ماشاء الله عليك تبارك الله يا أوكسجين ،:d5:
يلا بنات بشرح لكم الوسيط :cheese:

مثال:
28 ، 12، 4 ، 43 ، 19 ، 13 ، 14
أول شيء ترتبين الأعداد ترتيب تصاعدي "من الأصغر إلى الأكبر"
4 ،12 ،13 ،14 ،19 ،28 ،43
احذفي رقم من اليمين ورقم من اليسار لين توصلين مايبقى لك إلا رقم وحيد في الوسط
وهو 14.

إذا مثلاً حذفتِ رقم من اليمين ورقم من اليسار وبقي لك رقمين تجمعينهم مع بعض وتقسمينهم على 2.

مثال:
12 ،43 ، 13 ،24.
أول خطوة لازم نرتب ترتيب تصاعدي والا يضيع الحل ويصير غلط كله.
نرتب الأعداد من الصغير إلى الكبير
12 ،13 ،24 ،43
طيب بقي رقمين 13 و 24 وش نسوي :g2:
نجمعهم ونقول 13 + 24 = 37
37 نقسمها على 2 = 18.5

مرة سهل ولازم تحفظون القانون اللي هو صفحة 53
وبقوله لكم بإختصار شديد :
إن أي وسيط لازم أول خطوة ترتبين ترتيب تصاعدي أو تنازلي "يعني ترتبين الأعداد من الصغير إلى الكبير أو العكس"
وإذا طلع لك عدد فردي يكون هو الوسيط ،
وإذا طلع عدد زوجي تجمعينهم مع بعض وتقسمينهم على 2 ويصير الناتج هو الوسيط.
بنات اي وحدة مو فاهمة الوسيط تقول لي :106:

دعواتكم.

أوكسجين وأنتِ أبطل ،الله يوفقك يارب :106:
طيب أوكسجين.

مثال 1:
31 ،12 ،28 ،4 ،7.


مثال 2:
21 ، 4 ، 6 ،9.

احسبي الوسيط في المثالين السابقين؟
لاتنسين تكتبين لها القاعدة من عندك لانهم يقولون اللي تكتب القاعدة تاخذ نص الدرجة :cheese:
ولاتلخبطون بين الوسيط والوسط الحاسبي ،الوسيط من اسمه يتوسط الأعداد.

الله يوفقكم.