[ جميع التخصصات ] : اين الرقابه يامسؤلين جامعه الدمام

[**الشوق**]

بنات كل وحده تكتب السلبيات الي تشوفه بالجامعه وانا ببدا :

1/ اولا الكراسي الي تجلسين عليها ماتقومين منها الا جسمك منمل ولا ماتتحركين شوي الا تسمعين الموسيقى الشعبيه مليون صوت ولا اول ماتقومين منه يعض مؤخرتس كانس جالسه في فخ وبعدين ليش من خشب ابي افهم ليه في ناس وصلوا القمر وحنا نجلس ع خشب حنا وصلنا عصر السرعه والتطور مجرد يحطون اسفنج او ع الاقل قطن وتنحل المشكله يعني الحين الدكتورات كراسي ولا اروع وحنا خشب .
2/ابي اعرف الحين الدكتور لمن يشرح يخبي خشتوه وراه؟؟يعني حرمه ووجهك عوره ولا ماستحلى نفسه ولا القوانين كذا ولا شسالفه طيب طلع وجهك لدرجه يطلع يده بس وتعابير الي في الوجه كله تصير في اليد طيب خايفين من الفتنه جيبوا اشين الدكاتره "للعلم في دكاتره قله يطلعون وجيهم ويتميلحون قدام البنات طيب هنا وين دور المشرفه الي 24ساعه ع الجوال
3/ولا رجال الامن الي عند الجامعه في الباركنك ماراح اقول كلهم علشان ماظلم احد نقول بعضهم ايش الي حاطينهم علشان النظام ويحمونى ولا علشان كل واحد يتميلح ويمشي ببطي بالسياره شوفيني تراني اناظر فيس يعني ماراح اصرح اقول مغازله علشان ماظلم بقول شبه مغازله يمكن عينس خانتس يالشووق .
4/وفي البويات ايش اخرتها يعني .
واخر شي بقولكم هذا الموقف يوم الاربعاء رحت لدكتوره فمكتبها وكانت في اجتماع لاجل اسلم لها بحث التحسين المهم قلت بنتظرها لين تخلص الاجتماع والله من الساعه10وشي الى 12:45وانا انتظر الله لايسامحها واخر شي قالت ماراح استلمه ليه؟؟اوكي ماختلف على انها ماخذته مو مشكله المشكله ليه خلتني انتظر كل هذا الوقت وين الاحساس ماعلمنا الاسلام كذا طيب حتى لو في اجتماع بس اطلعيلي 5ثواني وراح عني الباص ورحت البيت 1:20ونمت والله ماقمت الا تعبانه نفسيا وجسديا دخل في جسمي البرد لاني كنت جالسه في جو حار وفجئه نمت في البرد طلعت حرتي كله في النوم ماقول الا الله يذوقها مثل ماذوقتن الله لايسامحها حسبي الله عليها

[السنة التعجيزية]

ههههههههههههههههههههههههههههههههههههههههه
أنا قريت أول سطر وغسلت يدي من الموضوع

[**الشوق**]

شكلك في سنه تحضيري

يعني بس انا الي حاسه بالمعاناه

[السنة التعجيزية]

بطني أوجعني من الضحك

أنتي المفروض تصيرين شاعرة
بس للأسف شاعر التشبيهات عنده مضروبة

[**الشوق**]

الله يسعدك ايش نسوي والله الجامعه سوت فينا المصايب

[نس كآفيه]

1/ ماأحس الكراسي مشكلة كبيرة في سلبيات أكبر من الكراسي ومو محلوله.

2/ الدكتور له الحرية في إخفاء وجهه أو يطلعه لأن في دكاتره نشوفهم, بعدين ماأحسها سلبية كبيرة.

*"للعلم في دكاتره قله يطلعون وجيهم ويتميلحون قدام البنات طيب هنا وين دور المشرفه الي 24ساعه ع الجوال
دكاتره يتميلحون واااو وين صارت هذي وبعدين المشرفه تكون عليك مو على الدكتور.

بالنسبه للدكتوره اللي أخرتك, المفروض تروحين لرئيسة القسم وتقدمين شكوى عليها.

[ابتهال محمد]

الله يعينك ويعين الجميع مافي احد مرتاح

[نودآ]

الدكتورة في اجتماع قلتيها ، كان حطيتيه فوق مكتبها ورحتي

[alaa1]

عادي حبيبتي انا مريضة كان عندي اختبار نهائي غيابة عنه وثاني يوم قدمت لها عذر طبي وقمت وقالت انتي حاملة المادة على انو تقرير طبي يدل اني مريضة ونفسيتي مرة تعبانة اشتكي للرئيسة لقسم ولااحد واقف معي

[fnoony]

لا والله هي صادقه انا ثالث سنه وللحين ماتعودت عالكراسي الخشب
جدا مزعجه وغير مريحه واحنا نقعد بالساعات عليهم واحيانا تسبب لي الام ظهر !!!