|
طالبات لغة عربيه
السلام عليكم
كيف الحال بنات لغة عربيه وينكم ؟؟؟؟؟؟؟؟؟؟؟؟؟؟؟؟؟؟ ليه ما اشوف احد موجود ولا وحده عندها خبر جديد او موضوع تحطه لنا بالاول كنتوا تكتبون عن كل ماده وطريقة الاسئله لكن الحين ابدا ما اشوف احد يدخل انا ظروفي تمنعني من اروح الكليه وقدرت اروح امس قلت بحضر محاضره الصرف 2 واروح واجلس بالحر في الاخر ما في محاضره واليوم كلمة القسم اقول لهم في محاضره ولا تقولي تعالي بدري عشان تعرفين شنو الحل معهم ياليت احد يعطينا وجه بعد هذا التعب وما في احد يقدر وفي الاخر نحمل الماده ما اقول الا الله كريم بس ودي من اللي عندها خبر جديد من طالبات اللغه العربيه تبلغنا الاختبارات قربت وانا لا تأشير ولا شي ما اعرف شنو اسوي ياليت القى مساعده ولكم جزيل الشكر وفالكم النجاح يارب |
رد: طالبات لغة عربيه
حبيبتي شجون وجداني
معك الحين قبل الاختبارات اسبوعين تقدرين تدبرين نفسك فيهم إن شاء الله وصدقيني البنوتات في القسم مرره ذوق واحترام تعرفي لك على بنيه وبتساعدك ان شاء الله وانا من ناحيتي مراح اقصر ويآك في أي استفسار واللي اقدر عليه انتي بس آمري ..!! :g8: |
رد: طالبات لغة عربيه
مشكوره يا بنت ابوها ويقطيك العافيه
وربي ادري ان البنات ما يقصرون وفيهم الخير بس انا استغربت عدم تواجدهم بالمنتدى البنات اللي اعرفهم ما يقصرون بس احس للحين ما اعرف شي بالمواد انا سجلت نحو2 صرف2 تحليل نصوص تاريخ تشريع الاصوات اللغة ادب في صدر الاسلام انجليزي2 علم القافيه ياليت اللي عنده معلومات عن المواد يفيدنا حتى لو بطريقة الاسئله في الاختبار مشكوره بنت ابوها ويارب يوفقك |
رد: طالبات لغة عربيه
اقتباس:
والله اعرفه بسدحه لك هنيه وش تبين بعد :cheese: ؟؟ بالتوفيق |
رد: طالبات لغة عربيه
شجون وجداني اليوم كانت في محاضرة نحو2 للانتساب وبصراحه الدكتوره ماقصرت أحذفت بعض الصفحات من درس المبتدأ والخبر وشرحت وعطتنا الاشياء المهمه
وقالت بكره الساعه 8 راح تجي وتكمل باقي المقرر حاولي تحضرين... ودمتي بحفظ الله ورعايته |
رد: طالبات لغة عربيه
:150: السلام عليكم بنااااااااااااااااااااااااااات انا بعد مااقدر اروح الكليه بسبب الظروف وراح اكن متابعه معكم على هذه الصفحه بكل شي جديد وشووووووووووكراااااا :m22asmilies-com: |
رد: طالبات لغة عربيه
الأنجلش معانا من يونت 85 الى 90
والشهري محذوووف ومعانا ملزمه في المكتبه نشريها واخر صفحة فيها اللي هي القطعه الظاهر محذووفه والترجمة مطلووبه |
رد: طالبات لغة عربيه
السلام عليكم و رحمة الله و بركاته راح أكون متابعة معاكم مقدر اروح الكلية الا وقت الاختبارات و كتبي مش مخططه ياليت تفيدوني مثلا ايش محذوف و ايش اللي معانا |
رد: طالبات لغة عربيه
السلام عليكم بنااااااااااات كيف حالكم شنو مسوين هالايام
المعلومه الي عندي كتاب نصوص مختاره في اشياء حذفتها الدكتوره الي معنا فقط نذاكره هو الاحاديث النبويه الشريفه ( برالوالدين) الاحاديث مرفقه قصيده الحطيئه ( كرم عربي ) ص 98 ـــ ـ ـ ـ113 من شعر النقائض لجرير ص 164 ـــ ـ ـ ـ 186 من فن المقامات ص 269 ـ ـ ـ ـ 283 من فن الموشحات ص 301 ـ ـ ـ ـ 325 من الشعر الحر ص 398 ـ ـ ـ 413 والباقي محذوف ويمكن تشوفون في هذي الدروس الي انا قلت عنها تقطيع عروض واعراب وتتسألون هل انذاكرها انا اقول لكم لالالالا لان محذوف تحياتي القلبيه لكم ادعولي:praying: |
رد: طالبات لغة عربيه
الله يوفقك وينجحك يا رب و ينولك اللي في بالك
و يسهل عليك إن شاء الله قولي آمين |
رد: طالبات لغة عربيه
يعطيك العافية
ما تقصررررررين و الله يوفقك يااااا رب :m22asmilies-com: |
رد: طالبات لغة عربيه
التائهه كثر الله خيرك وفااالك النجااح يارب
كنت محتاجه اعرف وش اللي معانا واللي مو معاانا بالنصوص ماقصرتي ياقلبي :love080: |
رد: طالبات لغة عربيه
مرحبا بنات
مشكوره سحر الغروب على المعلومات بس ودي اتأكد من الاعراب لاني أشرت الكتاب من بنت منتظمه وكاتبه على الاعراب معنا ومطلوب اماالعروض محذوف ياليت تأكدون لنا مشكوريييييييييييييييييييييييين ودعواتي لكم بالتوفيق والنجاح |
رد: طالبات لغة عربيه
بنات
انا اقدر احط لكم تصوير مادة نحو2 ومادة الصرف 2 في مركز سعد بالمبرز وراح انزلها يوم السبت اللي تحتاجها تاخذها من هناك دعواتكم لي يابنات ولصاحبة الدفتر وفالكم النجاح |
رد: طالبات لغة عربيه
امممم
صاحبة المعلومات هي التائهه ربي يوفقها مش أنا يا شجون ياليت يا شجون تحددين وين مركز سعد بالضبط من المبرز يعطيك الف عافية الله يوفق الجميع ان شاء الله |
رد: طالبات لغة عربيه
مساء الخير
كيفكم بنات وكيف المذاكره سوري سحر الغروب والله الاختبارات تسوي اكثر من كذا الله يعينا انا راح احط الملزمه انشاء الله يم السبت وراح يكون مركز سعد بالمبرز جنب تسجيلات الظلال الاسلاميه واستوديو الوان القديم في نفس طريق ماكدونالدز اتمنى يكون وصفي واضح راح احط لكم رقم التلفون وله فرع بالهفوف على طريق الجامعه ممكن تطلبون منهم يحطون نسخه بالهفوف والله يوفق الجميع |
رد: طالبات لغة عربيه
الله يوفقك يا رب
عرفت مكانه جزاك الله الف خير |
| All times are GMT +3. الوقت الآن حسب توقيت السعودية: 11:52 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام