|
مبروك القبول كلام مهم للمستجدات بالكليه
السلام عليكم ورحمه الله وبركاته * صباح الخير والبركه* رمضان كريم وينعاد عليكم بالصحه والعافيه
.... اتمنى بأن يكون الجميع بخير وبصحه وعافيه :g2: اي شيء يكتب هنا للفائده لكل طالبه مستجده وجديده على كليه التربيه بالجبيل -بنات - سواء كانت سنه تحضيريه او اي مستوى من 3 او 4 او 5 ......... إلخ سوف اتكلم عن:~ 1/ قوانين وقواعد الكليه .. سهله وميسره ممنوع الموبايلات الكاميرا و الملابس الضيقه او الشفافه او القصيره والعبايات المسركشه الملونه الملفته . 2/اللبس المسموح به داخل الكليه .. (تنوره سوداء او كحليه او رمادي الرصاصي او بني +التيشيرتات او القمصان تكون مستوره غير قصيره بكم طويل وغير شفافه ) ويكون لبس معقول لمكان طلب علم ولطالبه علم وبألوان تكون معقوله 3/3 3/المقررات لمستوى الاول (للسنه التحضيريه الفصل الدراسي الأول ) + المقررات لمستوى الثانى(للسنه التحضيريه الفصل الدراسي الثاني . ^ بالنسبه للمقررات تأخذين خطه حسب قسمك (اكان علمى ام ادبي من الشؤون الاكاديمي وتوجد بها عده مقررات (مواد ) وتقومين بتسجيلها ولو واجهي اي مشكله تسألين الشؤون) 4/اسماء الدكاتره اللاتى يٌدرسن كل مقرر من مقررات السنه التحضيريه علم النفس العام +علم النفس النمو (د/نهايه عبدغزال) ومبادئ تربيه (د/يمنى عتوم) اداره تربويه (د/يمنى عتوم ) احصاء تربوي (د/ رائده رشيد + أ/ احلام الغامدي) تربيه خاصه مقدمه (د/ ايمان سعيد وأ / موضي المدلج وأ/ هدى الشامي وغيرهن ) عقيده واخلاق (الثقافه الاسلاميه ) > ا/ عائشه الشمراني وأ/ غزوى العنزي و د / سامح عشماوي تقنيات التعليم (ا/ غاده المطيري و أ/ عذاري المهنا و أ/ تغريد الحارثي ) 5/اسماء افضل دكاتره جربتهن (د / نهايه عبد غزال في المقدمه وككانت افضل دكتوره وافضل انسانه وايضا د/ بمنى عتوم وايضا أ/ هدى الشامي ود ايمان سعيد و ا / تغريد الحارثي 6/اسم عميده الكليه الدكتوره /دلال الشنقيطي جدأ جميله وخدومه :* 7/كلام قصير عن الكافيتيريا و الآمن الكافيتريا/ دائماً مزدحمه اكلها جميل ونظيف لكنه غالى المكان صغير .. الامن / ناس محترمه تتماشى مع القوانين 8/عن الاختبارات (سوف تأخذين 3 اختبارات (الكويز و الميد تيرم والفاينل ) 9/عن تسجيل المواد (تسجيلهم يكون بالنظام وجدا سهل 10/التخصصات المتاحه للقسم الادبي (رياض الاطفال - تربيه خاصه - انجليزي) 11/التخصصات المتاحه للقسم العلمى (فيزياء رياضيات -انجليزي - حاسب 12/نصيحه مني كطالبه انا في كليه التربيه بالجبيل (بالبدايه سوف تحصلين صعوبات ودايماُ تراودك فكره الانسحاب او التأجيل كم ترم لكن نصيحه تغلبي على هذه الافكار وامشي الى الامام وكلك ثقه بنفسك وعززي لنفسك وادعى الله دائما ان يوفقك ويرزقك الدرجات في الدنيا والاخره :verycute: اي استفسارات اطرحيها تحت وشكرا ياجميلات وفالكن التوفيق والنجاح :g2: |
رد: مبروك القبول كلام مهم للمستجدات بالكليه
جزاك الله الخير حبيبتي
بتفكين أزمة بنات التحضيري عساك ع القوة |
رد: مبروك القبول كلام مهم للمستجدات بالكليه
شكرا لك بس .. !
تقولون جوالات الكاميرا ممنوع يعني لوجبت جوالي بياخذوا مني .. طيب ! وش أجيب أجل ؟! |
رد: مبروك القبول كلام مهم للمستجدات بالكليه
السلام عليكم عندي استفسار انا من اهل الجبيل وانقبلت بالنعيريه عادي اول يوم اروح كليه تربيه واكلمهم اخر دفعه وقفت عليها للادبي ٧٧ وانا ٧٦ فرق بسيط :( |
رد: مبروك القبول كلام مهم للمستجدات بالكليه
اشكرك على هالموضوع اللي افادني كثير كوني طالبه مستجده :004:
بس عندي استفسار بسيط الحين انا انقبلت عندكم وتخصصي علمي وابي تربيه خاصه شلون اقدر احول يليت تشرحين لي ؟ واذا كنت بدرس حاسب ماهي لغة التدريس عندكم في الحاسب ؟ وانا من اهل الخبر هل اقدر احول السمستر الثاني الى الدمام ؟ والله يجزاك كل الخير :004::004: |
رد: مبروك القبول كلام مهم للمستجدات بالكليه
اقتباس:
والكلية ماهي مسؤولة عن القبول العميد والمسؤولين هم لهم دخل خلي ولى أمرك يروح للجامعة لقسم القبول ويكلمهم |
رد: مبروك القبول كلام مهم للمستجدات بالكليه
اقتباس:
|
رد: مبروك القبول كلام مهم للمستجدات بالكليه
اول شي اشكر صاحبة الموضوع 🌹🌹
اقتباس:
حبيبتي تربية خاصة للادبي صعب دخوله لطالبات العلمي لكن احيان الشوون يقولون اذا سجلوا بنات الادبي وفيه مقاعد شاغرة بنفتح المجال لطالبات العلمي وطبعا الاولوية لصاحبات المعدل المرتفع :) اما بالنسبة للحاسب اغلب المواد عربي باستثناء البرمجة شي طبيعي الاكواد انقلش :) التحويل بعد دراسة فصلين لكن بإمكانك تقدمين السمستر الثاني زائر والسنه الجايه تحولين 🌹🌻🌹 |
رد: مبروك القبول كلام مهم للمستجدات بالكليه
الله يوفقكم كلكم وهذا واجبي اني اساعدكم
ثاني شيء الكل يسأل عن الجوالات الكامير نعم ممنوعه وجيبي جوال نوكيا او اي شركه وشرط بدون كاميرا ولو عادي ما تحتاجين جوال فلا تجيبين افضل و من ناحيه التخصص للتربيه الخاصه الاولويه لبنات الادبي بس اذا بتسجلين لازم تدرسين كم ماده من مواد الادبي |
رد: مبروك القبول كلام مهم للمستجدات بالكليه
اقتباس:
|
رد: مبروك القبول كلام مهم للمستجدات بالكليه
وانا طالبه مستجده وقبلوني في النعيريه وودي بكلية التربيه عندكم ايش اسوي احد يعلمني :(
|
رد: مبروك القبول كلام مهم للمستجدات بالكليه
اقتباس:
أول شيء مبروك القبول💛 ثاني شيء ؛ مو مشكلة ابدأي داومي بالنعيرية ، بعد مايخلص السمستر الاول حولي للتربية نظام زائر بيقبلونك ان شاء الله |
رد: مبروك القبول كلام مهم للمستجدات بالكليه
اقتباس:
|
رد: مبروك القبول كلام مهم للمستجدات بالكليه
هلا بنات
انا طالبه مستجده ندرس دراسه التحضيريه ونختار التخصص تربيه او رياض اطفال في دي السنه اوالسنه الثانيه تختار التخصص ادا خلصنه التحضيري |
رد: مبروك القبول كلام مهم للمستجدات بالكليه
اقتباس:
يارب فهمتي قصدي |
رد: مبروك القبول كلام مهم للمستجدات بالكليه
اقتباس:
بعدها تبدين تختارين التخصص طبعا على حسب معدل السنه التحضيريه الرياض الاطفال 2 وطالع والتربيه الخاصه 3.5 .. وطبعا النسب مش ثابته :(177): |
رد: مبروك القبول كلام مهم للمستجدات بالكليه
طيب بنات انا سنه تحضيريه متى اسجل المواد والجدول وزي كذا ومن وين
ومن تنصحوني اسجل عنده من الدكاتره |
رد: مبروك القبول كلام مهم للمستجدات بالكليه
اقتباس:
وبالنسبة لسالفة مين أفضل دكتورة هنا المسألة تطول شوية بس عموماً للمواد العامة ، سجلي مبادىء التربية عند يمنى عتوم جداً جداً مُمتعة محاضرتها ، تطلعك من جو المحاضرات بسوالفها وضحكها ، علم النفس اخذته عند ايمان عبدالقادر حليوه ومحاضرتها بعد ممتعه ، بس لازم تحرصين على إنها تعرفك من اول محاضرة لانها تهتم بالصف الاول من القاعه بس ، العقيدة خذيها عند غزوى العنزي جداً جميلة هالانسانه ومتعاونه بالدرجات وتعطي بونص لو درجاتك كانت نازلة ، اما الاحصاء فخذيه عند رائدة وش أقول و وش أخلي عن هالانسانه💜؟ تبسّط لك كل شيءء !! اذا كنتي علمي ، مقدمة الحاسب اخذتها عند سامية طيبة ومتعاونة معك بس مشكلتها الوحيدة شرحها و أسلوبها بالكلاس ينوّمك😥! الاحياء اخذته عند شفياء ما انصحك تاخذينه معها اببد ! وبالنسبة للماث خذيه عند معالي طيبة جداً وشرحها ممتاز💙 وبس هذا بالنسبة لمواد السمستر الاول 💙 |
رد: مبروك القبول كلام مهم للمستجدات بالكليه
أنصدمت يوم قريت انه الاكمام القصيرة ممنوعه :bawling:
اغلب اللي شرته قصيرة الاكمام :icon9: ماعليه ندبر اللبس والجوال تعامل الدكاترة كيف ؟ ورشحولي افضل الدكاترة للمسار العلمي التحضيري :106::004: خصوصا المآث والاحياء :biggrin: وايش مواد التحضيري العلمية :rose: |
رد: مبروك القبول كلام مهم للمستجدات بالكليه
اقتباس:
صباح الخير :004: ! هو يعني الكم القصير مره هو الممنوع يعني فيه الأكمام فوق الكوع بشوي عادي ! تعامل الدكاتره أغلبه حبوب ع حسب حظك و اللي تجين معها ! كيمياء خذته عند دكتورة شيخه بس مانصحك , اخذيه عند الدكتورة الثانيه الفيزياء دكتورة هند القحطاني ياهي شيء جمممميل وتسهل المادة !! الماث دكتورة معالي حبوبه و شرحها بطل ! الأحياء دكتورة ناهد و ابداّ لاتفكرين تاخذين عند شفياء !! مبادئ التربية عند دكتورة نجلاء هوساوي تجنن بمعنى الكلمة :004:! مبادئ علم النفس دكتورة تهاني الجعيد هي اللي جربتها عن نفسي احبها تحب الأشياء المميزه المختلفه الابداع كذا جوها مختلف :004:! العقيده استاذة غزوى العنززي و الا استاذه عايشة الشمراننني جممممال :004:! الإحصاء و هل يخفى القمر ؟ دكتورة رائدة :004::004::004:! هذا المواد اللي في بالي حاليا و تبع السمستر الأول !! و عموما لين تنزل الجداول بداية السنة نشوف الدكاتره اللي بيعطونكم لان يمكن حاطين دكاتره جديده بعد ماندري ! ،’ كل التوفيق لجميع طالبات التحضيري :004: ! |
رد: مبروك القبول كلام مهم للمستجدات بالكليه
السلام عليكم ورحمة الله وبركاته
ربي يسعدك ويوفقك انا انقبلت بالكليه واستفدت منك بس حابه اسال كم سؤال هل لازم اطلع لي بطاقه شخصيه او عادي مع دفتر العائله واول يوم شنو احمل معي وبطاقه الصراف حق المكافئه هم يعطونا ياها او لازم تكون عندنا احنا منقبل وعادي اي بنك ولا لازم بنك محدد وربي يسعدك وياليت تجاوبين علي بااسرع وقت في انتظار ردك |
رد: مبروك القبول كلام مهم للمستجدات بالكليه
اقتباس:
آمين يارب و من قاله > مدري تقصديني و إلا بس بجاوبك :biggrin: ! أول أسبوع دوام رح يكون فيه دورة مهارات الحياه بيعلمونكم فيه كل شيء بالجامعه و نظامها و الدراسه و بتختبرون نهاية الدورة و تنضاف درجة الاختبار حسب علمي لمادة مبادئ التربية المهم أنتي أول أسبوع دوام تروحين للشؤون تعبين ورقة بيانات معلومات عنك مع صورة صغيره لك عشان تصدر لك البطاقة الجامعيه و يعطونك ورقة صغيره اللي تدخلين فيها للدوام لين تستلمين البطاقه :oao: ! أول يوم لا تاخذين شي معك أبد غير ورقة إشعار القبول أظن اللي قالوا لكم اطبعوها وقت التسجيل و قلم و دفتر و صورة من بطاقة العايله للاحتياط بسس ! بالنسبة للمكافآت لا انتي تروحين البنك اي بنك تبين و تصدرين لك بطاقه ثم تدخلين الموقع و تحطين رقم الايبان في مكانه و لازم تنتبهين و انتي تحطينه لان ان سويتي سيف ماعاد تقدرين تعدلين و تصير لك حوسة و تتأخر المكافاه و يُفضل تسوينه قبل بداية الدوام عشان تنزل لك المكافآه بوقتها :love080: ! و بس و أتمنى أفدتك بالشكل الكافي و الواضح :rose: ! |
رد: مبروك القبول كلام مهم للمستجدات بالكليه
اقتباس:
طيب مشكوره حبيبتي ماقصرتي صوره صغيره لي قصدك وانا صغيره ولا الحين وانا كبير ولاكن صغيره واذا كانت مقاس الصوره صغيره كم المقاس وشلون اصور بالعبايه ولا شلون :mh12: ولو سمحتي ممكن تشرحي لي كيفيه ادخال الاي بان وين اروح مااعرف :verycute: ادري بتعبج ويايي سامحيني بس ابدعيلج بكل صلاه اصليها :060::106: |
رد: مبروك القبول كلام مهم للمستجدات بالكليه
لا حبيبتي صورة لك وانتي كبيرة
تتصورين بالشيلة والعباية مقاس الصورة نفس مقاس صورة الجواز أما إدخال الايبان شوفي هذا الفيديو راح يفيدك http://m.youtube.com/watch?v=twVj88eyBv بالتوفيق |
رد: مبروك القبول كلام مهم للمستجدات بالكليه
اقتباس:
شفياء كأنها كانت بالعلوم :biggrin: نحيفه وتلبس نظارات ؟ اذا هي عز الله انك صادقة (استفسر نيابة عن اختي المستجدة ) << متخرجة :biggrin: + التحضيري راح يسجلو مواد ؟ ولا بيكون اول سمستر من الجامعة واللي عقبه هم يسجلون ؟ اقتباس:
:004::004::004: |
رد: مبروك القبول كلام مهم للمستجدات بالكليه
السلام عليكم بنات.. انا الحمد لله قبلوني بالكلية انتظام.. بس صار عندي ظروف ومااقدر اكون انتظام .. اقدر احول انتساب؟؟؟ ومتى يكون .. ؟؟ |
رد: مبروك القبول كلام مهم للمستجدات بالكليه
اقتباس:
يسعدلي قلبك ع هالدعوه , و عسى من قاله يارب :love080:! لا قصدي صورة مقاسها صغير لك و أنتي متحجبة زي ماقالت rawoma ناسيه كم المقاس بس أنتي لاجيتي تصورين قولي لها المقاس الصغير لبطاقة الجامعه و الفيديو بيفيدك كثير للآيبان و إذا ماكان واضح أو محتاجه توضيح اكثر قولي لي و ابشري :rose: ! شدعوه و لو , بالخدمة ربي يوفقك :love080: ! ،’ |
رد: مبروك القبول كلام مهم للمستجدات بالكليه
اقتباس:
و الله ماعندي علم هي وين كانت أصلاَ السنة اللي راحت كانت أول سنة لها هنا :sm5: ! لاحظت ماشاء الله , عقبالنا نتخرج كلنا :biggrin::004: ! + بالنسبة لتسجيل المواد , لا هم بيسجلونه في موقع الجامعه الرسمي راح ينزلون جداول الاقسام كلها و كالعاده أكيد فيه أحد بينزل الجداول هنا الله يجزاها خير التحضيري بالعاده يكون له 7 شعب للعلمي و 7 بعد للأدبي و احتمال تتوسع إذا قفلت المواد و باقي بنات ماسجلوا ! و بعد ينزلون جدول للأيام تبع التسجيل و راح ينحط هنا بعد بإذن الله يعني قصدي اول يوم في التسجيل يكون للمستوى السابع و اللي بعده للسادس و هكذا محطوط في جدول الأيام تبع التسجيل و بالعادة التحضيري يكونون آخر الأيام أهم شيء في الموضوع يحطون المواد في العربه و لمن يجي يومهم يسسون تأكيد بس أتمنى فهمتي علي :biggrin::004: ! وقت التسجيل بيوضح كل شي و بعد فيه فيديو يوضح كيفية تسجيل المواد راح أحطه هنا بإذن الله :004: ! ،’ |
رد: مبروك القبول كلام مهم للمستجدات بالكليه
اقتباس:
و عليكم السلام و الرحمة :004: ألف مبروك القبول :004: ! بالنسبة للإنتساب انا ماعندي علم تقدرين و إلا ! بس راجعي الشؤون أول الدوام ! لكن انتي احتياط سوي اعتذار عن هالترم عشان مايضيع عليك القبول أو يسون طي قيد لك الله يسهل لك أمورك :106: ! ،’ |
رد: مبروك القبول كلام مهم للمستجدات بالكليه
تسلمي وماقصرتي ي عيني
|
رد: مبروك القبول كلام مهم للمستجدات بالكليه
اقتباس:
وربي يسعدكم |
رد: مبروك القبول كلام مهم للمستجدات بالكليه
،'
بعد ماتفتحين ملفك في البيبول سوفت الخدمة الذاتيه > خدمات الجامعه > المكافآت > المكافآت مره ثانيه حطي اسم البنك و رقم الايبان و ثم سوي حفظ هذا الفيديو لطريقة تحديث البيانات و البنك النقطة الثالثه في الفيديو http://m.youtube.com/watch?v=twVj88eyBvM و هذا الفيديو لطريقة تسجيل المواد http://m.youtube.com/watch?v=TitSRcmUNhw بالتوفيق :004: ! ,' |
رد: مبروك القبول كلام مهم للمستجدات بالكليه
ان اعندي سؤال انا طالبة علمي من ثانوي بس سجلت في الدمام في كلية التربية وخلصت السنه التحضيريه بمعدل 4.402
وقدمت تحويل لكلية الجبيل وحطيت الربه الاولى فيزياء هل هذا ممكن والرغبة الثانيه انقلش بس حبيت اتاكد بس هل ممكن يقبلوني فيزياء ولا |
رد: مبروك القبول كلام مهم للمستجدات بالكليه
اقتباس:
إذا انتي درستي المتطلب خلاص يكفي🌸 و بالتوفيق يارب💜💜 |
رد: مبروك القبول كلام مهم للمستجدات بالكليه
يعطيكم العافيه على الموضوع المفيد
عندي سؤال : وشلون اطلع الرقم الجامعي عشان اقدر ادخل رقم الايبان |
رد: مبروك القبول كلام مهم للمستجدات بالكليه
الرقم الجامعي اظن يرسلونه على الجوال اذا ما خاب ظني
|
رد: مبروك القبول كلام مهم للمستجدات بالكليه
شكككرا حبيتي على الموضوع
|
رد: مبروك القبول كلام مهم للمستجدات بالكليه
[caution]null[/caution]
اقتباس:
|
رد: مبروك القبول كلام مهم للمستجدات بالكليه
طيب .. با النسبة لي كاسنة تحضيرية :rose:
أدآوم من أول أسبوع وأول يوم ولا في يوم معين للمستجدات ؟!.. :004: لأن بعض قريباتي إلي با الجامعة قالوا لي تداومين بس يوم واحد هم يحددونه بأول اسبوع فما أدري الأسبوع كلة ولا كيف! :icon9: وشي ثأإأإني .. :060: الرقم الجامعي ايش سالفته .. ما أرسلوه لي وين أحصله ؟ :sm18: |
رد: مبروك القبول كلام مهم للمستجدات بالكليه
اقتباس:
ومن الاسبوع الي بعده راح يبدا دوام عادي وتبدون تحضرون الكلاسات 💜💜 بالنسبة للرقم الجامعي راح يرسلونه لكم اظن وموفقين ياررب🌸💜 |
رد: مبروك القبول كلام مهم للمستجدات بالكليه
نرجع نبثركم وكذآ :$
الحين مالقيت جدوال التحضيري وين القاها ؟؟ دخلت على ملف اختي نفسه اللي سجلت فيه وللحين ماتغير ومانضاف لها اي خيارات نفس الخيارات اللي عندي هل لازم يكون في رقم جامعي؟ وكيف اقدر احصله هالرقم ! ؟ |
رد: مبروك القبول كلام مهم للمستجدات بالكليه
مهارات البحث
ومقدمة الحاسب من افضل الدكاترة :$ ؟ |
رد: مبروك القبول كلام مهم للمستجدات بالكليه
اقتباس:
الجداول للحين ما نزلت سواء تحضيري أو تخصص اي لازم يكون عندك رقم جامعي وهالرقم بتحتاجيه في كل شى تسجيل المواد والاختبارات بعد العيد او قبل يمكن تدخلوا موقع الجامعة تكتبوا السجل المدني وبيطلع الرقم الجامعي واسمج واسم الكلية :rose: |
رد: مبروك القبول كلام مهم للمستجدات بالكليه
حبيباتي المستجدات الرقم الجامعي ممكن تطلعونه من موقع الجامعه بعد العيد انا العام طلعته من موقعهم بعد العيد وموفقيييين |
رد: مبروك القبول كلام مهم للمستجدات بالكليه
اقتباس:
واذا هو وين القاها الجداول بالضبط؟ والله يجزاك الجنة:004: |
رد: مبروك القبول كلام مهم للمستجدات بالكليه
،’
لا كان قصدي منتدى الجامعه الرسمي مايحضرني الرابط حالياً بس إذا دخلتيه بتلاقين نفس نظام الملتقى هذا دوري بالمنتديات منتدى كلية التربية بالجبيل دايم أ.هيا السويلي هي اللي تنزل فيه أي شيء عن كليتنا عموماَ حتى بالحساب الرسمي لهم بالتويتر راح ينزلون فيه قريب الدراسه و صدقيني راح تنزل هنا لإن البنات كل سنه مايقصرون ويـاآك ياارب :rose: ! ،’ |
رد: مبروك القبول كلام مهم للمستجدات بالكليه
اقتباس:
مهارات بحث يدرسونه الدكتورات يمنى عتوم و هدى الروسان كلهم كلامهم كثير بس يمنى تخلص المحاضره اول ماتنتهي شرح عكس هدى تقعد تتكلم مع البنات و ممله شوي بس كلهم يراعون بالدرجات وحبيبات |
رد: مبروك القبول كلام مهم للمستجدات بالكليه
انا مو تحضيري بس باقيلي مادتين من تحضيري - تربيه خاصه ومهاره اتصال- مين افضل دكتوره تدرس هالمواد
|
رد: مبروك القبول كلام مهم للمستجدات بالكليه
سلآم عليكم ’
بنآت عندي سؤآل آلتحضيري كيف يختآرون موآدهم وهل تنزل لهم جدوآل معينة ؟ فيه يوم آوف بِ آلتحضيري ؟ وآللغة آلآنجليزية كيف ؟ ( الموآد تعتمد عليهآ ولآ ) أنآ تحضيري ( أدبي ) |
رد: مبروك القبول كلام مهم للمستجدات بالكليه
اقتباس:
بالنسبة للمواد هو قبل مايفتح التسجيل ينزل بالموقع سبع جداول للادبي وسبعه للعلمي اظن انتي تشوفين المواد و اوقاتها وترتبين لك جدول ، بس يفتح التسجيل تسجلين المواد الي اخترتيهم وبالنسبة للأوف يعتمد عليك انتي وترتيبك للجدول والانقلش راح يكون منهج جددداً بسيط وسهل .. القرامر والڤوكاب اشياء معروفة ، ومايعتمد عليه اي تخصص غير تخصص الانقلش🌸 وبس💜💜 |
رد: مبروك القبول كلام مهم للمستجدات بالكليه
اقتباس:
تربيه خاصه اخذيها عند د.إيمان سعيد مرررة تجنن و تساعد كثير بالدرجات ومهارات اتصال اخذيها عند د.منال محروس ، او نجلاء هوساوي ثنتينهم زينيين ومتعاونات مع البنات بالتوفيق :rose:~ |
رد: مبروك القبول كلام مهم للمستجدات بالكليه
اقتباس:
تعدل الموقع !! خبري فيه انه متهكر ومحد رجع سواه اذا فيه موقع رسمي للكلية ي ليت تحطون اللينك |
رد: مبروك القبول كلام مهم للمستجدات بالكليه
ربي يعطيك العافيه وبميزان اعمالك يارب❤️🌷🌷
|
رد: مبروك القبول كلام مهم للمستجدات بالكليه
اقتباس:
د.هدى الروسان تعاملها جميل وتجيبين عندها معدل مرتفع بإذن الله، وتخليك تفهمين المادة :(204)::004::004: مقدمة بالحاسب: يمدحون من الحاسب د.ليندا و د.رانيا بس ما ادري اذ يعطون المقرر ذا أو لا :16.jpg: |
رد: مبروك القبول كلام مهم للمستجدات بالكليه
^
هدى الروسان تخليك تفهميين !!! خبري فيها بس تهذر عن الأردن إذا تهاني الجعيد تعطي هالماده خذيها عندها أفضل بكثير من هدى الروسان .. |
رد: مبروك القبول كلام مهم للمستجدات بالكليه
اقتباس:
كل شخص وله الدكتور اللي يفضله وأنا د.هدى لإني أخذت معها مبادىء التربية ومهارات البحث و جبت فيهم A+ ويكفي إنها جدًا متعاونة وتتقبل كل الأسئلة بصدر رحب :004: |
رد: مبروك القبول كلام مهم للمستجدات بالكليه
السلآم عليكم.. بنآت عندي كذآ سؤآل :tongue::004::004: أولاً : فهمت نظام اللبس وحاولت أجمع من تويتر والنت إيش المسموح أول لا .. سؤالي صحيح القمصآن و التيشيرتآت محددة بألوآن عندكم / و إيش المعروف ( الدارج ) من المآركآت في الجآمعة ؟ شي ثآني : صحيح البويآت منتشرآت هنآك؟ :139: ثالثاً : فيه أحد يعرف سوآقين من رأس تنورة ثقة ؟ رابعاً : لو أدآوم أول أسبوع بجوآل كآميرآ يمشي الوضع ولآ لآ ؟:icon9: +وبس يعطيكم ألف عآفية :icon1::004: |
رد: مبروك القبول كلام مهم للمستجدات بالكليه
السلام عليكمبضيف سؤال زيادة على اسئلة 2elif
انا سألت بنات يقولون عادي لبس التنورة ميدي! * التنورة القصيرة شوي * صحيح عادي ولا؟ |
رد: مبروك القبول كلام مهم للمستجدات بالكليه
لا القمصان والتيشيرتات مسموح كل الالوان
والتنانير الميدي ممنوع .. بس موب لازم تلبسين تنورة تسحب في الارض يعني تكون للعرقوب مو مشكلة وبالنسبة للبويات .. في كل بيئة فيها الصالح وفيها الطالح سوائا كانو بمظهر بويات او لا .. انا عارفة انو انتي جديدة على (عالم الكلية) وتتخيلينه بشكل معين ويمكن يكون مخيف شوي .. بس ترا كليتنا صغيرة والامن منتشرين في كل زاوية يعني فيه نظام ورقابة تمنع من تسول نفسه السوء هههههههه غير ان البنات بشكل عام محترمات |
رد: مبروك القبول كلام مهم للمستجدات بالكليه
مرحبا يسعدلي صباحكم.
أنا طالبه محوله من خارج الجامعه الكلية التربيه بالجبيل مستوى رابع ابغى اعرف لازم اخذ دورة الحياة الجامعيه او لا ومتى ينتهي الدوام بالكليه ؟ هل هو على فترتين صباحي ومسائي ! وبخصوص الباصات الحكوميه توصل برا الجبيل ؟ |
رد: مبروك القبول كلام مهم للمستجدات بالكليه
مرحبا ديم!
بخصوص الدوره اتوقع انو اذا بتاخذين مادة مبادئ التربيه الأفضل انك تحضرينها لانو هذي الدوره فيها عشر درجات تضاف للماده وبخصوص الباصات مافي باصات حكومية توفرها الكليه في شركات تسجيلين فيها وتوصلك ❤️�� |
رد: مبروك القبول كلام مهم للمستجدات بالكليه
اقتباس:
اذا كانت كليتك مو تربوية فاكيد تاخذي الدورة لان تدخل من ضمن مادة مبادئ تربية اما اذا كانت تربوية فماتوقع الدوام تبدا المحاضرات من 8 الى 2 ويوم واحد بالاسبوع يكون الى 3 اما الباصات للاسف ما فيه حكومية دوري شركة او سواق اذا ماتبغين كثر الله يوفقك :icon19: |
رد: مبروك القبول كلام مهم للمستجدات بالكليه
بنات بسألكم الكليه الثانيه رسلت ان فيه اختبار قبل الدراسة
احنا لينا اختبار ولا ولآ؟ |
رد: مبروك القبول كلام مهم للمستجدات بالكليه
^
لا ماكو |
رد: مبروك القبول كلام مهم للمستجدات بالكليه
السلام عليكم ورحمة الله وبركاته
يعطيك العافيه ياللي كتبتي الموضوع بتفيدينهم مرهه م قصرتي بس جد استغربت التشدد اللي ب الجامعه عكسنا حنا تربيه الدمام الجوالات الكاميرا مسموح فيها بس لو بنطلعها م نرفعها عشان لو رفعناها بتصير مشكله وسحب ومن هالكلام لكن كنا نمر من جنب الامن بجوالاتنا الكاميرا م يقولون شي عالعموم ب التوفييق حبايبي |
رد: مبروك القبول كلام مهم للمستجدات بالكليه
اقتباس:
|
رد: مبروك القبول كلام مهم للمستجدات بالكليه
اقتباس:
واللهي مشكله اذا هم مو واثقين ب طالباتهم وواثقين بالعاملين , معليش اذا بيمنعون عالكل !! عمييد كليات التربيه م يعرف بهالشي اكيد مدامه سامح محد له دخل يمنع الله يعينكم والله |
رد: مبروك القبول كلام مهم للمستجدات بالكليه
لو سمحتو مين تعرف احد حول لمسار ادبي وتخصص رياض اطفال لأني أبي اعرف المواد المتطلبة اخذها قبل اتخصص !!!!! |
رد: مبروك القبول كلام مهم للمستجدات بالكليه
السلام عليكم ..
بنآت نزلت جدآول التحضيري ؟ وإذآ لا متى تنزل؟ |
رد: مبروك القبول كلام مهم للمستجدات بالكليه
يعطيك الله العافيه الموضوع جدا مفيد للمستجدات واللي يسـألون ايضا عن وضع الكليه
كلام مختصر ومفيد عسـآكـ على القوه |
رد: مبروك القبول كلام مهم للمستجدات بالكليه
بنات بغيت اسألكم الساعة كم نجي اول يوم ومتى نطلع :d
|
رد: مبروك القبول كلام مهم للمستجدات بالكليه
اقتباس:
إلا لو عندك شي معين بتسويه مثلاً بتاخذي لوكر أو مشكلة بالتسجيل لا قدر الله أو شي ثاني تعالي 8 عشان تعرفي الانتظار و كذا :icon19: الحين سؤالي كيف الدارج باللبس حالياً عادي ألبس سترتش سكيني و إلا قديم ؟ ما ألبس تنانير بغير الدوام نااادر و ما ودي أصير شاذه عن البنات :Looking_anim: |
رد: مبروك القبول كلام مهم للمستجدات بالكليه
نجي من ١٠ اجل متى يعطونا دورة مهارات الحياة :confused:
|
رد: مبروك القبول كلام مهم للمستجدات بالكليه
اقتباس:
اللي بتكون فيها الدورة ومين استاذتك ومتى وقتها وعقب عاد داومي ع حسب الوقت اللي تبتدي فيه الدورة .. بالتوفيق .. |
رد: مبروك القبول كلام مهم للمستجدات بالكليه
اقتباس:
اشتري قطنيه تكون طايحه احلى او كسرات خفيفه ماتبان بس انيقه :16.jpg: والاغلب يلبسون كذا |
رد: مبروك القبول كلام مهم للمستجدات بالكليه
حاولوا اول يوم تروحون بدري
لان المكان جديد بتحتاجون تلفون شوي عشان القاعات موفقين يا رب :106: |
رد: مبروك القبول كلام مهم للمستجدات بالكليه
اقتباس:
|
رد: مبروك القبول كلام مهم للمستجدات بالكليه
يابنات بخصوص المكافأة ..
الخدمة الذاتيه > خدمات الجامعه > المكافآت > المكافآت مره ثانيه دخلت على الخدمة الذاتية .. بس ما لقيت خدمات الجامعة فقط مو جود خدمات الكترونية شلون ! ؟ |
رد: مبروك القبول كلام مهم للمستجدات بالكليه
اقتباس:
|
رد: مبروك القبول كلام مهم للمستجدات بالكليه
اقتباس:
|
رد: مبروك القبول كلام مهم للمستجدات بالكليه
تيب وش هي المواد الي لتربيه خاصه علشان نقدر ناخذهم فالسنة التحضيريه
|
رد: مبروك القبول كلام مهم للمستجدات بالكليه
المستوى الأول مقدمة في التربية الخاصة والمستوى الثاني علم نفس النمو
|
رد: مبروك القبول كلام مهم للمستجدات بالكليه
وش مقررات تحضيري للترم الثاني ؟ ادبي
|
| All times are GMT +3. الوقت الآن حسب توقيت السعودية: 12:55 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام