[ السنة التحضيــرية ] : طالبَات التحضيري #مُهم

[[ Hala ]]

-
السلام عليكم ورحمة الله وبركاته..
طالبات التحضيري الجميلات..
فتحوا لكم شُعب جديدة، وعددها 40 شعبة..
لكن فيه تنبيهات مهمّة قبل لا تسجلون، من حساب إحدى طالبات الإرشاد الأكاديمي بتويتر..

1- التسجيل يكون في شُعبة واحدة فقط لكل المواد.
2- مخصصة لكم من شُعبة 1 إلى 40 فقط.
3- شُعبة 40 مخصصة لغير السّعوديات.
4- من سجّلت في شُعبة فوق الـ 40 ( مثل اللي سجلوا بشُعبة 52 أو 60 ... ) تحذفها،
فهذه الشّعب للمستويات الأعلى.
5- بعض المواد في الخطة قد لا تنزل في رقم شُعبتك، ابحثي عن شُعبة بديلة.

موفقات ()

[[ Hala ]]

-

[reem6]

مالقينا شعب كامله او مافيها تعاارض

خلونا على 52 ياااخي وش المشكله صدعنا ونفسيتنا تعبت من هالجامعه الخايسه
احد يعطينا مصدر مووووثوووووق
وشعب كامله بدون تعارض مو يتفلسفون وهم ماينزلون الا زي وجههم

[[ Hala ]]

^
جربتي الشعب الجديدة؟
كلها ما فيها تعارض، والباقية طبيعي فيها تعارض لأنّها مش مخصصة لطالبات التحضيري أصلًا ^^

[reem6]

المشاركة الأصلية كتبت بواسطة [ hala ]

^
جربتي الشعب الجديدة؟
كلها ما فيها تعارض، والباقية طبيعي فيها تعارض لأنّها مش مخصصة لطالبات التحضيري أصلًا ^^

الباقيه لقينا مافي تعارض وكاملة


بس الجديدة كل ماندور يكون فيه مواد ناااااقصة


نبغى نمشي عالقديمة مايصير ولا كيف
ايش المشكله بالموضوع

[reem6]

لازم ناخذ مواد حره ولا لا هالترم

[[ Hala ]]

-

امشي على الشيّ المضمون أفضل d:
سجلي موادك الآن من جديد، أغلب الشعب كاملة ^^
بس لازم من ١ لـ ٤٠ زي ما قلت،

بالنسبة للمواد الحرة ما أدري ايش تقصدين فيها بالضبط..
لكنّ مواد الترم الأول من التحضيري ٩ والأفضل تاخذينها كلها ما تحذفين شيّ ^^

[reem6]

لا كل شوي القى تعااارضوش فايده اذا احنا نختار الشعب واخرتها مانقدر الا على عدد معين محددينه لنا
يلعبون علينا

[[ Hala ]]

-

طيب اهدي الحين ()
واختاري شُعبة مثلًا 1 أو 2 .. أو شعبة 23 علشاني جربتها توّ..
المواد اللي بتاخذينها 9..
انجليزي عام - نحو تطبيقي1 - نظام اجتماعي - فقه السيرة
الصحة واللياقة - تقنية المعلومات - تحرير عربي
+ مبادئ الإدارة ومهارات التعلم والتفكير ( أو ) مبادئ الإحصاء وعلم اجتماع

وشوفي الحين هل فيه تعارض أو لأ ^^

[مرمريشتان]

لو سمحتوا وين اسجل هالشعب !! البيبل سوفت مايفتح عندي