|
تكفون ساعدوني بالمواد والتسجيل سنة تحضيرية أدبي المستوى الأول
السلام عليكم ورحمه الله وبركاته
أنا قبلت في كلية التربية بالجبيل المستوى الأول وأجلت الترم الأول لأني جديده على الشرقية والجبيل وصادفت وقت زواجي أنا حاليا بدرس بالترم الثاني ولا عارفه وش طريقة التسجيل إخترت تخصص رياض أطفال أدبي وتوني ببدء أدرس السنة التحضرية المستوى الأول أبي أعرف وش موادي حقت المستوى الأول ألي بدرسها وكم ماده وأبيكم تنصحوني بالدكاتره وتعلموني بأنظمة الكلية لأني إطلعت على المواد بالجدول ومالقيت إلا ثلاث مواد تكفون ساعدوني |
رد: تكفون ساعدوني بالمواد والتسجيل سنة تحضيرية أدبي المستوى الأول
مواد المستوى الاول ؛
الثقافة الاسلامية التحرير العربي مبادئ التربية سجليها عند يمنى عتوم مقدمه في التربيه الخاصة سجليها عند إيمان سعيد إنجليزي عام مبادئ علم النفس سجلي عند نهايه غزال الصحة واللياقة لا تسجليها عند شفياء مهارات اتصال سجلي عند منال محروس او نجلاء هوساوي ثنتينهم زينيين دخلي هذا الموضوع يمكن يساعدك التعـــرف على الدكاترهـ والمعيــدآت هناا بالتوفيق :004: |
رد: تكفون ساعدوني بالمواد والتسجيل سنة تحضيرية أدبي المستوى الأول
مواد مستوى اول
مبادئ تربيه خذيها عند يمنى عتوم طيبه وتزيد درجات انا خذيت عندها مبادئ علم نفس نهايه عبدالغزال طيبه بس لو اسألي يمكن تلقين احسن احس انها ما تعطيتس الدرجه الي تستحقينها تنقص عقيده واخلاق مرره يمدحون غزوى لا تسجلين الا عندها مقدمه في التربيه الخاصه خذيت عند مضاوي المدلج صدق ما تشرح بس ما تظلم بالدرجات وكويزاتها سهله صحه ولياقه اذا فيه غير شفياء خذي عنده لانها عصبيه وفجأه تقلب على البنات و دقيقه شوي انجليزي عام لاتفكرين تأخذين الا عند أماني البواردي طيبه طيبه عسسل مره كتابه وتعبير لا تأخذين عند منى اسماعيل شوي ابرار يمدحونها مره مهارات اتصال يمدحون ايمان انا ماسجلت الماده اتوقع مستحيل ينزلون كل هالمواد لانها حقت ترم اول انا شيكت تو الجداول فيه بس انجليزي ومقدمه في التربيه و كتابه وتعبير وعقيده ومهارات اتصال بس و مو كل الدكتورات الي يدرسون الماده فقط 2 ولا 3 انا لو مكانتس بنزل مواد مستوى 2 امشي مع البنات مثل نظام اجتماعي و علم نفس نمو و مهارات بحث و اداره تربويه و تطبيقات حاسب لان الحين يدرسونها كل الدكتورات مو مثل لما تسجليها الترم الي بعد ذا مرح تختارين الدكتوره الي تبينها او يمدحونها بتصيرين مجبره تختارين وحده ولا ثنتين بالكثير يصيرون يدرسون الماده .. ان شاء الله فهمتي علي عدد المواد 8 عادي تنقصين اذا تبين اي استفسار ثاني ;) |
رد: تكفون ساعدوني بالمواد والتسجيل سنة تحضيرية أدبي المستوى الأول
مشكوره يا أختي الله يعطيك العافيه
|
| All times are GMT +3. الوقت الآن حسب توقيت السعودية: 08:55 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه