![]() |
رد: تعريف بطلاب و طالبات كلية الأمير سلطان العسكرية للعلوم الصحية
السلام عليكم
جذاب وحظي تراب انا بصراحه ودي تعطيني معلومات عن كلية سلطان وكيفية الدراسه هل هي نفس نظام الجامعه بالساعات ؟؟انا من خريجات العام وبصراحه كنت مره متحمسه عليها بس ربي ماكتب.......وراح علي السمتر الأول ودخلت السمتر الثاني فيصل بفلوس قسم نظم معلومات اداريه وانا خاطري بهالكليه ماأدري اسجل مع خريجات هالسنه بس عقب الكلام اللي قريته من اعضاء المنتدى خوفوني منها كله ذم فيها بس ياليت تفيدني وتنصحني:Cry111: انتظر ردك بكل فااااااااااااارغ الصبر ............ والله يكتب لنا اللي فيه الخير:s12: |
رد: تعريف بطلاب و طالبات كلية الأمير سلطان العسكرية للعلوم الصحية
الله يكون في عون كل اللي تخرجوا السنه:s3: :Cry111::Cry111:
|
رد: تعريف بطلاب و طالبات كلية الأمير سلطان العسكرية للعلوم الصحية
الحين انا ابي افهم انتوا تمدحون بالكليه ولا تذمون يعني ندرس فيها ولا لا؟
وابي اسال بعد هل فيه اختلاط مباشر بالدراسه ولا لا..؟؟ وامممم وبعد انا سمعت انه لازم كشف يعني بس حجاب صدق الكلام ..؟؟ ارجوا الافاده وشكرا |
رد: تعريف بطلاب و طالبات كلية الأمير سلطان العسكرية للعلوم الصحية
من قال لازم كشف
انا نقابي علي 24 ساعه بالعكس جتهم فتره الي تكشف يعاقبونها لاتسمعين لكلام الناس :017: |
رد: تعريف بطلاب و طالبات كلية الأمير سلطان العسكرية للعلوم الصحية
كل عام وانتم بالف خير
اسف كثير على القطاعه بس كانت لظروف خاصة... عموما لكل من يسأل عن الكلية خصوصا البنات بس اذا تبون تدرسون ثلاث سنوات او خمس سنوات وبالاخير تجلسون ببيت اهلكم انا انصح كل وحده تبيي تضيع وقتها تسجل بالكلية ... طبعا المشكله عندهم بتوظيف البنات بعد التخرج والى هالحين باقي مشكلاتهم عموما انصحك اختي مها انك تسألين الطالبات اللي يدرسن هالحين او اللي تخرجن لانهم راح يفيدونك اكثر مني وغير كذا يكون عندك ثقه بكلامهم بحكم انهم من نفس جنسك.. واتمنى من الاخوات ان يقدمن شرح عن تخصصاتهم بالكلية لتعم الفائده اكثر.. وبالاخير اعتذر لكم كثير على التأخير بالردود وكل سنه وانتم بالف مليووووووون خير يارب |
رد: تعريف بطلاب و طالبات كلية الأمير سلطان العسكرية للعلوم الصحية
لوسمحتم اخواني طلاب كلية الامير سلطان العسكريه للعلوم الصحيه بالظهران انا طالب قبلت بالكليه من دفعة 2008 في الدبلوم ومازلت ادرس الفتره التحضيريه لكن حصل لي ظروف صحيه وهي انني اصبت بالانزلاق الغضروفي بالظهر وقال لي اطباء جراحة المخ والاعصاب في مجمع الملك فهد الطبي العسكري بالظهران التابع للكليه بانه لابد من اجراء عمليه بسرعة في الظهر لاعادة الغضروف الى مكانه لانه يضغط على عصب الرجل واذا لم تتم العمليه بسرعة قد تصاب الرجل بشلل لاقدر الله وعلى هذا الاساس قمت بتاجيل الفصل التحضيري(الفصل الاول) سوالي هو هل سيسمحون لي بالدراسه الفصل الثاني وانهي الفتره التحضيريه للدبلوم وشكرا ارجو ممن عنده الخبره الكافيه مناخواني الطلاب الرد على سوالي والحمد لله على كل حال والى الله ترجع الامور
|
رد: تعريف بطلاب و طالبات كلية الأمير سلطان العسكرية للعلوم الصحية
السلااام عليكم ورحمه الله وبركااته
انا طالب من طلاب كليه الامير سلطان تخصصي عنايه تنفسيه بكالوريس سنه ثانيه ولله الحمد والله الكليه ابووو الفله تدريس انا اشهد انه حلو والحمدلله ماشين بس عندنا دكتور حق الاناتومي هاذا لو يشيلونه تصيير الكليه احسن شي بالعالم هع ولو يشيلوون العساكر اللي عند البوابه اللي زالعين لي من يشووفوني يقولولي حلق تصير الكليه اطلق من هارفرد هههههههه اماا عن التخصص فهوو مطلووووووب جدا لانه قلييييييل حمله البكالوريس في المستشفيات اكثر المستشفيات ما عندهم اخصائيين عندهم فنيين يعني اللي ماخذين دبلووم تنفسي امااا بالنسبه للاخ اللي فووقي اولا الحمدلله على سلامتك اخووي يمكن يخلوونك تكمل دراسه في السنه الجايه لان ما ينزلون مواد حق طالب واحد في السمستر الجاي والله يعيينك واللي يبي يسأل عن اي شي انا حااظر وو دمتم سالمين |
رد: تعريف بطلاب و طالبات كلية الأمير سلطان العسكرية للعلوم الصحية
صباح/مساء الخير للجميع
انا طالبة بقسم السكرتارية الطبية والنسخ الطبي خلصت دراسه الحمد لله وباقي التطبيق ونفتك من قرف الكلية قسمنا رايح فيها والمدرّسين مهوييييييييييييييييييين واساسا قسمنا تابع لنظم المعلومات يعني اسم القسم His/mst والمدرسين كلهم تخصصهم His ومخليمهم يدرسون بنات Mst تخيلو مادة عملي اساسية من اول ما دخلنا القسم والمدرس بس يجي ويقعد ويقول اشتغلو نقول له طيب شلون يقول انتو لازم تعرفون >> طبعا شي طبيعي لانه مو فاهم شي بالسنه الثانيه تغير المدرس وجانا واحد وما فرق عن الاول (( ما اردى من المربوط الا المفتلت )) يجي ويجيب معاه الجريده ومرات آيس كريم من باسكن ويقعد ياكل ويقرا واذا زهق يتصل على الاول هذاك ويخليه يجي يسولف معاه وكم مره نشتكي عند ادارة الكليه وما يسوون شي يوم انكم ما عندكم مدرسين للقسم ليش فاتحينه والله العظيم مره رحت للعميد بنفسي بس قلتله اني من Mst لسه ما بديت كلامي قال اعرف ان الوضع عندكم بالقسم غير مرضي طيب دامكم تعرفون ليش ما تتصرفون يعني بجد شي غريب بس بآخر ترم لنا تغير رئيس القسم وجا مؤسس القسم اللي اسسه وسافر ليش مادري وان شاء الله يتعدل القسم ويستفيدون بنات الدفعات اللي بعدنا لان حاليا نفس الشي هو رئيس القسم بس اللي فاهم والباقي من جنبها هذا غير ان الكليه ضغط الدراسة من ناحيه وضغط الأمن اللي حاشرين نفسهم بكل شي من ناحية ثانيه ولا انا اول مره اشوف كليه ما فيها كافيتيريا ما عندنا غير الكافيتيريا اللي نطق لها مشوار وما تنفتح الا بوقت الغدا لا وتعالي وقعي انك بتتغدين حشا ذلونا بهاللقمه قسم بالله واذا بغينا نجيب لنا اكل من بره بدل اكلهم اللي ماله طعم (( الله يديم النعمه )) يقولون ممنوع الطلبات الخارجيه فيه اكل بالكليه !! وغير ان الطالبه مهضوم حقها كليـــــــــــاً بهالكلية ياما صارت مشاكل بين موظفات وطالبات والسبب الموظفات الهمج اللي جايبينهم وتروح الموظفه تشتكي (( ضربني وبكا سبقني واشتكى )) ويجي انذار مخالفه للطالبة وتنقيص من درجاتها حق الكليه ومن غير طبعا ما ينادون الطالبة ويسمعون من طرفها او يتأكدون من السالفه اعذروني طولت بالكلام بس افضي (بعض) ما في قلبي ع الكليه لان لو بتكلم ما بخلص وطبعا كلية الكرف هذي اكرفو وانهانو وانذلو وبالاخير حتى المكافأة اقل من كلية العلوم اللي يداومون 8 - 12 والله يعلم بيوظفوننا ولا (كلاااااااااااام) |
رد: تعريف بطلاب و طالبات كلية الأمير سلطان العسكرية للعلوم الصحية
اقتباس:
لوووووووووووووووول زين مبروووووووك انك افتكيتي منها هع :mh001: عااد انتو قسمكم من جدددد مسااكين اهم شيي ان جعفر خان كان يدرسكم خخخخخخخخخخ ياا معووده خليها على ربج بس |
رد: تعريف بطلاب و طالبات كلية الأمير سلطان العسكرية للعلوم الصحية
اقتباس:
جعيفر ناط لنا كل ترم بس يالله زين عدلها معانا آخر ترم ونجحنا :cheese: عموما عقبالكم كلكم تتخرجون وتفتكون واللي لسه ما دخل الكليه نصيحه لا يدخلها يروح اي مكان اصرف له احسن من الاحتكار اللي يسوونه لنا بعد التخرج |
All times are GMT +3. الوقت الآن حسب توقيت السعودية: 09:42 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه