ملتقى طلاب وطالبات جامعة الملك فيصل,جامعة الدمام - الله يخليكم ابي تفيدوني بموضوع عااجل

الله يخليكم ابي تفيدوني بموضوع عااجل

السلام عليكم

حبيت استفسر عن موضوع وان شاء الله الاقي الاجابه عندكم

حبيباتي انا اجلت مو السنه اللي فاتت اللي قبلها كنت حاامل واجلت السنه

وللاسف الشديد السنه اللي فاات مارجعت للكليه لان ولدي بعده صغير ومافي احد قريب مني اخليه عنده

ولاقدمت عذر ثااني لاني كنت متاكده انهم مارح يقبلوه لانه التجيل الاول واناا حاامل وتعبانه يالله

بالقووه قبلوه

انا ماادري اش مصيري الحين يعني فصلوني من الكليه

ولا فيه امل اني ارجع مدري وش السوووه:(

ياليت اللي عندهاا خلفيه تفيدني لاني حاليا ابد ابدا ماقدر اروح للكليه واسال

انتظر ردكم بفااارغ الصبر

دمتم بوود:praying:

رد: الله يخليكم ابي تفيدوني بموضوع عااجل

مازلنا ننتظر الرد

الله يوفقكم ساعدوني

والللي تقدر تسال لاتبخل علي

انتظركم :011:

رد: الله يخليكم ابي تفيدوني بموضوع عااجل

حيأآآآتــي امل الحياة..

ياريت اقدر افيدكـ

ليش ماتداومين وتسألين الشؤون...؟؟

رد: الله يخليكم ابي تفيدوني بموضوع عااجل

حبيبتي مالك الا الشؤون

روحي واسألي ..

كذا تاخذين الجواب الاكيد

وبالتوفيق حبيبتي

رد: الله يخليكم ابي تفيدوني بموضوع عااجل

اهلييين ,
قوليلي الكلام الي تبغيني اقوله للشؤون و ان شاء الله اقدر افيدك ,,
انتظر ردك .. :love080: ..

رد: الله يخليكم ابي تفيدوني بموضوع عااجل

\

\

هلا فيك اختي

شوفي اللائحة وش تقول ..

إذا انقطع الطالب المنتظم عن الدراسة مدة فصل دراسي دون طلب التأجيل يطوى قيده من الجامعة، ولمجلس الجامعة طي قيد الطالب إذا انقطع عن الدراسة لمدة أقل، وبالنسبة للطالب المنتسب يتم طي قيده إذا تغيب عن جميع الاختبارات النهائية لذلك الفصل دون عذر مقبول.

يعني انتي مفصولة لانك انقطعتي عن الدراسة لمدة سنة دراسية كاملة ..

ويتطلب منك هذا الشي إعادة القيد في الكلية وفق اللائحة التالية :-

يمكن للطالب المطوي قيده التقدم بطلب إعادة قيده برقمه وسجله قبل الانقطاع وفق الضوابط الآتية:

أ- أن يتقدم بطلب إعادة القيد خلال أربعة فصول دراسية من تاريخ طي القيد.

ب- أن يوافق مجلس الكلية المعنية والجهات ذات العلاقة على إعادة قيد الطالب.

جـ- إذا مضى على طي قيد الطالب أربعة فصول دراسية فأكثر، فبإمكانه التقدم للجامعة طالباً مستجداً دون الرجوع إلى سجله الدراسي السابق على أن تنطبق عليه كافة شروط القبول المعلنة في حينه ولمجلس الجامعة الاستثناء من ذلك وفقاً لضوابط يصدرها المجلس.

د- لا يجوز إعادة قيد الطالب أكثر من مرة واحدة، ولمجلس الجامعة – في حالة الضرورة – الاستثناء من ذلك.

هـ- لا يجوز إعادة قيد الطالب المطوي قيده إذا كان مفصولاً أكاديمياً.

عشان كذا راجعي الكلية بأسرع وقت عشان تشوفين اللي لك واللي عليك ..

وبالتوفيق

\

\

رد: الله يخليكم ابي تفيدوني بموضوع عااجل

ياحياتي تسلمووون جميعا ع الرد

ماقصرتو والله

يعطيكم العافيه

حبيبتيFoshiah

قوليلهم انه انا اجلت سنه والسنه اللي بعدها ماداومت

اش يكون وضعي مفصوله ولا اقدر ارجع ادوام

واذا فيها احراج لك ياقلبي لاتتعبي نفسك

بحاول اروح الكليه واسال

.....................

super

حبيبتي يعني ع الكلام اللي مكتوب انه اذا مر ع الطالب اربع فصول مادوام يعني سنتين صح

اقدر اسحب ملفي واقدم من جديد

ماعليش تعبتكم معااي

رد: الله يخليكم ابي تفيدوني بموضوع عااجل

امل الحياة ..

لازم تراجعين الشؤون الأسبــــــــوع هذا ..عشان فيه استمارة ((فك القيد)) لازم تعبينها

قالت لي هذا الأسوع أخر فرصه..:love080:

رد: الله يخليكم ابي تفيدوني بموضوع عااجل

مشكووره ياقلبي

والله ماقصرت ياعمري

بجد ماادري كيف اشكرك

وان شاء الله هالاسبوع بروح اشوف

يعطيك العافيه