ملتقى طلاب وطالبات جامعة الملك فيصل,جامعة الدمام

السلام عليكم..
د.عمر مكحل درسني سنتين وأسئلته مررررررررة واضحة وسهلة، ووقت المحاضرة يقعد يشرح المادة ويجيب قصص من الحياة الواقعية..
بس ما آدري هو درسني نظام مالي و حديث لكني لاحظت أنه يحب علوم الحديث ويسأل عنها كمشاركة وقت المحاضرة.. :cheese:

د. إنتصار العمر تحب الأبحاث ودقيييييقة جداً جداً.. :119:

د. مصلح النجار درسني سنتين.. هي حلوة أسئلته، ويحب الأبحاث والمشاركات ويراعي الطالبات..
وشرحه مرة كويس يجيب لك أمثلة من الحياة الواقعية، وكيف تتعامل البنوك والشركات بس ما يطالبنا فيها كلها، و البنات ناقدينه على هالشي يقولون أنه يطلع برا المنهج.. :000:
لكن هذا شي طبيعي لأننا بنات مرحلة جامعية.. وهذه الأشياء تفيدنا في الحياة الواقعية خصوصاً أن الماده فقه
وطريقته بالمحاضرة أنه يكتب عالسبورة العناوين الأساسية للأشياء اللي بيشرحها بالمحاضرة.. أنصحك تسجلينها لأنها الجزئيات اللي تجي عادة بالإختبار..
ويشرح ويستطرررررد بالمادة ويتبحر فيها لين ما يخلص الوقت وهو باقي بعض الجزئيات اللي كاتبها ما شرحها.. وكله يقول بس خمس دقايق يا بنات خخخخ..:cheese:
وبالاختبارات يحدد عالأشياء المهمة ويجيبها، وبالاختبار النهائي الأسئلة اللي جابها بأعمال السنة ما يجيبها لنا بالنهائي.. وبس..

د. سلطانه شرحها كويس، لكنها تتعمق بالمادة..
أذكر قالت لنا ذاكروا أبيات الألفية واحفظوها.. :000: بس الحمد لله ما جابت لنا منها ولا شي >> كنت ساحبه عليها ولا حفظتها أصلاً :cheese:
وأسئلتها مررررررررررررررررررة دقيقة..

د. عبد الحميد درسني سنتين يحب المشاركات في المواضيع الخارجية التي لا تمت للكتاب بأي صلة.. :hahahahahah:
وبالمحاضرة ما يشرح من الكتاب، يعني يتطرق للأشياء الموجودة بالكتاب بشكل بسيييييط بعدين يتكلم عن اللي صاير بهذا الزمان.. ويجيب لك المشاكل اللي صايرة بالعالم في هالوقت.. أحس أنه موسوعة ما شاء الله عليه.. :cheese:
بس مشكلته أنك ما تعرفين تذاكرين المادة لأنه ما يقول وش يبي بالضبط.. ويقول أن الدراسة من هالكتاب القديم نظام فاشل.. وأننا طالبات جامعيات لالزم نكون مثقفات وواعيات.. وإذا جينا نذاكر لازم نقرأ الكثير من الكتب والمقالات حتى قال لنا دخلوا النت واقروا.. روحوا المكتبة واقروا.. يعني هو كلامه صح وما عندي أي مشكلة فيه لكننا متعودين على حشو المعلومات فقط من غير ثقافة.. :cheese:

هذول كل الدكاترة اللي أعرفهم.. أتمنى أني أكون أفدتك.. وآسفة إن طولت.. :119: