رد: تجمعات البنات خارج بوابه الكليه
 

صاحبة الموضوع أصبتي صراحة
و أتمنى الموضوع ما يغلق
و اتمنى النقاش باحترام و بحدود وعدم التعدي على احد
عشان النقاش يطول

نصيحة يا بنات التحشم و العباية الساترة و التنورة الساترة و مو شفافة صدقيني هذه مو رجعية و لا تخلف !!!! لاااا
أولا هذااحترام و تقدير لكلام الله و التزامك بقوانينه ثانيا احترام لنفسك و للمكان الي تدرسين فيه ((مجتمع دراسة)) مو عرس ولا ملكة ولا حفلة ثالثاراح تبعدي نفسك من الاحراج و من الامن و ما يمسكونك رابعا راح تبعدين نفسك من كلام الناس الي بتقول ما تربت و الي تقول قليلة حياء و غيره

المواضيع ال كثرت حول الامن
هم صادقين احنا لو ما ناخذ الجوال احنا لو لبسنا تنورة محترمة احنا لو لبسنا عباية محتشمة بيصير كل شيء نظامي

رد: تجمعات البنات خارج بوابه الكليه
 

للاسف اكتشفت انو في ناس وصلوا الجامعه و عقلها صغير و تحتاج رقابه و لسا ما كبرت .. حبيباتي :119: اذا انتوا محتاجين ناس تكون رقيبه عليكم هذا شي راجع لك انتي ..لكن ما تعممين الشي هذا على كل ببنات الكليه .. البنت اللي تفتح عبايتها على قولتك هذا شي بينها و بين ربها و اذا نصحتيها خلاص سويتي اللي عليك لكن سالفة انكم ترجعون اطفال و تجيبون ناس تعلمكم الصح من الخطأ هذي "مصيبه" انا ماني ضد رجال الهيئه ولا ضد الستر ولا ضد حرية الرأي ..لكن انك تجبرين بنات الناس على حاجه انتي متعوده عليها او تربيتي عليها هذا شي ثاني ..
الله يهديك في حاجات عندنا في الكليه المفروض تتصلح اكثر من هذا الشي .. و كل بنت عندها رقابه على نفسها واللي تزودها فيه موظفات الامن مو مقصرين راح يوقفوها عند حدها ... لكن انا فعلا ما شفت اي شي من الكلام اللي قلتيه في الكليه !!!!
ادرسي و استانسي و عيشي حياتك في الكليه و خلي الناس براحتها لان مثل ما قلتي عميدة الكليه هي الراعي او المسؤووله عننا .. لو لاحظت اي شي بدون ما تقولين راح تتصرف و اظن هي افهم مني ومنك في هذي الشغلات
بالنهايه انتي قلتي انك مو ضد حريه الرأي و هذا رأيي .. الله يهدينا جميعا

رد: تجمعات البنات خارج بوابه الكليه
 

يكفي اجرها عند رب العالمين وسوت الواجب
والله يهدي الجميع

رد: تجمعات البنات خارج بوابه الكليه
 

وبعد تقديم النصصصصيحه لها اسسسلوب مممستحيل تسسسمعلك وانتي تنافخين عليها لازم يكون باسلوب وهداوه ع شششان تقتنع ...

رد: تجمعات البنات خارج بوابه الكليه
 

الهيئه على فكره ماوجدت للأطفال على قولتك بالعكس هي لكل انسان ظل عن الطريق
واحنا ماجبرنا احد على شي احنا مهمتنا النصح فقط ومحاوله تعديل اوضاعنا الى الافضل
واذا انتي الله يهداك ماشفتي شي غلط بالكليه فهذه مشكلتك وحدك لاتعممين

رد: تجمعات البنات خارج بوابه الكليه
 

الطفل هو الشخص اللي محتاج انو احد يرشده لكن البنات في الجامعه وصلوا عمر يميزون الصح من الغلط و ممكن بنت تلبس تنوره شفافه تصير احسن مني ومنك لا تحكمي على المظهر و تقولين انها ظلت الطريق .. ما دامت مشكلتي اني ما شفت شي برضو انتي مشكلتك انك شفتي و تحسين فيه شي غلط ,, لا تعممين و انصحي اللي تشوفين و بس :004:

رد: تجمعات البنات خارج بوابه الكليه
 

اي وحده تخلت عن حجابها الساتر قد ظلت وتحتاج من يقومها
والمرأه كلها عوره
وارجعي لحديث الرسول نساء كاسيات عاريات لايجدن الجنه ولايجدن ريحها
مالمقصود بكاسيات عاريات؟؟؟
جااااوبيني
افضل منك في ايش يكفي انهن حرمن الجنه بهذا الباس

رد: تجمعات البنات خارج بوابه الكليه
 

على اي اساس تحكمين اذا حجابها ساتر او لا .. مذاهب اهل السنه و الجماعه اباحت كشف الوجه ما عدا الحنبليه .. هل انتي متوقعه كل الناس على هذا المذهب .. !! مو انتي اللي تحكمين اذا كان ربي حرمهم من الجنه او لا !! لا تصيري سطحيه و تحكمي على المظهر فقط .. ياما بنات متغطين من فوق الى تحت لكن ربي اعلم فيهم .. و وحده يكون حجابها بسيط و مو مرا كويس عفيفه و طاهره ولا احد يقدر يقول عليها كلمه .. ربك غفور رحيم يغفر ذنوب اعظم من كذا ! تتوقعين انه ماارح يغفر ذنب بسيط .. ذنب بسيط مثل الحجاب ما يخليني احكم على انسانه انه في ظلال ..
ماراح ادخل في تفاصيل اكثر الله يهديك و يهدينا جميعا لكن دعي الخلق للخالق .. شكرا لك

رد: تجمعات البنات خارج بوابه الكليه
 

احسكم طلعتو عن الموضوع بزيااده !
الموضوع يتكلم عن التجمع برا وش جاب التنوره الحين ؟
اكثر اكثر اكثر شيء مرره الامن متشددين عليه التنانير !
ماتشوفينهم واقفين لنا برا يشوفو التنوره قبل بطاقتك !!!! ولو انهم اخر الترم خفو عشان الجو والحر وكذا بس برضوا داخل ان شافو شيء مايخلونها وانا عني ماقد شفت تنوره شفافه:Looking_anim:

ربي الي يحدد من ينحرم من الجنه ومين لا , ماتدرين هي البنت وش داخلها وصادقه نوف هي يمكن عند ربي احسن مننا
انتي دراسات وادرى انو مايصير تكفير احد او نقول بينحرم من الجنه وكذا

رد: تجمعات البنات خارج بوابه الكليه
 

الله يهداك يابنت الاجواد بدل ماتساعدينا وتنصحين معانا تقولين كذا
خرجنا من جد عن هدفنا الاساسي
تحيااااااتي لك :(269):