ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- منتدى كلية التربية بالجبيل (https://vb.ckfu.org/f61)

- - تخصصات الادبي في كلية الجبيل ؟! (https://vb.ckfu.org/t198504.html)

Јńơŋ,ặłŝђŐq

2011- 6- 30 08:25 PM

تخصصات الادبي في كلية الجبيل ؟!

مراحب بنوتات
كيفكم إن شاء الله بخير
انا حابه احول عندكم بـ الجبيل
على الترم الجاي إن شاء الله ..
حابه اعرف التخصصات الي عندكم بـ (الجبيل / الادبي ).

وكم سنه الدراسه هناك .!

وهل فيه احد بيته بعيد وساكن بـ الجبيل .!
~> مشان استفسر منها بخصوصو كم شغله

شهد العجمي

2011- 6- 30 08:28 PM

رد: تخصصات الادبي في كلية الجبيل ؟!

حبيبتي الدراسه عندنا 4 سنوات .. سنه تحضيري و3 تخصص

التخصصآت الأدبيه ..

أنقلش .. تربيه خاصه .. رياض أطفال..

أنا للأسف مش من الجبيل بس أدرس فيهآ ..

أي شي أقدر أفيدج فيه حاضره ياعسسل:smile:

فراشة الجنة

2011- 6- 30 08:30 PM

رد: تخصصات الادبي في كلية الجبيل ؟!

هلاوالله حياك الله ......................... التخصصات الادبي (تربية خاصة ....رياض أطفال ....لغة انجليزية )

أنا ساكنة في الدمام وتحصصي حاسب الي وتخرجت هذا السنة .................

اي سؤال في انااااااااااا في الخدمة ....والدراسة أربع سنووات ................

اميرة الجوري

2011- 7- 2 04:40 AM

رد: تخصصات الادبي في كلية الجبيل ؟!

انا عندي استفسار اذا ممكن ..
انا طالبة انجليزي بـ كلية الاداب بالأحساء
اسفساري هو :
تخصص الانجليزي عندكم .. ادب انجليزي أو لغة انجليزية ..؟
و هل نفسه بالأحساء و الا يختلف ..؟
و متى التحويل لو ابي احول ..؟

السموحة اختي صاحبة الموضوع

أحيا بفـرح ( )

2011- 7- 2 05:03 AM

رد: تخصصات الادبي في كلية الجبيل ؟!

هلا بك (:
الانجليزي اللي عندنا نفس اللي بالأحساء ..
لكن ما أنصحك تحولين أبد ..
دكاترة الانجليزي عندنا ظلم مررره ..
أعطيك مثال ..
أكثر من وحدة كانت تدرس بالأحساء وكانت تجيب امتياز في أغلب المواد ..
لكن حولت إلى الجبيل وصارت تحمل أغلب المواد !!

باختصار ~
كليتنا ايجابياتها أكثر من سلبياتها في كل النواحي ..
ما عدا في تخصص الانجليزي السلبيات تغطي ع الايجابيات ..

اميرة الجوري

2011- 7- 2 08:27 PM

رد: تخصصات الادبي في كلية الجبيل ؟!

ليييه ..؟ :000:
طيب و اذا كنت مضطرة .. وش اسوي ..؟ :000:

أحيا بفـرح ( )

2011- 7- 2 08:48 PM

رد: تخصصات الادبي في كلية الجبيل ؟!

راح تتعبين كثير .. :icon9:
ما قلت لك هالكلام إلا نصيحة من أخت لك ..

اميرة الجوري

2011- 7- 3 03:28 AM

رد: تخصصات الادبي في كلية الجبيل ؟!

:(
طيب .. و الدمام ..؟

أحيا بفـرح ( )

2011- 7- 3 03:31 AM

رد: تخصصات الادبي في كلية الجبيل ؟!

الدمام ما أدري عنها ..

Јńơŋ,ặłŝђŐq

2011- 7- 4 11:05 PM

رد: تخصصات الادبي في كلية الجبيل ؟!

مشكورين جميعا ووالله يعطيكم الف عافيه ..

اميرة الجوري
هلا بك نورتي الموضوع
انا من وجهة نظري انه الي حاب الشي مافيه شي صعب عليه
المعامله مي سوا والطالبات مي سوا .. فـ كلاَ وَ مجهوودهـ
ادا كنت حابه الشي راح تبدعي فيه
انا في الدمام /
وماشفت دم في الإنجليزي بس كلاَ وَ مجهودهـ
صرتي تمام مع الإستاد/هـ .. راح تمشي ^^

موفقه إن شاء الله

:biggrin:

Јńơŋ,ặłŝђŐq

2011- 7- 4 11:27 PM

اهل تخصصات :أنقلش . تربيه خاصه . رياض أطفال..

اهل تخصصات :
.أنقلش . تربيه خاصه . رياض أطفال.
يليت كل وحده تفيديني عن تخصصها شنو تدرس فيه ..!

الإنقلش :
ادب انجليزي صح .!
وكيف التدريس فيه .!

تربيه خاصه :

افيدوني عنه بليز من ناحية الدراسه والمميزات الي فيه.!
وهل فيه فروع وَ هل تكون بشكل خياري ولا كيف .!
وَ شنو تكون الوظيفه في المتسقبل .!

رياض أطفال :
افيدوني عنه بليز من ناحية الدراسه والمميزات الي فيه .!
وَ شنو تكون الوظيفه في المتسقبل .!

السموحه ادا تعبتكم معاي بس ما ابي اتخصص
شي وانا ما اعرف شنو فيه وشنو مافيه
4 سنين مي لعبه موو :biggrin:

أوتار العشق

2011- 7- 4 11:33 PM

رد: اهل تخصصات :أنقلش . تربيه خاصه . رياض أطفال..

انتي كل يوم حاطه موضوع الله يصلحتس :biggrin:
روحي لموضوعتس الاول واقري الردود , ماقصروا البنات

نآدر وجوي

2011- 7- 4 11:41 PM

رد: اهل تخصصات :أنقلش . تربيه خاصه . رياض أطفال..

جنون الشووق.. هلآ بك يآعسسل..
والله أنا توي مآتخصصت بس اللي أعرفه إنو الآنقلش عن أدب وصوتيات وقرمر يعني مو لغه ..
ورياض الأطفال إذا تخرجتي تدرسين روضه >> بصصرآحه مآ أنصحك فيه إختي الكبيره متخرجه منه وبمرتبة الشرف الثانيه ولـآ لقت لهآ غير روضات أهليييه!!
مع التعب والكرررف اللي كآنت تشوووفه ..
التربيه الخآصه حلوو حسسب كلآم البنآت عنه وهو جديد يعني مآفيه بالشرقيه غير كلية التربيه ..
إنتي آستخيييري وشوفي رغبتك وميوولك وين ..
الله يكتب لك اللي فيه خير يــآرب..

oxygen

2011- 7- 5 02:34 AM

رد: اهل تخصصات :أنقلش . تربيه خاصه . رياض أطفال..

هلا حبيبتي ..

والله شوفي .. كل تخصصات الادبي تقريبن متشابهه خاصه رياض اطفال وتربيه خاصه

الفرق انك تدرسين بين اطفال معاقين واطففال مافيهم شي ..
ونا تخصصي رياض اطفال والله كنت جدا كارهتته .. بس مع الايام حبيته
لانك حتى لو ماتوظفتي راح تستفدين فيه ب المستقبل
والي يقول رياض اطفال ماله مجال هذا خططططاء
وتربيه خاصه مجال كمان حلو بس ترا من زمان مفتوح برياض والاحساء
موفقه

شهد العجمي

2011- 7- 5 02:36 AM

رد: اهل تخصصات :أنقلش . تربيه خاصه . رياض أطفال..

اقتباس:

المشاركة الأصلية كتبت بواسطة أوتار العشق (المشاركة 3971170)

انتي كل يوم حاطه موضوع الله يصلحتس :biggrin:
روحي لموضوعتس الاول واقري الردود , ماقصروا البنات

الصفحات ببلاش:biggrin: خليها ..

انا علمي ياقلبي بس الانقلش يقولون فيه صعوبه ويبيله والبنات يشتكون منه

رياض اطفال تعب وكرف واعمال وبنهايه راتبك لو طار 3 الآلف ولا بعد ممكن ماتلقين الا بأهليه يعني نصوه

التربيه الخاصه متعب نفسيامن وجهه نظري بس راح تتعودي وفيه عمل خير وشي حلو
وله مستقبل وراتبه عالي يعني فوق 5 براحه اول ماتتوظفي ..

يعني احسن قسم التربيه الخاصه من اقسام الادبي والكل يبيه والله يوفقج :119:

وبعيدا عن كل شي شوفي ميولج شنو

اوريو

2011- 7- 6 05:56 AM

رد: اهل تخصصات :أنقلش . تربيه خاصه . رياض أطفال..

اممم انا بقولك عن تجربتي
انا جربت قسم انقلش وقسم تربية خاصة
طبعا قسم الانقلش مااانصحك فية ابد ابد
تحطمت نفسيتي يوم دخلته وعشت حالة مئساوية :mh12:
فلا تدخلينة لا تجيك كأبة :lllolll:

نجي لقسم التربية الخاصة
قسم حلووو ولكن فية تعب كثيييييييرر كثييييييير
يبيلة وحدة نشيطة وشغيله في العروض والابحاث
ومذاااكر اول بأول لانة دســـم عن نفسي
رغم التعب والجهد الا اني اشوفة قسم جدا جميل
بس لازم يكون عندك قوووة قلب تشوفي معاقين وتتعاملين معاهم
والمسار الي راح ندرسة صعوبات تعلم
يعني راح ندرس اطفال عندهم صعوبة في الفهم وحاجات كدا
ولكن كل سنة راح يتغير المسار
يعني انتوا على سنتكم مساركم ماراح يكون صعوبات تعلم
راح يكون مسار ثاني <<<هذا من كلام الدكتورات
يمكن يكون سمعي او توحد او بصري الله اعلـم
وبس هذا الي عندي اتمنى اني افدتك

شموخي بكلمتي

2011- 7- 6 07:27 AM

رد: اهل تخصصات :أنقلش . تربيه خاصه . رياض أطفال..

طيب اوريو كم ماده تاخذو بالسمستر الواحد توصل 7 مواد مثلا

أحيا بفـرح ( )

2011- 7- 6 04:44 PM

رد: اهل تخصصات :أنقلش . تربيه خاصه . رياض أطفال..

^
^
^

ايه نآخذ من 7 إلى 8 مواد ..

وما أتوقع انو المسار يتغير كل سنة ..
لأنو كل الدكتورات الموجودات تخصصهم صعوبات تعلم ..
مش معقولة يجيبون كل سنة دكتورات جديدات ..

وردة نيسان

2011- 7- 6 07:41 PM

رد: اهل تخصصات :أنقلش . تربيه خاصه . رياض أطفال..

مين قال رياض اطفال ماله وظيفه او مستقبل ....

بالعكس انا اعرف بنات تخرجوا من تربيه خاصه بجامعة الملك سعود وطايح حظهم ..

الوظيفه رزق من الله .. استخيري قبل كل شي ولا تشيلين هم الوظيفه

رياض اطفال فروع الروضات واجد بكل مكان خاصة وانهم ناويين عن قريب يحطونها مرحله إلزاميه

عكس تربيه خاصه فروع الوظايف فيه قليل .. شوفي واسالي ورح تعرفين

اصلا ماعندنا مدارس خاصه او جمعيات خاصه للتربيه الخاصه الا قليل مره .. وقتها عاد انتي وحظك

..... لا تهتمين لموضوع التخصص ولا تشيلين همه .. انا اذكر لما كنت بجامعة الملك سعود كانت توصيني المسوؤله الخاصه بالتسجيل تقوللي ترى وزراة التربيه حاطه عينها على الروضات ورح يثبتونها حكومي اختاري رياض اطفال افضلك .. مع ان معدلي كان يسمح لي ادخل تربيه خاصه او غيره

استخيري وامشي حسب مايمليه عليك قلبك

وردة نيسان

2011- 7- 6 07:42 PM

رد: اهل تخصصات :أنقلش . تربيه خاصه . رياض أطفال..

وصح نسيت اقولك تقدرين تتوظفين بعد في الابتدائيه ( اول وثاني وثالث) وفي دار الايتام للاطفال فقط

All times are GMT +3. الوقت الآن حسب توقيت السعودية: 12:34 AM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه