|
اللي يحس فيه ذرة رجوله ونخوة يدخل ,(نجد العرب) تنخاكم
بالبداية أتمنى كل من يمر على هالصفحة ويعطرها بمروره الكريم, أتمنى أنكم تحطون كلمه بسيطه منكم ترفعون فيها من عزيمتنا وتعيدون لنا فتيل الأمل الذي يضوي تارة ثم ينذوي تارة أخرى, المسألة ليست مجرد شكوى المسألة ياناس مستقبل وعمر إنكتب عليه الفشل. كلنا نؤمن إن الشكوى لغير الله مذله لكن ما كتبت هنا إلا للفضفضة أبيكم تدملون جراحاتنا بكلماتكم الطيبة. اللي بداء يقرأ الموضوع يتصدق علينا ويكمل القرأه ولا يقول تراكم زودتوها ,هذه أول مره بحياتي أشارك بمنتدى. وأول مره بحياتي أكتب علنا عبر الملاء لكن والله إنها ضاقت الدنيا. مدري من وين أبداء بس تكفون يالرجال المناعير , ياحــــزام عبدالله وسلطان الأمير, تكفوووووون ياقادة التعليم, يا دكاترة يا فلاسفة يا أصحاب الضمير, يا فزعة المظلوم يالرجااااااااال الأجاويد,, يا سلايل أهل التوحيد ,,يا (محمد) يا (عبدالله) يا (سعيد), ما عاد فيها غير الألم , ماعاد فيها صبر, ضاااااقت وساع الفيافي يالربع , ضاقت يا سعيد (العمر) وساع الفيافي والله ضاقت, ضاااااااااقت وساع الفيافي يا عبدالله (الربيش) والله ضاااااااااااااااقت , ضااااااااااقت وساع الفيافي يا محمد(العوهلي ) والله إنهااااااااا ضااااااقت,, ضاااااااااااااااااقت والوعد ترى ماهو متن السفينه, الوعد قداام لا وقفنا بيوم الحساب. أكتب لكم جزء من همومنا , وياليت تسمعوننا,أكتب لكم يا من تربعتوا على قمة عرش الهرم التعليمي, مدري كيف أخاطبكم بس بقول اللي عندي, بقسمنا المهجور , لا نظام ولا آحم ولا دستور, ضااااااايعين وزادنا القهر ضايع, كلكم قرأتم معاناتنا في قسم اللغة الإنجليزية بكلية التربية بالجبيل سنة رابعة. هالمرة ماراح أقول حنا مظلمومين وأعيد نفس الكلام.هالمرة بعطيكم صور حقيقه تجسد جزء من اللي كل يوم نشوفه تفضلوا هاكم صورة طالبه طالبه بقسمنا ولا أحد يقول عيب لاتطلعين الفضايح , ماااااعاد باقي فيها ستر ,,تهتكت كل المبادئي والقيم , إستنزفنا دموع وحرقنا أنفسنا , وفوق كل هذا مستقلنا ضااااع , عشان كذا خذ يا( سعيد العمر ) صورنا , وتفرج عليها ..إذا هذا اللي يسعدك. تخيل معي وياليت تعيشها صورة صورة ... فيه منا اللي تداوم يوميا من الدمام,النعيريه ,ورحيمه,, تطلع كل صبح وهي ( مودعة ) أهلها تعرف يعني وشو معنى الوداع << يعني تطلع وماهي عارفه إذا بترجع والا لا ؟؟ ماتدري وش بيجيها بهالطريق وماغير عيون أمها تدعي تقول يارب تحفظك يابنيتي وترجيعن سالمه... الصورة ذي عاديه لأنها ما هي بنتك. وفيه منا يالسنافي اللي عندها بدال الطفل أربعة وزوجها عن قبيلة تناضل عشان تتخرج لأنها حتى عيالها فاقدين وجودها بالبيت, الصورة ذي عاديه لأنها مو زوجتك, وعندنا يا سعيد اللي عقب نتيجة الترم الأول صابتها حالة نفسية ,تمشي مع نفسها ,تتكلم مع نفسها عقب ماو صلت رابع صكوها بمواد,وأهله رحموها وطلعوها. عادي تجي ليش لا .؟؟ ضريبة الدراسة على قولتكم وفيه منا اللي طموحاتها أكبر من هام السحاب وأحلامها ترتقي من علو لأعلى , وناضلت عشان ماترسب ولا سنة ويوم جت رابع (نقت )ما قصرت ,حملتها مواد وخلتها تفقد حلمها بمرتبة الشرف. بتقول عادي تصير بأرقى الجامعات, وفيه منا يا دكاتره يا أفاضل اللي تناضل عشان أبو مسكين ما عنده مصدر رزق ولا يناظر غير الله ثم بنته اللي وصلت رابع ويحتري تخرجها, بتقول عادي الأرزاق على الله, فيه منا ياعزيزي اللي تجي ووجهها كله إحباط وألم تصبح بوجه (نقت) وتمسي تعالج أخوانها المرضى نفسيين, ماتدري تداوي جروحها وألا تتحمل ضربهم. بتقول عادي الله يشفيها عالجوها, يا عزيزي الصور كثيرة ولا أقدر أحصرها ,, وأنا محدثتكم (نجد العرب) عقب نتيجة الترم الأول والله ما خليت مستشفى ما عالجت فيه وبالنهاية ,نهاية مسيرة التخرج على يدين (نقت ) صرت أتعالج بحبوب ومهدئات نفسية لأن ما صرت أنام , بتقول لا تكبرين السالفة مجرد ضغط نفسي وبروح, يا سعيد يا نخوة دموعنا , يا صاحب الشأن , تكفى ترى تكفى تهز الجاجيل, تكفى بناتك مستقبلهم إنتهى .. تكفى ترى لا قالت (البنت ) تكفى تروح لعيونها رقاب.. تكفى (ياعبدالله الربيش) تكفووووون يا عزوتنا ,, لا تقولون نبالغ وحنا مستوانا زفت,,,إذا فيه خلل فهو مو منا الخلل من الكوادر اللي شفنها ,, الخلل من الأنظمة اللي يوم تطبق وعشرة تهمل, الخلل لا جاك شخص وقعد يهينك ويقول إنتم مستوى الدراسة عندكم ما هو على مستوى عالمي,,الخلل لا تم فرض نظام عالمي فجأه على سنة رابعه والسنوات اللي قبل ما قد سمعنا بهالعالمية,, الخلل لا إنخصم من كل جهد وعمل تسويه أربع درجات تطبيق للنظام العالمي.. ( يا أخي (نقت) فاهمه العالمية بالمقلوب وجايه تقلب مستقبلنا وتسافر... بكيت وبكت أمي معي ,,بكيت من مرارة وقهر .. وصرت كل ليلة أرفع يديني للسماء وأقول (حسبي الله ونعم الوكيل)) بكينا كلنا ,, دفعه كامله نصها باقيات للإعادة والنصف الثاني مهددات على وشك الرسوب.. واللي نجح منا (تصدقت عليه (نقت ) بمقبول . بسألك بالله لا تخرجت طالبة رابع بمقبول؟؟ من بيقبل يوظفها ؟؟ من بيعترف بتعبها وكدها كل هالسنين؟؟ من بيقول لا والله مظلومة أربعين درجة من حقها بكل مادة من مواد (نقت ) راحت بدون سبب. الظاهر آخرتها بنشكر (وزير العمل) على إتاحته فرص العمل للسعوديات (كخادمات) في قطر والكويت ,,لأنه هذه الحقيقه ما فيه أحد بيقبل يوظف (طالبة متخرجه بمقبول) إلا إذا أهل الخليج بكرمهم إستقبلوا بناتكم. يا( سعيد ) لا يقنعونك اللي ما يخافون الله بأنه مستوانا زفت لا يقنعونك بهالخزعبلات.. تدري هم بالضبط وش يبون؟؟ يبغوننا عباقرة لغة ..وهذه صعبه لأنه حتى أهل اللغة نفسهم يثنون علينا جهدنا ومحاولاتنا لأنهم عارفين مدى صعوبة الأدب. يا ناس والله تعبنا وأحلامنا طارت وإنتهينا,, (نقت ) سببت لنا مأسأة ,,ورغم كل هذا تقولون(خوذو الشكوى بموضوعية ولاتصيرون مبالغات) ليش إنتم شفتوا اللي شفنا. (نقت) بغض النظر عن كل اللي سوته معانا .. ما تتعامل بإسلوب لبق بتاتا.. ومعاملتها الجيدة لأشخاص محدودين فقط. يعني إذا البنت عاجبتها ممكن تأخذ وتعطي معها وتوضح لها أخطاءها.. وإذا البنت مو داخله مزاجها تقعد تصاارخ بنرفزة وعصبيه كأننا نشتغل عند أهلها. . خلاص جف الكلام وماتت الأوراق,,. بناتكم يا ( سعيد) ويا( عبدالله ) ويا (محمد) ما صفى منهم مع نقت إلا مابين (20) إلى (30) طالبه من )106( وهالفئه القليلة الباقيه إستقعدت لهم بقوة ,, أضيفوا لذلك 16 ماده ندرسها هالترم بشكل جنوني والمصيبه لا قلنا شي قالوا ) إنتم ياالسعوديات دلوعات) << شكلنا طايحين من عيونهم إذا حنا مو عاجبينهم ليش يدخلون هالبلد من أصله. وكله بكفة والوعود اللي ذبحونا فيها على نتايج التظلم بكفة ومثل ما يقولون الكتاب واضح من عنوانه << ما فيه نجاح عارف ليش؟؟ لأنه في مبداء جائر يقول (المعلم لا يخطئي,, وإن أخطاء فإلتمس له العذر وإن لم تجد له عذر,,فإرمي المصيبه على الطالب)) لكن كلنا نؤمن( أن سهام الليل لاتخطئي) . ما باقي شي كل اللي عندي قلته ,,والله بين كل سطر وسطر دمعة أب يرجي من الله لبنته التوفيق,, بين كل سطر وسطر,,دمعة أم مقهورة على بنتها,, بين كل سطر وسطر زوج يشكي بعد زوجته,, بين كل سطر وسطر شهامة أخ لا إنتخت فيه أخته وقالت ( يا أخوي أنا إنظلمت) ,,بين كل سطر وسطر نرتجيكم يالنشاما لا تخلون مستقبلن بيدين من لا يخاف الله فينا ولا يتقيه,, وآخر كلامي عذرا لأسماءك المبجله إن خاطبتها مجردة دون ألقاب ولكن هذه حقيقة الدنيا فنحن كلنا ابناء آدم وآدم من تراب,, عذرا دكاترتي الأفاضل إن قسوت بكلماتي ولكن أنتم أهل لها وما أخذتم على عواتقكم هذا المسؤولية إلا وأنتم رجال أفاضل, عذرا لمن قرأ همومي على صفحة من بياض ولكن حبري الأسود يعكس مستقبلي الذي تسرم بالظلام . (نجد العرب) تستبيحكم عذرا على دموعها لكن ليس هناك شي ينتظرها غير أسوار وجدران من نار, (نجد العرب ) تتمنى منكم الدعاء لها بالشفاء, أطيب التحايا لكم. |
رد: اللي يحس فيه ذرة رجوله ونخوة يدخل ,(نجد العرب) تنخاكم
والله ان دموعي نزلت ماقول إلا حسبي الله ونعم الوكيل على كل من ظلم مسلم
((تكفى ترا تكفى تهز الرياجيل)) قدها وقدود الدكاتره والعشم فيهم كبير وان شاء الله مايقصرون بحقكم والله يوفقك ويشفيك عاجلآآ غير آآجل ** ماعرفك لكن موضوعك حز بخاطري الشيء الكثير أجل كيف حال اللي عايشين التجربه .. الله ييسرها لكم ويفتحها بوجيهكم وتحققون آمانيكم لاحول ولا قوة إلا بالله |
رد: اللي يحس فيه ذرة رجوله ونخوة يدخل ,(نجد العرب) تنخاكم
جـــــــــــــراح الأمس لن تندمل .:Cry111:
ولكن هناك شمعة أمل لن تنطفئي. شكـــــــــــــرا لكِ عزيزتي على مرورك الكريم, فقد عطرتي زفراتي بكلماتكِ العذبة الرقيقة.. شكـــــــــــــرا لدعاءكِ الذي تسلل إلى عروق قلبي ليعيد فيها نبضا من جديد. لكِ خالص الود وأصدق الدعاء:praying:. |
رد: اللي يحس فيه ذرة رجوله ونخوة يدخل ,(نجد العرب) تنخاكم
ان الله يمهمل ولايهمل
الله يوفقكم ويحقق لكم مرادكم الامور كلها من جرف لدحديره والله لكن كلية الجبيل والله اني سامع من زمان ان اوضاعهم متدهورة والاغرب من ذا كلة مافية اي تفاعل ــــــــــــــــــــــــــ ان الله لايسامحهم ـ |
رد: اللي يحس فيه ذرة رجوله ونخوة يدخل ,(نجد العرب) تنخاكم
|
رد: اللي يحس فيه ذرة رجوله ونخوة يدخل ,(نجد العرب) تنخاكم
الله يصبركم ويعينكم يارب
انا كنت ادرس انجليزي درست سنتين بس من الضغط النفسي تعبت وفصلت الله لايعيدها دراسه قسم جائر بمعنى الكلمه |
رد: اللي يحس فيه ذرة رجوله ونخوة يدخل ,(نجد العرب) تنخاكم
أخي الفاضل جرير الجبيل ....
شكرا على مرورك الكريم وكلماتك الطيبه,, وعلى ما أعتقد كأني قرأت لك مشاركة كنت تقول فيها كليتكم عفستنا مع هالمناهج وطلباتهم اللي تجي فجأه وكل يوم إسم لكتاب,,هذا وإنتم مالكم شغل غير توفير كتب طفشتوا فما بالك فينا حنا كطالبات كل يوم بقرار وأشياء واهية. على أية حال ما نقول غير حسبنا الله ونعم الوكيل . شكـــرا مرة أخرى |
رد: اللي يحس فيه ذرة رجوله ونخوة يدخل ,(نجد العرب) تنخاكم
عزيزتي عالية الهمم ..
لكم طاب لي مرورك وإن دل على شي فيدل على سابغ كرمك.. كلماتكم والله ليست مجرد كلمات وإنما هي دعم بأنكم معنا..كل طالبات رابع ممن عبرن هذه الصفحه يسعدهن مروركم جميعا.. ولكن مااااانرجوه بحق أن تساعدوننا أن يصل صوتنا لحدود مكتب صاحب الشأن... و أن يبادر بالحل السليم فلم يبقى سوى شهرين.:150: شهرين مؤلمة فالدقايق تمر ثقيله ونحتاج لمساعدتكم بنشر هذا الموضوع لعله يصل إليهم :Cry111: شكــترا عزيزتي مره أخرى وتقبلي تحياتي. |
رد: اللي يحس فيه ذرة رجوله ونخوة يدخل ,(نجد العرب) تنخاكم
غاليتي four:love080:
كلنا نبض واحد وقلب واحد,,, أربع سنوات قضيناها مع بعض جعلتنا نؤمن في قدرات بعضنا البعض,,أربع سنوات إجتهدنا,, ناضلنا ,, تحدين صعوبات اللغة ,, صعدنا على سلم النجاح بثقل,, واجهنا تحديات مريرة,, ورغم كل ما أصابنا نتفأل مع إشراقة كل شمس أنه مازال هناك أمل ينسج خيوطه حول قلوبنا,, شددنا همة بعضنا البعض , وصلنا رابع يا four وعندما أردنا أن نتنفس الصعداء أتتنا ساحبة نحس خنقت كل أحلامنا وإختنقنا .. منا من ودعت الكلية للبحث عن بصيص أمل ..والبقة تناضل حتى لاتغرق في ساحل نقت . أتمنى أنكِ بصحه وعافية وأشكر لك مرورك فأنا وأنتي نجسد قضية واحدة وهدف واحد ودعينا نسعى لأن يصل الموضوع بأسرع مايمكن لصاحب الأمر.. شكـــــــرا من أعماقي داعية المولى أن يوفقنا أجمعين:praying: |
رد: اللي يحس فيه ذرة رجوله ونخوة يدخل ,(نجد العرب) تنخاكم
يااعمري انتو ربي يعينكم
وربي دموووعي انزلت وانا اقرا موضوعك :Cry111: مانقول غير حسبي الله ونعم الوكيل ان شاءالله كلامك يوصل للي بيدهم شي يااارب ويوفقكم وتتخرجون وتفتكووون يااااارب الله يوفقكم :love080: |
رد: اللي يحس فيه ذرة رجوله ونخوة يدخل ,(نجد العرب) تنخاكم
الله يعينكم ويسهل عليكم وتتخرجون ان شاءالله
?اللّہ اني بديت اخاف من هالقسم انا ادبي و ناويه ادخل قسم انجليزي بس كل ما اشوف شكاوي البنات اتراجع مدري شسوي انا خاطري بقسم الانجليزي وحلمي اتخرج بمعدل ومرتبة الشرف بس اخااااااف من الباكستانيات وظلمهم :Cry111: |
رد: اللي يحس فيه ذرة رجوله ونخوة يدخل ,(نجد العرب) تنخاكم
والله معك حق انا درست بكليه الجبيل قسم فيزياء مو بس انتو الى تعانون بهالكليه
حتى بنات فيزياء كافحت وحاولت انى اكمل بس للاسف ما قدرت اتحمل الظلم وطلعت يعنى ضاع مستقبلى كنت اسهر الليالى وانا اذاكر على حساب نفسي وبيتى واخرتها اسمع كلام يقولون لى انتى ما تذاكرين مثل الناس والتعب الى اتعبه كل يوم وطلعتى من بيتى الله يعين وربى ينصركم ان شاء الله :Cry111: |
رد: اللي يحس فيه ذرة رجوله ونخوة يدخل ,(نجد العرب) تنخاكم
اخخ بس جبتيها ع الجرح والله انا من طالبات سنه رابع ونقلت على اخر ترم ...تعبنا نفسيا الصراحه وتعبنا واحنا نشتكي على امل من يحل الحال الغريب هذا ... مشكوره .. لكن اقولك انتبهي لنفسك وماتسوى تمرضين عشان ناس مريضه نفسيا ومتخلفه وماعندها قلب ولا رحمه خلي ايمانك بربك قوي وربك مايظلم احد تحياتي Miss.B .. |
رد: اللي يحس فيه ذرة رجوله ونخوة يدخل ,(نجد العرب) تنخاكم
يانجد ما انهبلت ولكن ! أحـس الفــرح يعتريني !؟؟ ابننتصـــر ابننتصـــر . . وبنفرح http://www.sahara.com/images/emoticons/21.gif |
رد: اللي يحس فيه ذرة رجوله ونخوة يدخل ,(نجد العرب) تنخاكم
ان الله يمهل ولايهمل....الصبر مفتاح الفرج اصبري يااختي والله يانصرك على القوم الظالمين ...:praying: واختي تاريخ انا مثلك قسم فيزياء بربي يرفع الضغط هو ومذاكرته وثقيل دم :Cry111:الفيزياء والانجليزي هم القسمين الدمار بالكليه لااحد يدخلهن:017:الله توفق رابع انجليزي ويطلعهم من هالقسم على خير يارب توفق كل وحده وتعطيها على قد نيتها وتحقق احلامهم.....:praying:اي وحده تمر على مشاركتي تكفوووون تدعيلي ان الله يحقق احلامي واللي بالي :s12:تكفوووون:bawling:
|
رد: اللي يحس فيه ذرة رجوله ونخوة يدخل ,(نجد العرب) تنخاكم
ان لم تنصفنا الدنيا فموعدنا معهم في الاخرة على السراط والحكم رب رحيم لاتضيع عنده الحقوق نجد العرب.لم افكر يوما بأننا سوف نكون حديث المنتديات .. لقد عشت معك المأساة لحظة بلحظة.. جميعنا تجرعنا كأس الظلم ..وتقاسمنا الالم نفسة.. ولكن عندما نتذكر بان التوفيق بيد الله وحدة..تهون مصيبتنا .. لان الله اذا اراد شيئا قال له كن فيكون.. فاللهم يامالك الملك ومدبر الامور خذ بأيدينا واهدنا لما فيه صلاحنا وانزل على قلوبنا راحة وطمأنينة وانفعنا بما علمتنا وزدنا علما.. ولا تسلط علينا بذنوبنا من لايخافك فينا ولا يرحمنا |
رد: اللي يحس فيه ذرة رجوله ونخوة يدخل ,(نجد العرب) تنخاكم
:Cry111::Cry111::Cry111:
الله يعينكم يارب |
رد: اللي يحس فيه ذرة رجوله ونخوة يدخل ,(نجد العرب) تنخاكم
مريت اشوف وش الجديد عندكم يانجد ..
انشاء الله ربي يحقق لكم مرادكم .. طمنيني ـ :119: |
رد: اللي يحس فيه ذرة رجوله ونخوة يدخل ,(نجد العرب) تنخاكم
شكرا للجميع وشكرا للتفعلكم الذي أثلج صدري..
أخي جرير أبد على حظة يديك لاجديد ونتايج التظلم مدري متى تطلع.خلصت السنه وهم إلى الآن يسحبون فينا... دعواتكم لنا.:Cry111: |
رد: اللي يحس فيه ذرة رجوله ونخوة يدخل ,(نجد العرب) تنخاكم
نجودة...الله يوفقكم انشاء الله
والفساد منتشر بكل مكان ..عليهم لعنة ربي |
رد: اللي يحس فيه ذرة رجوله ونخوة يدخل ,(نجد العرب) تنخاكم
جرير الجبيل..
شكرا أخي من الأعماق على إهتمامك بالموضوع.. بس والله خلصت السنه وتخيل إلى الآن ما طلع شي ...مو عارفين على إيش نرسي ...ضايعين وزادنا القهر ضيااااااااااااع.. وكلما سألنا يطالعون بنص عين ..كأنهم يقولون من زين مستواكم جايين تسألون... القهر مو هنا القهر من (اللي رسبت الدفعه) وراح ينتهي عقدها بعد أسابيع ...يعني سقطت العالم وبتنحاش ... ويا خوفي إنهم يماطلون بأوراقنا إلين ما تروح وبعدها بيقولون حنا مالنا شغل؟؟ دعوااااااااااااااااااااااتك لنا.؟؟ تقبل تحياتي على مرورك الطيب |
رد: اللي يحس فيه ذرة رجوله ونخوة يدخل ,(نجد العرب) تنخاكم
نجد وشرايك تكتبون معروض كامل فية جميع معاناتكم وترفقون فية صور الخطابات اللي انرسلت منكم
لاي جهه وماتفاعلت معكم او ماجاكم رد عليها ..وتعطوني ياها برسلها برقية مستعجلة ..لاكثر من جهه ماعرف ان ارسلتو لوزارة التربية والتعليم ؟ ارسلو لنائب الوزير؟ ارسلو للامارة .ان مافية فايدة وان مافية فايدة من الامارة صورة ..للملك حفظة الله مافيها شي انتو اصحاب حق ونا برسلها لكم .لكن ظبطو خطاب مرتب وعطوني ياه ـ بحول الله ان مشكلتكم ان توصل لاتنتظرونهم لو بة صباح كان قد بان ـ |
رد: اللي يحس فيه ذرة رجوله ونخوة يدخل ,(نجد العرب) تنخاكم
والله يا أخي الفاضل مدري وش أقول لك...
حنا عندنا خطاب رسمي من توقيع الدفعه كلها 106 لكن بصراحه اللي مصبرنا ومخلينا نسكت إنه جتنا لجنة من الدمام وقاعدين يسون إعادة نظر بالموضوع.. لكن إحنا وش اللي نبي بالضبط نبغى عبدالله الربيش أو سعيد العمر يتحركوووووووووووووون ((فيهم الخير والبركة ) وما حطوهم إلا هم قدها.. أشكر لك هالشهامه والنخوة في تفاعلك مع موضوعنا ومن ناحية الشكوى ننتظر على هالإسبوعين وبنشوف وش بيصير... لكن أخي الفاضل نبغى أحد يوصل صوتنا لسعيد العمر أو عبدالله الربيش ... تسوي فينااااااااا معروف لو أحد قدر يوصل لهم أو على قولتك نلجاء إلى آخر حل وهو نرجع موضوعنا إلى وزارة التعليم العالي ونشوف فزعة(محمد العوهلي) وكيل الوزارة .. هالثلاث الأجاويد إن ما قدروا يسوون شي فعلى مستقبلنا السلام...... بس تكفوووووووووووون وصلوا صوتنا لهم...... والله نقت قالبه الدنيا علينا..... حسبي الله ونعم الوكيل عليها... |
رد: اللي يحس فيه ذرة رجوله ونخوة يدخل ,(نجد العرب) تنخاكم
عطيني معلومات عن هالشخصين ومكانهم ولك وعد مني اني لاوصلهم انا
واكتبو لي خطاب او عطوني نسخة من اللي ارسلتوة ونا اوعدكم وعد شرف اني لاجيهم ..لمكاتبهم ـ |
رد: اللي يحس فيه ذرة رجوله ونخوة يدخل ,(نجد العرب) تنخاكم
جـــــــــــــــــــــرير الجبـــــــــــــيل..
أخجلت دموعي شكـــــــــرا وعرفانا... والله إنك من سلايل أهل الجود... وكلامك أثلج حمم القهر والظلم اللي في داخلي.. والله إن لك أخي الفاضل أخلص الدعوات من أعماق قلوب بنات رابع إنجليزي... أتمنى أن تعطر بمرورك صفحتي الموجودة في منتدى الآداب بعنوان ( رد خاص pure soul هذا بداية العنوان وهو كان رد لعضوة ما قصرت بموقفها.. وأنا أشكر لك هالنخوة رغم إني كنت أظن إن ماعاد باقي للمراجل إسم..لأني فقدت الأمل..وأنا قلت لو كان وراي (رجال ) عندهم واسطة,,ماكان طلبة فزعتكم يالرجال المناعير.. شكـــــــرا ودعواتي بأن يوفقك الله... |
رد: اللي يحس فيه ذرة رجوله ونخوة يدخل ,(نجد العرب) تنخاكم
الله يسلمك انا موجود لاي شي تبونة
وراح اشيك معكم اي شي تحتاجونة عطوني خبر تحياتي |
رد: اللي يحس فيه ذرة رجوله ونخوة يدخل ,(نجد العرب) تنخاكم
شكرا ..
وحنا فعلا محتاجين الدعم فقد يستفحل الأمر ونحتاج لمن يقتحم لنا تلك المكاتب |
رد: اللي يحس فيه ذرة رجوله ونخوة يدخل ,(نجد العرب) تنخاكم
نجد ابشري لاتشيلين هم
اعتبروني النائب عنكم متي مابغيتوني جاهز :119: |
رد: اللي يحس فيه ذرة رجوله ونخوة يدخل ,(نجد العرب) تنخاكم
الله يسهل عليكم ياعسولة وتنحل مشكلتكم
|
رد: اللي يحس فيه ذرة رجوله ونخوة يدخل ,(نجد العرب) تنخاكم
اقتباس:
الا وش جديدكم يانجد؟ السعوديه اللي مع السوريه تجيكم كل سبت ولا خلاص ؟ لأني كنت ابي اقابلها ! كنت . . ( د. سعيد ) - طرقنا بابه ! ومازلنا من ذاك الوقت للحين ..ننتظر جوابه ! ثم الأماره ثم وزير التعليم العالي ..العنقري ثم اشياءن ثانيه وثالثه ورابعه . . " مازلت " " لم ايأس " . . |
رد: اللي يحس فيه ذرة رجوله ونخوة يدخل ,(نجد العرب) تنخاكم
حبيبتي four
لكن أنا خلاص يأست...تحطمت كل أحلامنا... ما فيني أتحمل وشكلي بسحب ملفي... تدرين نقت الله لا يسامحها وش سوت... عندنا دكتور للمورفولجي وراقي بالتعامل واسئلته كانت نفس المحاضرات وعلى قيم ومبادئي واضحه... وللأسف نقت هي المشرفه عليه..تدخلت فيه وقلبت الرجال علينا 180 درجه.. كلمي البنات وإسأليهم عن هالسالفه مقدر أكتبها... آه والله إنتهينا..... حسبي الله ونعم الوكيل |
رد: اللي يحس فيه ذرة رجوله ونخوة يدخل ,(نجد العرب) تنخاكم
[align=right]
بنات .. اذا تبون تسمعون مني .. ترا ثقافة الخطابات انتهت ...! الخطاب غاااااااااااااالبآ مايوصل .. واذا وصل ما من مجيب .. لذلك أقول .. لو مجموعة أولياء أمور يروحون لمقر وزارة التعليم العالي بالرياض .. ويطلبون مقابلة الـ د/العنقري .. و ع الأقل سكرتيره .. لازم مقابلات شخصيه .. لأن محد يتاثر بالكلام المكتوب ,, هذا اذا قراه .. الكل مظلوم بهالقسم .. ولا فيه احد متاح الا هالباكستانيات اللي يسرحون ويمرحون بلا حسيب ولا رقيب .. الوحده تتكلم من طرف خشمها .. على وشو شايفه نفسها أنا أموت واعرف .. وبعدين لاتنسون شغله مهمممممممممممممممممه // ترا السالفه ضدهم مو سوء تعامل و ترسيب و تنقيص درجات بدون وجه حق .. لااااا مستواهم الأكاديمي متدني جدآ .. وبشهادة اعضاء القسم الباقين .. وترا هذي اقوووووووووووووى نقطة ضدهم ,, تحركوا بنات .. انفضووووووووهم لين يطسون .. [/align] |
رد: اللي يحس فيه ذرة رجوله ونخوة يدخل ,(نجد العرب) تنخاكم
يارب تنجحين .. اما نقت هذي اسمع بها بس ما قد شفتها
|
رد: اللي يحس فيه ذرة رجوله ونخوة يدخل ,(نجد العرب) تنخاكم
الله يسر لكم ..ويوفقكم ان شاء الله
مالكم الا الدعاء ..!! |
رد: اللي يحس فيه ذرة رجوله ونخوة يدخل ,(نجد العرب) تنخاكم
نجد ياقلبي لاتحملين نفسك مالا تطيق الله فووووق وانتي قلتي سهام الليل لا تخطئ فاجتهدي واألجئي الله أن يكفيك شر (نقت) بما شاء ويرد كيدها في نحرها ويجعل نقمتها عليكم بردا وسلاما ... ويارب تجد كلماتك المجروحة صدى وقبول والله هزتني من الأعماق .. الله يوفقك ويشفيك وأزمة وتعدي قريب . . تقبلي مروري .:119:
|
رد: اللي يحس فيه ذرة رجوله ونخوة يدخل ,(نجد العرب) تنخاكم
شكرا لدعواتكم... ومروركم الكريم ......
زادت اآمنا وليس لنا سوى الله هو الشافي.. يارب أن تنصرنا عليهم .. لا إدارة تحرك ساكن..ولم يحدث أي شي.. حسبنا الله ونعم الوكيل حسبنا الله ونعم الوكيل حسبنا الله ونعم الوكيل على كل مسؤول أحاط بمشكلتنا علم ولم يحرك ساكن |
رد: اللي يحس فيه ذرة رجوله ونخوة يدخل ,(نجد العرب) تنخاكم
اممممم حاولت ارسل رساله خاصه ماقدرت لازم المشاركات 100 ! |
رد: اللي يحس فيه ذرة رجوله ونخوة يدخل ,(نجد العرب) تنخاكم
ياقلبي
الله يفرج همكم من جد بنات قسم الانجليزي متعذبين مررررره الله يعينهم |
رد: اللي يحس فيه ذرة رجوله ونخوة يدخل ,(نجد العرب) تنخاكم
صدقوني مافية حل لكم الا الاعلام
لو احد كتب فيهم ) موضوع راح تقوم الدنيا عليهم تجمعو اكثر من وحدة وراسلو اكثر من جريدة وتاكدو ان الجرايد يبون مثل هالمواضيع تحياتي |
رد: اللي يحس فيه ذرة رجوله ونخوة يدخل ,(نجد العرب) تنخاكم
جرير الحويلات
قصدي الجبيل والله انك صادق مالكم الا الاعلام |
رد: اللي يحس فيه ذرة رجوله ونخوة يدخل ,(نجد العرب) تنخاكم
جرير الجبيل وأليسا...
حنا وصلنا إلى مرحله إستفحل فيها موضوعنا ولو أقول لكم وللجميع وش قاعد يصير الآن لاتنصدمون بس مااااااااااااااااااااااااااااااااندري وش نسوي مرررررررررررررره محتارين ومنهاااااااااااااااااااااارين...........\ تعبنااااااااااااااااااا خلاااااااااااااااااااااااص الله يأخذ بحقنا من الظالم حسبنا الله ونعم الوكيل... |
رد: اللي يحس فيه ذرة رجوله ونخوة يدخل ,(نجد العرب) تنخاكم
ومن ناحية الإعلام آآآآآآآآآآآآه من يبغى يتجرا يتكلم محد قادر يقول شي...
حنا بس لو سعيد العمر يتكلم ويقول وش صار بأورقنا اللي أخفوا شمسها ... |
رد: اللي يحس فيه ذرة رجوله ونخوة يدخل ,(نجد العرب) تنخاكم
ربي يعينكم صراحة
ومادري وش الي مخلنكم تتحملو وتجلسو فيها ودايم ظلم لو انا منكم ابسط حاجة اسويها ورقة تحويل الى اي كلية ثانية وماجلس فيها ولا دقيقة وحدة |
رد: اللي يحس فيه ذرة رجوله ونخوة يدخل ,(نجد العرب) تنخاكم
[align=center]
نجـــــــد العرب.....مــــآآلكم إلى الصبـــــر والدعــآآء.. وإذا تبيــن رقم د/سعيد آل عمر..راسليني والله اللي قاهرني ان نتاايج التظلم بآآقي ما عطوكم ايااهاا. حسبي الله ونعم الوكيــــل.. [/align] |
رد: اللي يحس فيه ذرة رجوله ونخوة يدخل ,(نجد العرب) تنخاكم
*(only 2 you)*- رقم د. سعيد العمر ....كلنا عندنا رقمه !!! وش صار ..بعد ما شكينا له !!! ننتظر الفرج من (الله) . . وبخصوص التظلم ترا النتيجه طلعت امس ! (( لا احد مظلوم )) ((كلكون ماعليكون ظلم )) !! . . القهر فيني اكبر واكبر اخاف اكتب كلمه او اكتب قهر . . لاحقاً بجي بعلّق على الموضوع انا ماشيه بعد شوي للكليه الظالمه الجايره ....المتخلفه اللي تمشي للورا اللي مضيقه الخناااااااااااااق ................................. لاتقولين لي د. فلانه ولا علانه كلهم واحد وجيه مختلفه لعمله وحده . . الله يكفينا فيهم ويكفينا في كل ساكت عن الحق اللهم ارنا فيهم عجاااااااااااااااااائب قوتك يا ارحم الراحمين ارحمنا وانصرنا على القوم الظالمين . . لي عوده بعد ما تهدأ فورة العقل..وبعدها اعرف افكر واكتب بغضب !!!!!!!!!!!! . . Four-2010 |
رد: اللي يحس فيه ذرة رجوله ونخوة يدخل ,(نجد العرب) تنخاكم
لاضاق الفضا؛ولا خاطري ضاق |
رد: اللي يحس فيه ذرة رجوله ونخوة يدخل ,(نجد العرب) تنخاكم
رجعت من كلية الزفت وكل الامور ماتسر وولاتبشر بالخير المهم باقي تدبيرين على الاقل ............. وكون ان احنا دخلنا في الاختبارات النهائيه هذا يعني...ان احنا مانقدر نسوي شي في الوقت الراهن.............. بس نبي الصبر ...... ونبي نخلص الاختبارات ....ثم نكمل مشوارنا ..... متفقين؟ الحين مابيدنا شي .... . . حسبي الله عليهم اللي بندخل الاختبارات وقلوبنا مكسوره |
رد: اللي يحس فيه ذرة رجوله ونخوة يدخل ,(نجد العرب) تنخاكم
four-2010 الله يكـــون بعــونكم.. /الأذكياء مانزلو درجات التظلم إلى بعد ما بدت إختبراتكم.. لكن اكيد ماراح تقولون شيء الحين.. **اشوف انك تتفقين مع بنات سنه رابع في يووم بعد الأختبارات وتكون كلمتكم وحده ومااتسكتون على هذا الوضع.. وإلا بيصير هذا الترم مثل الترم الأول..ظلم.. ذااكرو وشدو حيلكم بالأختبارات الحين. وبعدين يصيير خير بعد الإختبارات.. بالتوفييق يابنـــات الأنجليزي.. |
رد: اللي يحس فيه ذرة رجوله ونخوة يدخل ,(نجد العرب) تنخاكم
اونلي تو يو الله يجزاك خير........ هذا اللي ناويين انه يصير ..... نركّز على الاختبارات ولاخلصنا رجعنا لهم........هم يعني مفكرين ان احنا خسرنا الحرب؟ الله بينصرنا عليهم شاكره مواساتك واللي لها الأثر في رفع المعنويات |
رد: اللي يحس فيه ذرة رجوله ونخوة يدخل ,(نجد العرب) تنخاكم
:Cry111:
حــــسسســبـــي الله علييييهم ... اما ذا الكلية ششي لايصدق:bawling: <وربي احمد ربي اللي ماكملت فيها حتى ترم وان ششاء الله رب العاالمين ينصركم ويظهر الحق .. :s12: <طيب ماجربتوا تحدونهم عن طريق الاعلام "بالصحافه" <ادري ان الاختبارات دخلت بس ممكن يسوي شي..اذا تقدرين ارسلي رقمك وانا اعطيه الوالدهـ هي صحفييه وان شششـاااااء الله تقدر تووصل موضوعكم وينزل بالجريدهـ :150: :love080: |
رد: اللي يحس فيه ذرة رجوله ونخوة يدخل ,(نجد العرب) تنخاكم
سوبيآآ..
والصحافه و الإعلام وش تقدر تسوي؟؟احس ما بتسوي شي. بس ان الكل يدري وش اللي يصير بهالكلية ..لاكن ماحد بيسوي لهم شي حسبنـــــآآ الله ونــــــعم الوكيـــــل.. four-2010 انتو عددكم قليل..وبأمكانك تخبرين البنــآآت.. ومن ناحيتي بقول للي أعرفهم.. حددو لكم يووم واتفقوو.. خلوكم ساكتين هالفتره بس.. بعد الإختبارات ورووهم نجووم الظهر... |
رد: اللي يحس فيه ذرة رجوله ونخوة يدخل ,(نجد العرب) تنخاكم
*(ONLY 2 YOU)*-
< ع لسسان امي "ترا وريتها الموضوع وهذا ردها عليك وعلى بنات الانجليزي كلهم" برفع لكم القضية ع المسؤليين في الجامعه ومن ثم يتم نشرها من خلال اخذ ارائكم والالتقاء بكم لتتحدثون عن معناتكم واخذ تواقيعكم برفع التظلم واتمنى انكم تتفقون كمجموعه طالبات من اجل الالتقاء بكم في مكان الذي سيتم تحديده معكم حيث ان وحدهـ كلمتني من الطالبات و بعدها انقطعت ولم استطع اكمال الموضوع ع الرغم بأنها اتصلت بالجريدة ووعدوهـا بنشر القضيه ارجوا افادتني في حال موافقتكن ..وارسال ايميلكم حتى يتسنى مكالمتكم ... ____ انا مااقدر ارسل فاللي تحب تتكلم بأسم الدفعه ترسل ع الاقل الايميل واعطيه امي .. :love080: |
رد: اللي يحس فيه ذرة رجوله ونخوة يدخل ,(نجد العرب) تنخاكم
سوبيــــآآ الله يعطيـــك العافيه انتي وامكـ
ان شاآآآء الله راح نتواصل عن طريق المنتدى هذا ..بعد اختبارات البنات راح نتنآآآقش.. وان شاء الله ان for راح تجمع البنات وانا اللي اعرفهم بقولهم .. مع ان اخر اختباراتهم مو السبت الجااي لا السبت اللي بعده... ومشكوووره يا سوبياا^_^ |
رد: اللي يحس فيه ذرة رجوله ونخوة يدخل ,(نجد العرب) تنخاكم
العزيزات اونلي تو يو وسوبيا امممم فيه كلام صار وفيه اشياء بتصير بذن الله دعواتكم ربي يفرجها علينا بخير ..................................... << كنها هاديه ومتمالكه اعصابها هالمره؟ :119: |
رد: اللي يحس فيه ذرة رجوله ونخوة يدخل ,(نجد العرب) تنخاكم
يابنات خوفتوني من كلية الجبيل انا ناويه اسجل فيها لكن حسستوني انها غابه مخيفه
لهذه الدرجه الامور متروكه ؟ وين المسؤولين ؟مايعرفون انهم مسؤلين امام الله؟ تنصحوني اتوجه لغيرها؟ |
رد: اللي يحس فيه ذرة رجوله ونخوة يدخل ,(نجد العرب) تنخاكم
انا بعد نفس حلم امها والمشكله اني مو بس ابي الكليه ابي قسم الانقلش بعد
بس والله البنات فجعوني من القسم ومن الكليه كلها <<ومن الباكستانيات |
رد: اللي يحس فيه ذرة رجوله ونخوة يدخل ,(نجد العرب) تنخاكم
وربي ضــــــــــــــــــــــــــــــــــاق خاااطري
وأنقهـــــــــــــــــــــــــــــــــــــــــــــ ـــــرررررررت الله يشفيييك يارب .. والله ينصصصصصصصر كل مظلووم ويمممحي كل ظاااااااااااااالم |
رد: اللي يحس فيه ذرة رجوله ونخوة يدخل ,(نجد العرب) تنخاكم
الله يوفقكم ويعينـــكم ياقلبي ويصبركم على ذا المصايب ..
|
رد: اللي يحس فيه ذرة رجوله ونخوة يدخل ,(نجد العرب) تنخاكم
والله فشله مشكله صارلها الحين اكثر من 9 سنين محد قادر يحلها انا الان خريجه لكن مازلت اعاني من اثار نفسيه من قسم اللغه الانجليزيه وعلى فكره لم اتخرج غير بالانتقال لكلية اخرى
طبعا الكل يعرف من هي راس الحيه في القسم والواضح والله اعلم ان لها ظهر يسندها ونفوذ والله اعلم الوضع لايجب السكوت عليه الدكتوره هذي وراها مقصد من ترسيب البنات ومعاملتهن بحتقار قريت معانات الطالبنات في صحيفة سبق اتمنى من الله ان تصل لاعلى مسؤول حتى يتم التحقيق معها وليس فقط فصلها هذه المسماه هاله ارتكبت جرائم في حق البنات الله وحده اعلم بها يجب ان تحال للتحقيق ومعقبتها وترحيلها بلاعوده هي وشلة البكس الي معاها |
رد: اللي يحس فيه ذرة رجوله ونخوة يدخل ,(نجد العرب) تنخاكم
يااااااااااااااااااااااااااااارب يوفقج ويوفقنااا
وياليت ينظرون بامــرج عاجلاً غير اجل بالتوووووفيق :(204): |
رد: اللي يحس فيه ذرة رجوله ونخوة يدخل ,(نجد العرب) تنخاكم
قطعتوا قلبي بذا الموضوع الله يفرجها عليكم يارب واشكرك على اسلوبك المؤثر والله خليتيني احس بالمعاناه من قلب
ياعسى ربي يشفيك ويسعدك ويفتحها بوجيهكم يارب ياكريم وحسبنا الله ونعم الوكيل :(154): |
رد: اللي يحس فيه ذرة رجوله ونخوة يدخل ,(نجد العرب) تنخاكم
الله يوفقكم ويصبررررركم ..
والله ان مريت بس على الموضوع قلت ماني بقاريه لاكن قريته بس حزني كثيييييييير هذا كله يسير علشان بس يضيقون عليكم وتفصلون من الكليه حسبي الله عليهم ... الله يعوضكم خييييييييييييييير :s13: تفائلوا الخير تجدوه ان شاء الله ... تحياااتي .. حمودي من الدمام |
رد: اللي يحس فيه ذرة رجوله ونخوة يدخل ,(نجد العرب) تنخاكم
من جد دموووعي نزلت
ربي يعينك ويصبرك ويصبرنا جميع ويعديها على خير الله مايضيع تعب احد وربي يسهل عليك وعلى الجمييييييييييع انا لسة تحضيري بس من كثر مااسمع انسدت نفسي ودووم احس اني مابكمل وانا اجي مشوووار ساعة وربع الى ساعة كلل يوم ولاادري بدخل التخصص الي ابيه او لا وكل يوم وانا طالعة وامي تحاتي لين ارجع ربي يحفظ الجميع ويسهل عليكم |
رد: اللي يحس فيه ذرة رجوله ونخوة يدخل ,(نجد العرب) تنخاكم
حسبي الله ونعم الوكيل...,,
من جد الله يعينكم..انا كل صديقاتي بالتربيه بس انا ماابيها من كثر ماسمعت عنها....,, وتهون علي صديقاتي ولا ان مستقبلي يضيع..! :mad: الله يوفقكم ياارب وتتخرجوون باسرع وقت وتفتكوون.. همسه لكـ:// اذا لم تجد عدلآ في محكمة الدنيا فارفع ملفك الى محكمة الاخرة.. فإن الشهود ملآئكة....والدعوى محفوظة....والقاضي احكم الحاكمين... |
رد: اللي يحس فيه ذرة رجوله ونخوة يدخل ,(نجد العرب) تنخاكم
يابعد روحي يانجد قسم بالله انقهرت عليبببببببببببك مره
مانقول الاحسبنا الله ونعم الوكيل على الظالم الله يوفقك ويفرج همك ويسعدك بالدنيا والاخره ويعوضك عن كل لحظه حزن وضيقه وخيير وفرح وسعاده اللهم آآآآآآآآآآآآمييييييييين |
رد: اللي يحس فيه ذرة رجوله ونخوة يدخل ,(نجد العرب) تنخاكم
الله يشفيك ويعافيك
ومااالك الا حسبي الله ونعم الوكييييل |
| All times are GMT +3. الوقت الآن حسب توقيت السعودية: 11:52 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام