|
معلومات مفيده لي ولغيري من الاعضاء
السلام عليكم كيفكم اعزائي إن شاء لله تمام حبيت اكتب موضوع مفيد لي ولغيري واكيد بيكون عن تسجيل المواد وجدول والبنر والخ..... لأن الطالبات وخصوصاً الجدد مايعرفون كيف يعملون طلب الجامعة والكلية كان المفروض يعملون هالشيء للطبات بما انهم سنة اولى وفي بداية الفصل الثاني والسنوات القادمه هم يعملونه من نفسم كثرت عليكم حكي المهم انا اقول كل وحده عندها معلومه عن كيفية تسجيل مواد دخول البنر ومشاكله والأخطاء واسبابها التي تحصل لما نسجل المواد تنكتب هينا لكي يستفيد منها الكل صحيح مابقى الا كم ساعه من اليوم وغداً إلى الساعة 6 المساء لكن في كثير عندهم مشكله وانا اولهم مشكلي ابقى اعرف كيف اغير اوقات المحاضرات وكيف اقدر اغير مادة يوم الي يوم ثاني اي مادة يوم السبت ابفاها تكون يوم الاحد .. يالله اعضاءالهمه تكفون ابداو من الأن وكل وحده صادفتها مشكله وحلتها واي طالبة عندها مشكله تدخل وتقول شنهي المشكله كلها في ميزان حسناتكم إن شاء الله بما انكم فرجتوا هم البعض ويمكن الكل :praying: تحياتي أحلى بسمة |
رد: معلومات مفيده لي ولغيري من الاعضاء
انا تماااااامااااا نفس المشكله ابغا اغيررر بلييز الله يعافيكم،ــ>:Cry111::Cry111::Cry111:
|
رد: معلومات مفيده لي ولغيري من الاعضاء
يالله بنات الهمه وينكم مو بس انا في بنات بعد مثلي وازيد اي حد يدخل يحل المشكله حتى لو مسؤؤل بالجامعه ماصارت هذي حاله |
رد: معلومات مفيده لي ولغيري من الاعضاء
اناابي اغي جدولي وخصوصا يوم الاحد لان انا ساكنه بدمام وصعبه يوم الاحد يبدا محاضراتي بعد الظهر وصعبه اروح واطق مشوار من الصبح الى الساعه 4:Cry111: ياليت اعرف كيف اغير الوقت
|
رد: معلومات مفيده لي ولغيري من الاعضاء
وأنا برضووو مشكلتي علوم قران ماتسجلت عندي
يقول لي البانر غير متاح والسبب عدم التسجيل فيه أحد مثلي ياريت إذا أحد صادفته نفس مشكلتي تقولي علشان أتطمن مو بس بروحي وأنا المشكله عامه ..!!!!!!! يعطيك العافيه أحلى بسمه |
رد: معلومات مفيده لي ولغيري من الاعضاء
بالتوفيق للجميع
|
رد: معلومات مفيده لي ولغيري من الاعضاء
يااجمااعة الخير
ماافي تغير جدوول وانتوا مو تمشون على الجدول الي في البانر لا على الجدول الي في الكليه كل وحده تاخذ جدولها من الكليه على حسب قسمها وسنتها |
رد: معلومات مفيده لي ولغيري من الاعضاء
تسملين اختي الغالية بنت ابوها ماعملت شيء لكن في حد ملتفت علينا ابداً ولا كأن صاير شيء إن شاء الله تنحل المشكله قبل ماينتهي وقت التسحيل يارب :praying: |
رد: معلومات مفيده لي ولغيري من الاعضاء
هلا اختي **طيف** انتي متأكده ان مافي تغيير جدول مااتوقع هالشيء لأن فيه حذف وإضافة مادة فا اكيد في تغيير وقت المحاضره واليوم ع العموم مشكوره على مرورك الطيب وإلله يكتب الي فيه الحير :praying: |
رد: معلومات مفيده لي ولغيري من الاعضاء
انا مع طيف
هذا التغير والحذف والاضافه لبنات الجااامعه لاتلعبون وتضيفون وتحذفون الا لما تسئلوووهم عشان اللوم مايجي عليكم بعدين وتجي ماده تختبرين فيها وبعدين تكتشفين انك كنتي حاذفتهااا ! لو نقدر نحذف كااان قالو لنا وكان محد داوم الا على كيفه!! اتمنى اكون وصلت الفكره |
رد: معلومات مفيده لي ولغيري من الاعضاء
صادقه بنت الخبر
بس شنسوي إذا الماده اللي عطونا ايأه موراضيه تنسجل بالبانر حسبي الله عليهم مابقى شيء وينتهي التسجل ** أحلى بسمه موفقهـ حبيبتي ** |
رد: معلومات مفيده لي ولغيري من الاعضاء
هلا اختي بنت الخبر خوفتيني من كلامك ماجى على بالي كذا معقوله يعني كان نبهوا الطالبات او كتبوا ملاحظات على كل ورقة يعطونها الطالبات عشان مايعملون شيء وخصوصاً طالبات سنة اولى جدد ومايعرفون شيء إن شاء الله خير والأمور كلها تمام بأذن الله |
رد: معلومات مفيده لي ولغيري من الاعضاء
إن شاء الله خير وكل امورك تمام وماتلاقين مشكله والماده الي ماتسجلت موعندك هالسمستر موفقه حياتوا بنت ابوها وكل امورك تمام |
رد: معلومات مفيده لي ولغيري من الاعضاء
والله ماقصدي اخوفكم قصدي انبهكم <تعرفون يطلعون ستين عذر بعدين:bngo12:
هم اصلا ماقالو لنا ولا علومونا الا على نظام البانر وعلومنا نظري يعني تقعد تقرى الكلام على الفاضي ولا احد فهم:000: |
رد: معلومات مفيده لي ولغيري من الاعضاء
اقتباس:
اي والله صدقتي حياتوا بنت الخبر هذا هم الله يعينكم ويوفقكم |
رد: معلومات مفيده لي ولغيري من الاعضاء
شوفي ياغاليتي حبيت اضيف معلومة ممكن انك اذا اردتي تغير الوقت
ممكن ان تذهبي للدكتور \ة وتطلبي تغير شعبتك في يوم اخر او وقت اخر والل يوفقكم جميعا.. |
رد: معلومات مفيده لي ولغيري من الاعضاء
اقتباس:
تسلمين حبيبتي ج لغـ ة عربيـ ة على مشاركتك وإن شاء الله خير الله يوفق الجميع |
| All times are GMT +3. الوقت الآن حسب توقيت السعودية: 02:45 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام