شرح مسائل فقه المواريث لسنه رابعه

[انسه فوشيا]

السلام عليكم ورحمة الله وبركاته

مرحباا بناااات ...

اليوم راح احط لكم شرح مسائل فقه المواريث بشرح الاخت أبشه الله يجزاها خير ماقصرت والله
شرحت المسائل بطريقه واضحه وسهله ..

فحبيت احطه بموضوع مستقل عشان الكل يستفيد..

وهذاا الشرح ..

أصل المسأله سهل جدا
وتطلعينه من الفروض الموجوده في المسأله يعني مثلا لو توفي عن أخت شقيقه وزوج
: 1/2 للأخت و 1/2 للزوج_ أصل المسأله ( 2) أخذناه من مقام الفرضين
طيب لو كان مسأله زوجه وبنت وابن : الزوجه تاخذ 1/8 والباقي للابن والبنت يكون اصل المسأله 8 من مقام صاحب الفرض
هذا لوكان فيه فرض واحد في المسأله

.......

طيب اذا كان فيه فرضين في المسأله :
نشوف كل فرض من أي نوع
والأنواع كالتالي :
النوع الأول :1/2 ، 1/4 ، 1/8 .
النوع الثاني 2/3 ،1/3 ،1/6
اذا كان الفرضين من نفس النوع يعني كلهم من النوع الأول مثلا
1/2 و 1/4 نآخذ الأكبر دائما ، أو 1/4 و1/8 = أصل المسأله هو المقام الأكبر دائما

.........................

إذا ماكانوا من نفس النوع يعني واحد من النوع الأول وواحد من النوع الثاني ففيه قاعده معروفه لابد تحفظ وهي :
1/2 مع أي فرض من النوع الثاني أصل المسأله 6
1/4 مع أي فرض من النوع الثاني أصل المسأله 12
1/8 مع أي فرض من النوع الثاني أصل المسأله 24
وطبعا هذا اذا كان فيه فرضين في المسأله .
مثال : توفي عن زوج ، أختين ش
زوج : 1/2
أختين ش : 2/3
أصل المسأله : 6

:::::::::::::::::::::::::::

طيب اذا كان فيه أكثر من فرضين في المسأله : 3 أو أكثر
مثلا : 1/8 و1/6 ، وا/2
تلاحظين ان 1/2 و1/8 من نفس النوع
و1/6 من النوع الثاني
فنأخذ الأكبر من فروض النوع الواحد اللي هو (1/8) مع الفرض من النوع الثاني الي هو (1/6)
وتبعا لماقلته في القاعده اللي لازم تحفظيها ان 1/8 مع اي فرض من النوع الثاني أصل المسأله يكون : 24

::::::::::::::::::::::::::::::::::::::

طيب اذا ماكان فيه ولا فرض في المسأله !!! كيف أطلع أصل المسأله
وهذا سهل جدا
اذا كان الورثه كلهم عصبه مالهم فرض محدد وكانوا ذكور كلهم :
أصل المسأله = عددهم
مثلا :توفي عن 5 أبناء ذكور (أصل المسأله = 5)
طيب لوكانوا إناث كلهم :
توفي عن 10 بنات أصل المسأله = 10
* وأخيرا لو كانوا بنات وأولاد
تحسبين الولد عن شخصين والبنت عن واحد
مثلا توفي عن 4 أبناء وبنتين
4 أبناء : = ابن =2 ابن =2 ابن=2 ابن=2المجموع 2+2+2+2= 8
بنتين = بنت = 1 بنت= 1 1+1= 2
8+2= (10 )هو أصل المسأله

.................................................. ........

العول سهل جدا
أولا لازم تعرفين ان المسأله اللي يصير فيها عول لازوم يكون أصل المسأله 6 و 12 أو 24
طيب كيف تعرفين اذا فيه عول او لا
تحلين المسأله عادي وتطلعين أصل المسأله بعدين :
تقسمين أصل المسأله على مقام الفروض الموجوده :
مثال : مات عن زوج - أخت ش - أخ لأم
زوج : 1/2
أخت ش : 1/2
أخ لأم : 1/6
ال 1/2 اذا جاء مع اي فرض من النوع الثاني فأصل المسأله = 6
طيب الحين نبي نعرف المسأله فيها عول أولا؟
نقسم أصل المسأله (6) على جميع المقامات :6 تقسيم 2 = 3
و 6تقسيم 2= 3 و6تقسيم 6 = 1
بعدين نجمع ناتج القسمه 3+3+1 = 7 !!!
وأصل المسأله عندنا 6 فنعرف ان المساله أصلها 6 لكن عالت الى 7

.................................................. .

وفيه طريقه عطتنا اياها الدكتوره عشان تتأكدين ان حلك صح
وهي :
انك تضربين الناتج بعد القسمه في (البســط) لكل فرض
3في 1 =3
3في 1=3
1في 1 = 1
3+3+1=7
وبسس

...................................

المسأله الصحيحه :
يعني << السهام على قد الورثه
مثل: توفي عن زوج -4 أخوات شقيقات -
أصل المسأله : 6
زوج: 1/2 6 تقسيم 2=3
4 أخوات ش : 2/3 6تقسيم 3 =2 (2 ضرب البسط (2)) =4
الأخوات عددهم (4) والسهام (4) يعني المسأله صحيح ومايبي لها تصحيح
__________________________________________________ ________
* ملاحظه مهم دائما اذا شفتي أكثر من شخص مشتركين في النصيب تضربين ناتج القسمه في البسط
مثل هنا عندنا 4 اخوات ولما قسمنا على 6 طلع 2 ضربنا في البسط اللي هو 2طلع (4)

.............................................



المسأله اللي يبي لها تصحيح:
أنك تشوفين السهام ماتنقسم على الورثه مثلا يكونون 9 بنات والسهام 6 كيف تقسمينها عليهم ؟
أولا :تشوفين عددهم وتشوفين عدد سهامهم هالعددين فيه شي يجمعهم :
مثلا (4 بنات والسهام حقتهم 8) رقم (4) و(8) في بينهم علاقة ؟
أذا مالقيتي علاقه فهذا معناه انهم بينهم (تباين)
واذا لقيتي بينهم علاقه بأنهم ينقسمون على بعض فهذا اسمه (التداخل)
واذا لقيتيهم ماينقسمون على بعض بس في عدد ثالث يقسمهم اثنينهم هذا اسمه (التوافق)
واللي يهمنا احنا التوافق والتباين
التوافق:
اذا كان عدد السهام ماينقسم على عدد الورثه ولكن فيه رقم ثالث يقسمهم :
تآخذين أصغر عدد يقسمهم مثلا : (12 و30) 30 تقسيم 2 =15 تقسيم 3=5
12تقسيم 2 = 6 تقسيم 3 = 2
تلاحظين اننا لقينا عددين يقسمون ال 12 و30 وهم (3و2) وال 2 أصغر من ال 3 فنآخذه
ونضربه في أصل المسأله اللي عندنا وفي كل السهام الموجوده وب كذا طلعت لنا أصل مسأله جديده وسهام صحيحه وصححنا المسأله
__________________________________________________ ____
طيب اذا كان مالقينا اي رقم يقسم (عدد السهام وعدد الورثه ) يعني بينهم (تباين) :
في هذي الحاله تآخذين عدد الورثه نفسهم اللي مشتركين في نصيب واحد
وتضربينه في اصل المسأله وفي السهام وتطلعين أصل جديد ومسأله صحيحه. يعني لو كان عددهم (7) وسهامهم (3) 7 و3 مابينهم ابد علاقه
! فتاخذين عددهم اللي هو (7) وتضربينه في كل المسأله
__________________________________________________ _____
طبعا فيه شي مهم وهو انك بعد ماتطلعين (الناتج ) لازم تقسمينه على الورثه المشتركين
وتطلعين كل واحد منهم كم ياخذ بالضبط وهذا اسمه (جزء السهم ) يعني قيمة السهم لكل واحد منهم

.................................................. .............

ملاحظه : بنات الدكتوره وداد يقولون انها تقول راح تجيب من المسائل اللي بالكتاب
يعنى مراح تجيب من بره الكتاب فصموا المسائل اللي بالكتاب

:praying:

واتمنى يكون الشرح واضح لكم

وكل الشكر موصول للاخت ابشه فديتهااا


ودي لكم

[الـ سراج]

س: ما هي الدروس المحذوفة ؟ : )



وشكرا عالشرررررررح



والي يبي أشرح له مباشر ؛ )


أو بالكلية أي وقت << من جدي

[سوسو9989]

ابي شرح العادله والقاصره والناقصه الله يعطيك العافيه

[reemala7sas]

عندي اضافات ودي كتبها لكم قبل ما اقفل على النت >>> ايه هين

باذن الله بالليل على 12 ادخل و كتب لكم ملاحظات عامه لحل المسائل

عسى تساعدكم و الحذف الي جاني بكتبه لكم هنا

يسلمووو يا عسل و عطيكم ربي العافية على المجهود الي تشركون عليه

[أقحوان]

شـكــ وبارك الله فيك ـــرا لك ... لك مني أجمل تحية .
عندي استفسار بسيط هل نحتاج تأهيل تربوي بعد التخرج من الكلية ؟؟؟؟؟
الله يسعدكم أريد رد سريع

[الـ سراج]

يفضل يكون عندك تربوي

لأنه يقدم على الآداب


موفقه : )

[reemala7sas]

كنت بنزل شرح اضافي لكن اتوقع الي تم شرحة يغطي كل المسائل

الحذف ما فيه جديد بس راح نرجع و نقول ان مذهب اهل القرابه من صفحة 187 الى نهاية الكتاب محذوفة


احكم المناسخات المطلوب الطريقة الاولي و الثانيه فقط و المسائل عليهم اما الطريقة الثاله غير مطلوبه

تقسم التركة الطريقة الاولي معنا صفحة 146

و بالتوفيق

[um-mybaby]

حلو مره ممتاااز يعطيكي العافيه انسه فوشيا

[Gotcha]

يعطيكم العافية

[Gotcha]

up up up