|
رد: عندك انذار فصل تعالي شووي
بنات المعدل اللي فوق هو التراكمي الكلي فقط لسنه تحضيري
بس حنا يادفعه 2009 هو التراكمي حق هالسنه فقط <~ ماحسبوا معه حق السنه اللي راحت المعدل التراكمي الكلي هو اللي اخر شي واحيان مايكون انحسب لبعض المواد لانها تكون توها طلعت نتيجتها فأفضل حل احسبيها انتي اجمعي نقاطتس كلها حق كل سمستر مع بعض واقسميها ع مجموع كل الساعات اللي خذيتيهاا بكل سمستر مع بعض |
رد: عندك انذار فصل تعالي شووي
من جد المفرووض فررصه اخيرره للبنات طيب حاولو لا تيأسوون وانشالله احد بيسمع لكم
|
رد: عندك انذار فصل تعالي شووي
ساره تكفين قوليلي كيف مافهمت يعني الحين المعدل الي تحت هو خلاص معدلي الي هو معدل اتراكمي
طيب انا في في بداية الصفحه معدل 1:77 ومعدلي التراكمي الي تحت 1:51 كيف :( |
رد: عندك انذار فصل تعالي شووي
المعدل التراكمي اللي تحت هو المهم لانه يحسب المعدل لكل السمسترات اللي درستيها
اما اللي فوق حسب حق هالسنه بس <~ فهو لسنه التحضيري ينعد التراكمي لهم لانهم مادروا غير هالسنه وللمعلوميه المعدل التراكمي اللي تحت احيان مايحسب بعض المواد لانها تكون توها طلعت نتيجتها فما ينحط مع المعدل حتى بعد يوم لان البانر بطيئ يحسب فأفضل احسبيها انتي ع طول الطريقه هي تجمعين كل نقاط المواد لكل سمستر مع بعض وتقسمينها ع مجموع الساعات اللي خذيتيها لكل سمستر مثال :- المستوى الاول :- مجموع نقاط المواد كان 30 والساعات بهالترم 20 المستوى الثاني :- النقاط 40 الساعات 18 المستوى الثالث :- النقاط 35 الساعات 18 المستوى الرابع :- النقاط 32 الساعات 15 المعدل التراكمي :~ مجموع النقاط لكل سمستر = 30+40+35+32 = 137 مجموع الساعات لكل سمستر = 20+18+18+15 = 71 نحسب المعدل التراكمي 137 ÷ 71 = 1.92 |
رد: عندك انذار فصل تعالي شووي
مبروك للناجحات اولآ
والي عندهم انذاراات ووصلوا الانذار الرابع مثل صديقتي اقولهم حظ موفق بناااات وحده من صديقاتي طالع لها انذار اخير (فصل) للعلم انه الرابع وحالة الطالب فعال وهي بتنجن وش بيكون وضعها. |
رد: عندك انذار فصل تعالي شووي
سمرمر وضع صديقتك نفس وضعي بالضبط
خليها تروووح الكليه وتطلب فرصه اضافيه بكرا |
رد: عندك انذار فصل تعالي شووي
طيب يعني نفهم انه الانذار الرابع يكون فصل واله قدامنا فرصة نكمل ؟؟؟؟؟ بليييييز نبغى رد اكيييييد أنا وصديقاتي جالسين على اعصابنا
|
رد: عندك انذار فصل تعالي شووي
انا حالي من حالكم
ودقيت ع وكيلة العلوم ماحصلتها وطلبتهم للاداب مايعرفون ودقيت ع الاستعلامات يعطوني ارقام كلها مشغووول ورحت الجامعه برضوا ما استفدت وش هالحاله |
رد: عندك انذار فصل تعالي شووي
طيب داام كذا مالكم الا حل وااحد ؟ انكم تتوكلوون على الله وتستانسون ذا الاجازه
واكيد بيعطونكم فرصه معقوول يفصلوون ثلاث ارباع بنات الكليه >>> |
رد: عندك انذار فصل تعالي شووي
كيف نستانس واذا سالونا نجحتوا وش نقول واحنا مو عارفين وضعنا اصلا وشو
والله كنت مطنشه بس كل من سالني ماعاد ادري شقول لهم مع هالتعقيد مفروض لما يطلع خبر زي كذا ينشرونه ويوصل للكل مو الواحد يقعد يلاحقهم الين يعرف |
| All times are GMT +3. الوقت الآن حسب توقيت السعودية: 02:52 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام