المشاركة الأصلية كتبت بواسطة celina (المشاركة 775544)

مااحس كلمة تافه حلوه او تعبر عنا
لان تافه يعني ماله قيمه او دور بالحياه ماله شخصيه ماله راي
او مكانه يعني وجوده من عدمه

انا اشوف اننا جيل مظلوم من عدة نواحي
وبركز من الناحيه العلميه

يعني جيل انظلم في عدة امور منها :

1/ حقه في اختيار مجال دراسته او تخصصه اللي يحبه
نظر لقلة التخصصات فـ يضطر يدخل اي تخصص دون حب او رغبه اكيد انه انظلم
واكيد ماراح نشوف منه عطاء ولا دور ايجابي لمجتمعه ، عكس لو اتاحة جامعاتنا
له الفرصه ووفرت لنا التخصصات والمجالات الواسعه اللي تحتضنا " وهي قادره على هالشي "
راح يبدع هالشخص ويكون له دور ايجابي له ولمجتمعه

2/ انظلم في اختيار المكان المناسب اللي يدرس فيه
فـ مثلا بعض المناطق عندنا ماتلاقين فيها كليات او جامعات فـ البنت لمن تسجل
تلاقي نفسها مثلا بجامعة الدمام وهي عايشه بالجبيل او الاحساء او النعيريه .. ألخ
فهنا انحرمت من اول شي من احساسها بالامان - احساسها بالغربه - البعد عن اهلها
- اخيرا عطائها راح يقل ، واخر شي تلقى نفسها بالبيت وتاركه الجامعه وتكون خسرت كل شي .


3/ انظلم في ابداء وجهة نظره وانو يلاقي مسؤول يسمعه ويفهمه ويقدر هالانسان
اللي يتعلم ، قرارت وانظمة صارمه وقاسيه بحق الطلاب دون مرعاة لامور كثيره
فـ يلاقي الطالب انه مجرد أله تعمل تحت أوامر ويستجيب دون ادراك او احساس لهالشي ..



4/ أنظلم بـ حرمانه من حقوقه بـ وضع قوانين تكون كـ حاجز ضد الطالب لمواصلة تعليمه
يعني مثلا قانون ، كـ مثال مثلا الجامعه تحتاج لـ نسبة 80 حتى تدخلها ولو البنت نسبتها 79.5 ماتدخل
طيب مو حرام فرقت النص ؟؟ < والله اعرف ناس كذا

غير كذا المواد درجة النجاح 60 وتجي الدكتوره او الدكتور يقول اللي تجيب 59.5 بمزاجي اذا بعطيها
النص وانجحها او ترسب ، هذا مو ظلم .. ؟

وكـ أننا أرتكبنا جريمه بحقهم نستحق ان نعاقب عليها
الله غفور رحيم ويرحم عباده وهو الرب والخالق واللي احنا بحاجته
ادخل ناس الجنه مع ان مصيرهم النار لكن من واسع رحمته رحمهم


وانتوا يااعضاء هيئة التدريس بيدكم الجنه يعني .. ؟


5/ انظلم من وجود جامعات تهتم فيهم وتقدر عقولهم فـ يلجأون للخارج
وبالأخير الغرب تحتضن هؤلاء السعوديين وتستخدمهم لمصلحتها
واحنا راح نظل متخلفين وطاقة ابنائنا وعقولهم بالخارج ولغيرنا !!


وبس هذا اللي عندي
مع انو لو اتكلم من هنا لبكره ماراح اخلص

واسفه لو شطحت عن الموضوع :000: