توكلي على الله :rose: |
رد: جــيــتــكم..ابي مساعده....!
لا من قالك فيه شي عندنا صععب كل شي مويآ مراآ يعني بتتفاجئين سبحان الله :Looking_anim::004:
<- الاخت تنصب وشكرا :rose: وش اسسمه اجل تفكرين بالتخصص الحين اصبري ي وخيتتس لاحححقه لاحققه قدامتس سنه كامله :019: اول كنت مثلتس مشتته افككر بالتخصص وافكر بالجامعه وكم االنسبه اللي يقبلونها القسم وصعب ولا سهل واكتششفت اني تسرعت مره مره مره ع هالاسئله الطويله :24_asmilies-com: الحيين لما يقبلونتس وتدرسين تحضيري افتحي موضوع وبيجاوبونتس بنات علم الاجتماع وربي يوفقتس ي رب وتدخلين كوليتنا الحلوه |
رد: جــيــتــكم..ابي مساعده....!
مواعيد بتلاقيها في موقع الجامعه كالعادة:(269):
اما بالنسبه لقسم علم اجتماع قسم حلو واهم شي تكون لك رغبه في قسم :biggrin: شدي حيلك عشان تدخلي فيه :wink: وبالتوفيق :004: |
رد: جــيــتــكم..ابي مساعده....!
-
اسمعي التسجيل يبدأ يوم الخميس الظهر من الساعه 12 الظهر .. حاولي تكوني من بدري جالسه على الموقع عشان التسجيل :sm5: :004: ولا مو صعب ,, فيه شيء يبيلها جد وفيه شيء بتمشين زي الحلاوه :004: ربي يوفقك :biggrin: :004: |
رد: جــيــتــكم..ابي مساعده....!
ادري اني تسرعت وفكرت في التخصص اقولكم مطفوقه
لما اقولهم بدخل علم الاجتماع يقولي انتي هبله ولا تستهبلي بتروحي تقابلي ناس اعوذ بالله بس انا مقتنعه بالشي هادى ولاني ماشوف نفسي في تخصصات ثانيه نصحوني برياض اطفال انا كريهه مع الاطفال عصبيه نصحوني بمكتبات قلت ماحبه من يوم انا في اول ثانوي قالو لي ادخلي تربيه خاصه بما انها مطلوبه بحثت عنها قالو لي في في التربيه الي في الجبيل بس صعوبات تعلم قالو لي انجليزي محسوبتكم اخبل من الخبله في الانجليزي وماقدر اطلع خارج الشرقيه او اروح الاحساء او شي صحتي ماتسمح لي وانا وجهي مو وجه غربه انزين اسئله ثانيه كيف التعامل فيها(اقصد في الكليه)؟ والنظام؟ انا اختبرت في العلوم والله وحده حطت دوبها ودوبي طول ما انا اختبر وعيونها فيني بس عشان اني حاطه الطرحه ع راسي تفكرني اغش |
رد: جــيــتــكم..ابي مساعده....!
:eek::hahahahahah:
مع نفسسها :tongue: |
رد: جــيــتــكم..ابي مساعده....!
اولا -وعليكم السلام ثانيا -التخصص حطيه ببالك دامك حابته وشدي حيلك بالتحضيري عشاان انتي تحددي تخصصك واذا معدلك ماااش هم يختارو لك واذا حامله موااد --ماتخصصين الا لمى تنجحين والله يوفقك الحين اهتمي بالتسجيل وتأكدي من الرغبااات اللي تناسبك وخليك ع الموقع من بدري لانه احتمااال يعلق وعبي بياناتك صح وع فكره كل اسبوع فيه دفعاات ولازم اذا ماطلع اسمك تسوين تنشيط والا ماتنقبلين ذا التقويم الزمني اللي فوق لشباب وتحت للبنات http://admitportal.ud.edu.sa/standards/article.aspx?articleId=6 وذا موقع الجامعه http://www.ud.edu.sa/DU/index.htm موفقه :004: |
رد: جــيــتــكم..ابي مساعده....!
اذا ع التعامل بتلقين الزين والشين والراقي والواطي والاسمر والابيض المهم انتي امشيء ع النظاام ومحد يكلمك :biggrin: اي استفسار من عيوني |
رد: جــيــتــكم..ابي مساعده....!
اقتباس:
قسم صدقيني رائع اذا بتقابلي حالات زي مايقولون (بتروحي تقابلي ناس اعوذ بالله ) اتوقع مافيها شي لو قابلتي اطفال من ذوي الاحتياجات خاصه ومسنات وايتام وناس محتاجه هذولا ناس اعوذ بالله حرام عليكم ليش الناس تنظر لهذي الفئات انها ولا شي بالعكس يوم قعت معهم وسونالهم برامج ماتعرفون قد ايش استانسوا و فرحوا كفايه بسمتهم ودعوتهم لنا تسوى دنيا ومافيها وماحد بيعرف الي اقولها حتى يجرب الي شفناة قسم علم اجتماع وخدمه اجتماعيه تخصص حلو وجديد وله مستقبل ووظايفه كفايه انهم قررة يكون لنا وظايف حتى بالمحاكم ويكون بعلمك احنا ندرس تخصصين مب تخصص واحد يعني لك مجالين في علم اجتماع مدرسه او مرشدة في مدرسه خدمه اجتماعيه تكوني اخصائيه اجماعيه في مؤسسه وغيرها هذي من ناحيه من ناحيه الكليه وتعامله هذا عاااااااااااادي :(269): لأن اكيد في فرق عن الثنوي في تعامل 180 درجه فعادي بتتعودي اذا دخلتي انشاء الله :(204): ادري صدعت راسك بس ابي افضفض >>هع مع تمنياتي لك بالتوفيق :106: |
رد: جــيــتــكم..ابي مساعده....!
انا متقبله هادي الناس ومافيها شي لو اشوفهم مهما كان ديلين عبيد الله بعد
بس اهم كانو يقصدوا في تفاوت الحالات يعني يكسروا الخاطر يكفي انك راح ترسمي البسمه على شفاههم وسعادة قلوبهم يلا تحمست مابي تحضيري ابي تخصص علطول:004: |
رد: جــيــتــكم..ابي مساعده....!
:biggrin:
|
رد: جــيــتــكم..ابي مساعده....!
واااي ع الناس لاجابوا اخبار مادري شقول
غصب يبون يطيحون قلبي في بطني:sm5: |
رد: جــيــتــكم..ابي مساعده....!
بنات ابي اسالكم
كم النسبه الي يقبلوها ؟:(269): |
رد: جــيــتــكم..ابي مساعده....!
ياحلوك مره متحمسه :71:ذكرتي بحالي
المهممممممممممممممم النسب على حسب البنات المقدمين ونسبهم اذا كانت عاليه او نازله واظن انو آخر شي 69 العام وترى السالفه حظ مو على النسب والله يوفقك وأي خدمه لعيونك جهازين :cheese: |
رد: جــيــتــكم..ابي مساعده....!
بناااااااااااااااااااااااااااااااااااااااااااااااا ااااااااااااااااات
انقبلت معاكم في الاداااااااب:53::53::53::53::biggrin::biggrin: |
رد: جــيــتــكم..ابي مساعده....!
^^^
الللللللللللللللف مبرووووووووووووووووك يالله الحين روحي تقضي للكولج واسستانسسسسي مره مره م فيه احلى من شعور القبول ف الجامعه العام كنت مثلك وسويت مووضوع مثلك ههههههههههههه سبحاان الله مدري ليه احس اني كبرت :Looking_anim: الحين ييبي لك تششدين حيلك ف تحضيري ولا تتهاونين تذاكرين اول بأول المعدل ثم المعدل ثم المعدل لو م تجيبينه م رح يتحقق طموحك :sm1: واذا عندك اي استفسسارات عن تحضيري وكذا انا بالخدممه افتفت لك امم السسنه :biggrin: GOOD LUCK:rose: |
رد: جــيــتــكم..ابي مساعده....!
^ يَ لبى الخدومهه " تذكرت الفصل الاول ايام الامتحانات و موضوعنا ونسهر نذاكر :biggrin: "
مبروك يَ حلوهه و عقبآل الجميع :sm5::004: |
رد: جــيــتــكم..ابي مساعده....!
بنات بسالكم انا اختي نسبتها 73 والرغبه الاولى اداب وحاطين عنده طلب وعند الخفجي طلب مشروط ممكن احد يساعدني شنو يعني طلب وشنو يعني قبول مشروط وموطالعلي تنشيط ممكن احد يفيدني
|
رد: جــيــتــكم..ابي مساعده....!
اقتباس:
يعني ممكن ان بالدفعات الي بعدها تنقبل بالدمام لان الخفجي مو رغبتها الاولى وخليها تشيك كل شوي لين مايخلص القبول عادي خل تودي اوراقها وان شاء الله تنقبل بالدفعات الي بعدها بدمام |
رد: جــيــتــكم..ابي مساعده....!
بناات مو مصدقه انا اني انقبلت عندي اسئله عشان اللبس وهالحركات يعنوو
بالنسبه لتنوره مقيده بلون اسود لو عادي أي لون:mh12:؟ والعباه ضروري عباه راس؟ متى يبدي الدوام عندنا؟واييي شحلاتي اقول عندنا ومشكورين والله ماقصرتوا معاي |
رد: جــيــتــكم..ابي مساعده....!
اقتباس:
عباه راس او عباه كتف بشرط مايكون فيها زخارف يبتدي الدوام مع المدارس بالغالب مافي دوام اول اسبوع بس انتم لازم تروحون عشان تاخذون الجداول و تتتعرفون على المبنى موفقه |
رد: جــيــتــكم..ابي مساعده....!
امممم كويس
مشكوره باربي:119: |
| All times are GMT +3. الوقت الآن حسب توقيت السعودية: 05:14 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام